മദ്യലഹരിയില്‍ ഭര്‍ത്താവ് ഭാര്യയുടെ ജീവനെടുത്തു, അനാഥരായി നാല് പെണ്‍മക്കള്‍

വയനാട്:കോവിഡ് വ്യാപന സമയം ലോക്ക്ഡൗണ്‍ പ്രഖ്യാപിച്ചതോടെ മദ്യ ശാലകള്‍ അടഞ്ഞു കിടന്ന സമയം പല പ്രശ്‌നങ്ങള്‍ക്കും ഗണ്യമായ കുറവ് ഉണ്ടായിരുന്നു.പല കുടുംബങ്ങളിലും സമാധാനം നിലവില്‍ വരികയും ചെയ്തു.എന്നാല്‍ പിന്നീട് ലോക്ക്ഡൗണ്‍ ഇളവുകള്‍ നിലവില്‍ വരികയും മദ്യ ശാലകള്‍ തുറക്കുകയും ചെയ്തതോടെ മദ്യപിച്ചുണ്ടാകുന്ന പല പ്രശ്‌നങ്ങളും റിപ്പോര്‍ട്ട് ചെയ്ത് തുടങ്ങി.ഇപ്പോള്‍ മദ്യ ലഹരിയില്‍ യുവാവ് ഭാര്യയുടെ ജീവന്‍ എടുത്തിരിക്കുകയാണ്.ഇതോടെ നാല് കുരുന്നുകള്‍ അനാഥമാവുകയും ചെയ്തു.

വയനാട് വടുവഞ്ചാലില്‍ ആണ് ദാരുണ സംഭവം ഉണ്ടായത്.മദ്യലഹരിയിലെത്തിയ ഭര്‍ത്താവ് ഭാര്യയെ മര്‍ദിക്കുകയായിരുന്നു.മര്‍ദനത്തില്‍ യുവതി മരിച്ചു.ഇതോടെ പറക്കമുറ്റാത്ത നാല് കുരുന്നുകള്‍ അനാഥരാവുകയും ചെയ്തു.വടുവഞ്ചാല്‍ വട്ടത്തുവയല്‍ അറുപത്‌കൊല്ലി പണിയ കോളനിയിലെ സീനയാണ് മരിച്ചത്.ഭര്‍ത്താവ് വിജയ് മദ്യലഹരിയില്‍ എത്തി സീനയെ മര്‍ദിക്കുകയായിരുന്നു.സംഭവത്തില്‍ വിജയിയെ പോലീസ് കസ്റ്റഡിയിലെടുത്തു.ഇതോടെ നാല് കുട്ടികള്‍ അനാഥരായി.

മദ്യപാനമാണ് ഈ കുരുന്നുകള്‍ തനിച്ചാകാന്‍ കാരണമായത്.അധികം പ്രശ്‌നങ്ങള്‍ ഒന്നും ഇല്ലാതെ സ്‌നേഹത്തോടെ തന്നെ കഴിഞ്ഞിരുന്ന കുടുംബമായിരുന്നു ഇവരുടേത്.സ്ഥിര മദ്യപാനിയായ വിജയ് കഴിഞ്ഞ ദിവസം മദ്യ ലഹരിയില്‍ എത്തി രാത്രിയില്‍ ഫോണിനെ ചൊല്ലി തര്‍ക്കമുണ്ടാവുകയായിരുന്നു.ഈ തര്‍ക്കമാണ് കയ്യാങ്കളിയിലേക്ക് തിരിഞ്ഞതും സീനയുടെ മരണത്തിന് കാരണമായതും.വാക്കേറ്റത്തിനിടെ വിജയ് ഭാര്യയെ മര്‍ദ്ദിച്ചു.ഇതിനിടെ സീനയുടെ തല വീടിന്റെ ചുമരില്‍ ഇടിക്കുകയായിരുന്നു.അബോധാവസ്ഥയില്‍ ആയ സീനയെ വിജയ് തന്നെ ചുമന്ന് ആശുപത്രിയില്‍ കൊണ്ടുപോകാന്‍ ശ്രമിച്ചെങ്കിലും വഴിമധ്യേ സീന മരിക്കുകയായിരുന്നു.സംഭവം അയല്‍ വാസികളാണ് പോലീസിനെ അറിയിച്ചത്.തുടര്‍ന്ന് പോലീസ് എത്തി വിജയിയെ കസ്റ്റഡിയിലെടുത്തു.ഇരട്ടക്കുട്ടികള്‍ അടക്കം നാല് പെണ്‍കുട്ടികളാണ് ദമ്പതികള്‍ക്ക് ഉള്ളത്.കുട്ടികളുടെ സംരക്ഷണ ചുമതല ചൈല്‍ഡ് ലൈനിന് കൈമാറുമെന്ന് ജില്ലാ പൊലീസ് സൂപ്രണ്ട് അറിയിച്ചു.