എഴുത്തുകാരിയെ 75 കാരനായ വ്യവസായി ബലാത്സംഗം ചെയ്തു, പിറകെ ദാവൂദിന്റെ പേരിൽ ഭീക്ഷണി.

മുപ്പത്തിയഞ്ചുകാരിയായ എഴുത്തുകാരിയെ ബലാത്സംഗം ചെയ്ത സംഭവത്തിൽ എഴുപത്തിയഞ്ചുകാരനും ദാവൂദ് ഇബ്രാഹിമിന്റെ ഡി കമ്പനിയുമായി ബന്ധമുണ്ടെന്ന് സംശയിക്കുന്ന വ്യവസായിക്കെതിരെ പോലീസ് കേസ് എടുത്തു. മുംബൈ പോലീസാണ് വ്യവസായിക്കെതിരെ കേസെടുത്തത്. അധോലോക നായകൻ ദാവൂദ് ഇബ്രാഹിമിന്റെ പേരിൽ വ്യവസായി ഭീഷണിപ്പെടുത്തി യിരുന്നതായും പരാതിപ്പെട്ടാൽ കൊലപ്പെടുത്തുമെന്ന് പറഞ്ഞിരുന്നതായും യുവതി മൊഴി നൽകിയിട്ടുണ്ട്.

മുംബൈ ജുഹു മേഖലയിലെ ഒരു പഞ്ചനക്ഷത്ര ഹോട്ടലിൽ വെച്ച് 75 കാരനായ വ്യവസായി 35 കാരിയായ എഴുത്തുകാരിയെ ബലാത്സംഗം ചെയ്‌തെന്നാണ് പരാതി. യുവതിയുടെ പരാതിയുടെ അടിസ്ഥാനത്തിൽ വ്യവസായിക്കെതിരെ വിവിധ വകുപ്പുകൾ പ്രകാരം കേസെടുത്ത് കൂടുതൽ അന്വേഷണം നടക്കുകയാണ്.

വ്യവസായി പരാതിക്കാരിയുടെ പേരിൽ രണ്ട് കോടി രൂപ വായ്പയെടുത്തെങ്കിലും തിരികെ നൽകിയില്ലെന്ന് പോലീസ് പറയുന്നു. യുവതി നേരിട്ട അതിക്രമങ്ങളെ ക്കുറിച്ച് ആരോടെങ്കിലും പറഞ്ഞാൽ കൊലപ്പെടുത്തുമെന്ന് ദാവൂദ് ഇബ്രാഹിമിന്റെ ഡി കമ്പനിയും വ്യവസായിയും എഴുത്തുകാരിയെ നേരിട്ട് ഭീഷണിപ്പെടുത്തി യതായാണ് പോലീസ് കണ്ടെത്തിയിരിക്കുന്നത്.

യുവതിയുടെ പരാതി സംബന്ധിച്ച് പോലീസ് കൂടുതൽ അന്വേഷണം നടത്തി വരുകയാണ്. മുംബൈയിലെ അംബോലി പോലീസ് സ്റ്റേഷനിലാണ് യുവതി വ്യവസായിക്കെതിരെ പരാതി നൽകിയത്. വ്യവസായിക്കെതിരെ പരാതി നൽകരുതെന്ന് ആവശ്യപ്പെട്ട് ഡി കമ്പനിയിൽ നിന്നും ഫോൺ കോൾ ലഭിച്ചതായും യുവതി ആരോപിക്കുന്നു.