തെരഞ്ഞെടുപ്പിൽ പരാജയപ്പെടുമെന്ന് ഉറപ്പാവുമ്പോൾ ഇവിഎമ്മിനെ കുറ്റപ്പെടുത്തുന്നത് സ്ഥിരമാണ്, യോഗി ആദിത്യനാഥ്

ലക്‌നൗ: പരാജയപ്പെടുമെന്ന് ഉറപ്പിച്ചപ്പോൾ ഇൻഡി സഖ്യം ഇവിഎമ്മിനെതിരെ കുപ്രചരണം നടത്തുകയാണ്,ഇൻഡി സഖ്യത്തെ കടന്നാക്രമിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്.

ബാലറ്റ് കൊള്ളയടിച്ച വ്യക്തികളാണ് ഇന്ന് ഇവിഎമ്മിനെ നിരസിക്കുന്നത്. തെരഞ്ഞെടുപ്പിൽ പരാജയപ്പെടുമെന്ന് ഉറപ്പാവുമ്പോൾ കോൺഗ്രസും സമാജ്‌വാദി പാർട്ടിയും ഇൻഡി സഖ്യത്തിലുള്ള മറ്റ് പാർട്ടികളും ഇവിഎമ്മിനെ കുറ്റപ്പെടുത്തുന്നത് സ്ഥിരമാണ്. ഇത് ആദ്യമായിട്ടല്ല ഇവർ ഇത്തരത്തിൽ പ്രസ്താവനകളിറക്കുന്നത്. 2014 മുതൽ കോൺഗ്രസിൽ നിന്ന് ഇത് തന്നെയാണ് നാം സ്ഥിരമായി കേൾക്കുന്നത്. യോഗി ആദിത്യനാഥ് പറഞ്ഞു.

രാജ്യത്തെ ജനങ്ങളെ തെറ്റിദ്ധരിപ്പിക്കാനുള്ള ശ്രമമാണ് ഇൻഡി സഖ്യം നടത്തുന്നതെന്നും അവരുടെ പരാജയം അംഗീകരിക്കാൻ സാധിക്കാത്തതിനാൽ കോൺഗ്രസ് ഇവിഎമ്മിനെ കുറ്റപ്പെടുത്തുകയാണെന്നും യോഗി ആദിത്യനാഥ് പറഞ്ഞു.