സുപ്രീം കോടതി വിധി എതിരായാൽ ഉദ്ധവ് താക്കറെയുടെ രാജി, സഹകരിച്ചവർക്ക് നന്ദി

മുംബൈ/ നിയമസഭയില്‍ വിശ്വാസ വോട്ടെടുപ്പ് നേടണമെന്ന ഗവര്‍ണറുടെ നിര്‍ദ്ദേശത്തിനെതിരെ ശിവസേന സുപ്രീം കോടതിയില്‍ സമര്‍പ്പിച്ച ഹര്‍ജിയില്‍ വിധി എതിരായാല്‍ മഹാരാഷ്ട്ര മുഖ്യമന്ത്രി ഉദ്ധവ് താക്കറെ രാജിവെച്ചേക്കുമെന്ന് റിപ്പോർട്ട്. ഹര്‍ജി സുപ്രീം കോടതി പരിഗണിക്കുന്നതിനിടെ ചേര്‍ന്ന മന്ത്രിസഭാ യോഗത്തിൽ ചില സുപ്രധാന തീരുമാനങ്ങളെടുത്ത മുഖ്യമന്ത്രി ഉദ്ധവ് താക്കറെ ഒപ്പം നിന്നവര്‍ക്ക് നന്ദി അറിയിച്ചുകൊണ്ടാണ് മടങ്ങിയത്.

മുഖ്യമന്ത്രി മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ ഔറംഗബാദിന്റെയും ഒസ്മാനാബാദിന്റെയും പേരുകള്‍ മാറ്റാനല്ല സുപ്രധാന തീരുമാനം എടുക്കുകയുണ്ടായി. ഔറംഗബാദിന്റെ പേര് ‘സംഭാജിനഗര്‍’ എന്നും ഉസ്മാനാബാദിന്റേത് ‘ധാരാശിവ്’ എന്നുമാക്കി പുനര്‍നാമകരണം ചെയ്യുകയാണ് ഉണ്ടായത്.

പണി പൂര്‍ത്തിയാകുന്ന നവി മുംബൈ ഇന്റര്‍നാഷണല്‍ എയര്‍പോര്‍ട്ടിന് പ്രദേശിക നേതാവ് ഡിബി പാട്ടീലിന്റെ പേര് നല്‍കാനും യോഗത്തില്‍ തീരുമാനിക്കുകയു ണ്ടായി. ഉദ്ധവ് താക്കറെ മന്ത്രിസഭായോഗത്തില്‍ വികാരനിര്‍ഭരമായ പ്രസംഗമാണ് നടത്തിയതെന്നാണ് പുറത്ത് വന്നിട്ടുള്ള റിപ്പോർട്ടുകൾ പറഞ്ഞിരിക്കുന്നത്.

തനിക്ക് കോണ്‍ഗ്രസില്‍ നിന്നും എന്‍സിപിയില്‍ നിന്നും വലിയ പിന്തുണ ലഭിച്ചിരുന്നുവെന്നും, നിര്‍ഭാഗ്യവശാല്‍ സ്വന്തം പാര്‍ട്ടിയായ ശിവസേനയില്‍ നിന്ന് യാതൊരു വിധ പിന്തുണയും ലഭിച്ചിരുന്നില്ലെന്നും, രണ്ടരക്കൊല്ലം നല്ല പ്രവര്‍ത്തനം നടത്തിയിട്ടുണ്ടെന്നും, അതിന് ഒപ്പം നിന്നവര്‍ക്ക് നന്ദി അറിയിക്കുന്നതായും ഉദ്ധവ് താക്കറെ പറഞ്ഞതായിട്ടാണ് റിപ്പോർട്ടുകൾ. മുഖ്യമന്ത്രി വളരെ നല്ല പ്രവര്‍ത്തനമാണ് നടത്തിയത്. എല്ലാ പാര്‍ട്ടികളെയും നന്ദി അറിയിക്കുകയും ചെയ്തു. മന്ത്രിസഭാ യോഗത്തിന് ശേഷം എന്‍സിപി നേതാവ് ജയന്ത് പാട്ടീല്‍ മാധ്യമങ്ങളോട് പറഞ്ഞു.