ഉപയോഗിച്ച കോണ്ടം തപാലിൽ എത്തി കൊണ്ടേയിരിക്കുന്നു, ഒരാൾക്ക് തന്നെ പല തവണ കോണ്ടം വരുന്നു, പരാതിയുമായി 65 സ്ത്രീകൾ

മെൽബൺ . ഉപയോഗിച്ച കോണ്ടം സ്ത്രീകൾക്ക് തപാലിൽ അയച്ച് കൊടുത്ത് അജ്ഞാതർ. ഓസ്ട്രേലിയയിലെ 65 സ്ത്രീകൾക്ക് ആണ് ഉപയോഗിച്ച ശേഷം ഉള്ള കോണ്ടം തപാലിൽ അയച്ച് കൊടുത്തിരിക്കുന്നത്. കഴിഞ്ഞ മാർച്ചിലാണ് ഉപയോഗിച്ച കോണ്ടം ആദ്യമായി തപാൽ വഴി ലഭിച്ചുവെന്ന പരാതിയുമായി ഒരു സ്ത്രീ രംഗത്ത് വരുന്നത്.

ഇക്കഴിഞ്ഞ തിങ്കളാഴ്ചയാണ് ബാക്കിയുള്ളവർ തപാൽ ലഭിച്ച വിവരം അറിയിച്ചിരിക്കുന്നത്. കരുതിക്കൂട്ടിയുള്ള നടപടിയെന്നാണ് ഇതേപ്പറ്റി പൊലീസിന്റെ നിഗമനം. കിൽബ്രെഡ കോളജിൽ 1999 ൽ പഠിച്ചവരാണ് തപാൽ ലഭിച്ചിരിക്കുന്ന സ്ത്രീകൾ. ഈ കോളജിൽ നിന്നായിരിക്കാം വിലാസങ്ങൾ സംഘടിപ്പിച്ചതെന്നാണ് പൊലീസ് സംശയിക്കുന്നത്.

ഒരാൾക്ക് തന്നെ പല തവണ കോണ്ടം തപാലിൽ കിട്ടി. ആരാണ് തപാൽ അയച്ചതെന്നോ, എന്താണ് ഉദ്ദേശ്യമെന്നോ കണ്ടെത്താൻ പൊലീസിന് ഇതുവരെ കഴിഞ്ഞിട്ടില്ല. സമാനമായ രീതിയിൽ ആർക്കെങ്കിലും തപാൽ ലഭിച്ചിട്ടുണ്ടെങ്കിൽ അറിയിക്കണമെന്നാണ് പോലീസ് ഇപ്പോൾ അറിയിച്ചിരിക്കുന്നത്.