മുടി വെട്ടിയപ്പോൾ ഏതാനും മുടിക്ക് നീട്ടം കുറഞ്ഞു പോയി. നടൻ ഷെയ്ൻ നിഗത്തിനെതിരെ നിർമ്മാതാവിന്റെ വധ ഭീഷണി. സിനിമ നിര്മ്മാതാവ് ജോബി ജോര്ജ് തനിക്കെതിരെ വധഭീഷണി മുഴക്കുന്നുവെന്ന് നടന് ഷെയ്ന് നിഗം.ഗുഡ്വില് എന്റര്ടെയ്മെന്റ് ജോബി ജോര്ജ് നിര്മ്മിക്കുന്ന വെയില് എന്ന ചിത്രത്തിലെ നായകനാണ് ഷെയ്ന് നിഗം. ഈ ചിത്രത്തിന്റെ ഒന്നാം ഷെഡ്യൂള് കഴിഞ്ഞതിന് ശേഷമാണ് നടനെതിരെ നിര്മ്മാതാവ് വധ ഭീഷണിയുമായി രംഗത്ത് എത്തിയത്. വധിക്കപ്പെടും എന്ന് ഭീഷണി ഉണ്ടെന്നും കേരളത്തിൽ ജീവിക്കാൻ തന്നെ ഭയമാണ് എന്നും നടൻ തുറന്ന് പറയുന്നു.
ജോബി ജോര്ജ് നിര്മ്മിക്കുന്ന വെയില് എന്ന ചിത്രത്തിന്റെ ഒന്നാം ഷെഡ്യൂള് 20 ദിവസമാണ് നിശ്ചയിച്ചത്, ഇത് 16 ദിവസത്തില് പൂര്ത്തീകരിച്ച് സന്തോഷത്തോടെയാണ് ആ സെറ്റില് നിന്നും അടുത്ത പടമായ കുര്ബാനിയുടെ സെറ്റിലേക്ക് പോയത്. ഈ ചിത്രത്തിന്റെ ഷൂട്ടിംഗ് മാങ്കുളത്താണ് നടക്കുന്നു. ഈ രണ്ട് ചിത്രങ്ങളിലുമായി മൂന്ന് ഗെറ്റപ്പിലാണ് ഞാന് വരുന്നത്. വെയിലിനായി, മുന്നിലെ മുടി നീട്ടിയ ഒരു ഗെറ്റപ്പുണ്ട്. എന്നാല് കുര്ബാനി മറ്റൊരു ഗെറ്റപ്പ് വേണ്ടതിനാല് പിന്നിലെ മുടി അല്പ്പം മാറ്റി. ഇതില് തെറ്റിദ്ധരിച്ച് നിര്മ്മാതാവ് ജോബി, ഞാന് വെയില് ഷൂട്ട് മുടക്കാനാണ് ഇത് ചെയ്തത് എന്ന് ആരോപിച്ച് എനിക്കെതിരെ വധ ഭീഷണി മുഴക്കുകയാണ്.