ഞങ്ങടെ എല്ലാ സന്തോഷങ്ങളുടെയും കാരണക്കാരൻ,മകന് പിറന്നാളാശംസകളുമായി വീണ നായർ

മലയാളികളുടെ പ്രിയപ്പെട്ട നടിയാണ് വീണ നായർ.ബിഗ് സ്‌ക്രീനിലും മിനി സ്‌ക്രീനിലും നിറഞ്ഞ് നിൽക്കുകയാണ് നടി.നടി എന്നതിലുപരി മികച്ച ഒരു നർത്തകിയും ഗായികയുമാണ് വീണ.ബിഗ്‌ബോസ് സീസൺ രണ്ടിലെ മത്സരാർത്ഥിയും ആയിരുന്നു വീണ.ഷോയിൽ മികച്ച പിന്തുണയാണ് വീണയ്ക്ക് ലഭിച്ചത്.അവസാന അഞ്ച് മത്സരാർത്ഥികളിൽ നില ഉറപ്പിച്ച മത്സരാർത്ഥിയുമായിരുന്നു വീണ നായർ.ബിഗ്‌ബോസിലൂടെ വീണയുടെ കുടുംബവും പ്രേക്ഷകർക്ക് സുപരിചിതരായി.

വീണയുടെ ഭർത്താവ് അമനേയും മകനേയും കുറിച്ച് പറയാത്ത ഒരു ദിവസം പോലും ബിഗ്‌ബോസ് റിയാലിറ്റി ഷോയിൽ വീണയ്ക്ക് ഉണ്ടായിരുന്നില്ല. ഇന്ന് വീണയുടെ മകന് പിറന്നാൾ ദിനമാണ്. മകന് പിറന്നാൾ ആശംസകൾ നേർന്നുകൊണ്ട് വീണയും ഭർത്താവ് അമാനും പങ്ക് വച്ച വീഡിയോകൾ ഏറെ വൈറൽ ആയി മാറുകയും ചെയ്തു.

ഹാപ്പി ബർത്ത് ഡേ അമ്പാടി. ഞങ്ങടെ എല്ലാ സന്തോഷങ്ങളുടെയും കാരണക്കാരൻ ഞങ്ങടെ അമ്പാടി. അമ്പുച്ചന് ഹൃദയം നിറഞ്ഞ ജന്മദിനാശംസകൾ..ഈശ്വരന് നന്ദി. എന്ന് പറഞ്ഞുകൊണ്ടാണ് വീണ അമ്പാടിക്ക് പിറന്നാൾ ആശംസകൾ നേർന്നത്. ഒപ്പം ഒരു വീഡിയോയും വീണ പങ്ക് വച്ചിരുന്നു. മകന്റെ ഒരു കുഞ്ഞി പാട്ടും,കുഞ്ഞി സംസാരങ്ങളൂം അടങ്ങുന്ന ഒരു വീഡിയോ ആണ് അമാൻ പങ്കിട്ടത്.