കരിപ്പൂരിൽ വിമാനമിറങ്ങിയ വിദേശ വനിത പീഡിപ്പിക്കപ്പെട്ടു

കോഴിക്കോട് . കരിപ്പൂരിൽ വിമാനത്താവളത്തിൽ വിമാനമിറങ്ങിയ വിദേശ വനിത പീഡിപ്പിക്കപ്പെട്ടതായി പരാതി. വിദേശ വനിതയെ പീഡിപ്പിച്ചു എന്ന പരാതിയില്‍ കോഴിക്കോട് ടൗണ്‍ പൊലീസ് കേസെടുത്തു. കരിപ്പൂരില്‍ വച്ച് പീഡനത്തിന് ഇരയായി എന്നതാണ് കൊറിയന്‍ യുവതിയുടെ പരാതിയില്‍ പറഞ്ഞിരിക്കുന്നത്. കോഴിക്കോട് മെഡിക്കല്‍ കോളജിലെ ഡോക്ടറോടാണ് യുവതി പീഡനവിവരം പങ്കുവെച്ചത്. യുവതിയുടെ രഹസ്യമൊഴി രേഖപ്പെടുത്തി.

കഴിഞ്ഞദിവസം കരിപ്പൂര്‍ വിമാനത്താവളത്തില്‍ നിന്ന് മതിയായ രേഖകളില്ലാതെ കൊറിയന്‍ യുവതിയെ സിഐഎസ്എഫ് സംഘം പിടികൂടി എന്നാണ് പൊലീസ് പറയുന്നത്. ഇവര്‍ കോഴിക്കോട് നഗരത്തിലാണ് താമസിച്ചിരുന്നത്. അതിനാല്‍ കോഴിക്കോട് ടൗണ്‍ പൊലീസ് യുവതിയെ കൂട്ടിക്കൊണ്ടുപോയി.

തുടര്‍ന്ന് വൈദ്യപരിശോധനയ്ക്കായി കോഴിക്കോട് മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. ഇവിടെ വച്ചാണ് യുവതി പീഡനവിവരം ഡോക്ടറോട് പറയുന്നത്. പരിശോധിച്ചതിന്റെ അടിസ്ഥാനത്തില്‍ ഡോക്ടര്‍ ഇക്കാര്യം പൊലീസിനെ അറിയിക്കുകയായിരുന്നു. ഡോക്ടറുടെ മൊഴിയുടെ കൂടി അടിസ്ഥാനത്തിലാണ് പൊലീസ് കേസെടുത്ത് അന്വേഷണം ആരംഭിച്ചിരിക്കുന്നത്.

യുവതിയെ ആര്‌?, എവിടെ വച്ച് പീഡിപ്പിച്ചു എന്ന കാര്യങ്ങൾ പുറത്ത് വന്നിട്ടില്ല. കരിപ്പൂര്‍ വിമാനത്താവള പരിസരത്ത് വച്ച് പീഡിപ്പിക്കപ്പെട്ടു എന്ന് മാത്രമാണ് കൊറിയന്‍ യുവതി മൊഴി നല്‍കിയിരിക്കുന്നത്. ഇവരുടെ രഹസ്യമൊഴി എടുത്ത ശേഷം കേസില്‍ വിശദമായ അന്വേഷണത്തിലേക്ക് നീങ്ങാനാണ് പൊലീസ് തീരുമാനം. മതിയായ യാത്ര രേഖകൾ ഇല്ലാത്തതായി കണ്ടെത്തിയ ശേഷം വിമാനത്താവളത്തിലെ സുരക്ഷാ സേന ഇവരെ ഔദ്യോഗികമായി പൊലീസിന് കൈമാറുകയായിരുന്നു.

തുടർന്ന് യുവതി പോലീസ് കസ്ടടിയിലായിരുന്നു എന്നതാണ് ശ്രദ്ധേയം. വൈദ്യപരിശോധനക്ക് മെഡിക്കൽ കോളേജിലെത്തിച്ചപ്പോഴാണ് യുവതി, താൻ പീഡിപ്പിക്കപ്പെട്ടെന്ന് ഡോക്ടറോട് വെളിപ്പെടുത്തിയത്. ഡോക്ടറുടെ മൊഴിയുടെ അടിസ്ഥാനത്തിലാണ് പൊലീസ് കേസെടുത്തത്. ഇതേ പറ്റി പരാതിയില്‍ കൂടുതല്‍ അന്വേഷണം വേണമെന്നാണ് പോലീസ് ഭക്ഷ്യം.