നന്ദിനിക്ക് സ്വാഗതം, മിൽമയേക്കാൾ ഏഴ് രൂപ കുറവ് , എണ്ണ മുതൽ പാൽ വരെ കേരളത്തിനു പുറത്ത് വിലകുറവിന്റെ ഉൽസവം

പെട്രോൾ, ഡീസൽ, പഴം പച്ചക്കറി എല്ലാത്തിനും കേരളത്തിനു ചുറ്റും വൻ വിലകുറവ്, എല്ലാവരും 7 രൂപ വിലകുറവുള്ള നന്ദിനി പാലും വാങ്ങട്ടേ, മില്മ പാൽ വില കുറയ്ക്കട്ടേ.കേരളത്തിന്റെ അതിരുകൾക്ക് പുറത്തും അതിരുകൾക്ക് ഉള്ളിൽ മാഹിയിലും വരെ സർവ്വ സാധനങ്ങൾക്കും വിലകുറവിന്റെ മാമാങ്കമാണ്‌. ബസുകൂലി വരെ കുറവാണ്‌. ഈ സാഹചര്യത്തിൽ കൂടിയാണ്‌ 7 രൂപ വിലകുറവുള്ള നന്ദിനി പാൽ വാങ്ങി വില കൂടുതലുള്ള മില്മ പാലിനു ഒരു പണികൊടുക്കാൻ സന്തോഷ് പണ്ഢിറ്റിന്റെ കുറിപ്പ്

സംസ്ഥാനത്ത് പാലിന് വില കൂടുന്നതോടെ അന്യ സംസ്ഥാന ഉല്പന്നങ്ങൾ വിപണിയിൽ ഇടം കണ്ടെത്തുന്നു. കർണാടകയിലെ പാൽ ബ്രാൻഡായ നന്ദിനി കേരളത്തിലും മാർക്കറ്റ് പിടിക്കുകയാണ്. മിൽമയേക്കാൽ ഏഴുരൂപ കുറവുള്ളത്കൊണ്ടു തന്നെ ചെറിയ ചെറിയ ഔട്ട്ലെറ്റുകളിലും നന്ദിനി ഇപ്പോൾ ലഭിക്കുന്നുണ്ട്. നന്ദിനി പാലിനെ കേരളത്തിലേക്ക് സ്വാഗതം ചെയ്തുകൊണ്ട് പോസ്റ്റ് ഇട്ടിരിക്കുകയാണ് സിനിമാ താരവും സംവിധായകനുമായ സന്തോഷ് പണ്ഡിറ്റ്

അതേ സമയം കേരളത്തിൽ നേരിട്ട് ‘നന്ദിനി’ ഔട്ലെറ്റ് തുറക്കുന്നതിൽ സംസ്ഥാന സർക്കാർ എതിർപ്പ് പ്രകടിപ്പിച്ചു. ഇതോടെ സമൂഹമാദ്ധ്യമങ്ങളിലും നന്ദിനി പാലാണ് ചർച്ചാ വിഷയം. പണ്ഡിറ്റിൻറെ രാഷ്ട്രീയ നിരീക്ഷണം എന്ന സ്ഥിരം തലക്കെട്ടോടുകൂടിയാണ് പോസ്റ്റ്. നമ്പർ വൺ കേരളത്തിന് അന്യ സംസ്ഥാന ഉല്പന്നങ്ങൾ ഒന്നും ഇവിടെ വേണ്ട എന്ന് തീരുമാനിക്കുക എളുപ്പമല്ല.. കാരണം പച്ചക്കറി, അരി, പഴ വർഗ്ഗങ്ങൾ, മാംസം എന്നിവ അടക്കം 90 ശതമാനവും മറ്റു സംസ്ഥാനങ്ങളെ ആശ്രയിക്കേണ്ട അവസ്ഥയിൽ ആണ് നമ്മൾ.ഏഴു രൂപ കുറവുണ്ടല്ലോ നന്ദിനി പാൽ എന്നു കരുതി മലയാളികൾ “നന്ദിനി” വാങ്ങുവാൻ തുടങ്ങിയാൽ , മിൽമ പാലും വില കുറക്കേണ്ട ഗതികേടിൽ എത്തും. ഇത് ചിലർക്ക് വിഷമമാകുമെന്നും സന്തോഷ് പണ്ഡിറ്റ് പറയുന്നു.

പോസ്റ്റിൻറെ പൂർണ്ണരൂപം;

പണ്ഡിറ്റിൻ്റെ രാഷ്ട്രീയ നിരീക്ഷണം. കർണാടകയിലെ പ്രധാന പാൽ ബ്രാൻഡായ “നന്ദിനി” കേരള വിപണിയിൽ എത്തുന്നതോടെ കേരളത്തിലെ “മിൽമാ” പാൽ വൻ പ്രതിസന്ധിയില് ആകുമോ എന്ന് പലർക്കും ആശങ്കയുണ്ടെ…കാരണം കർണാടക യുടെ “നന്ദിനി” പാൽ കേരളത്തെ അപേക്ഷിച്ച് 7 രൂപയോളം കുറവുണ്ട്.. പൊതുവിൽ “നന്ദിനി” പാൽ ഉപയോഗിക്കുന്നവർ നല്ല ക്വാളിറ്റി ഉണ്ടു എന്നൊക്കെ പറയുകയും ചെയ്യുന്നു.. സത്യം എന്തായാലും “മിൽമാ” പാലിന് “നന്ദിനി” പാൽ ഒരു പാരയാണ്…(ഇനി കുറച്ചു കഴിഞ്ഞാൽ കേരളത്തിൽ “അമുൽ” കൂടി വന്നാൽ മൊത്തം പ്രശ്നം ആയേക്കാം) നമ്പർ വൺ കേരളത്തിന് അന്യ സംസ്ഥാന ഉല്പന്നങ്ങൾ ഒന്നും ഇവിടെ വേണ്ട എന്ന് തീരുമാനിക്കുക എളുപ്പമല്ല.. കാരണം പച്ചക്കറി, അരി, പഴ വർഗ്ഗങ്ങൾ, മാസം etc അടക്കം 90 ശതമാനവും മറ്റു സംസ്ഥാനങ്ങളെ ആശ്രയിക്കേണ്ട അവസ്ഥയിൽ ആണ് നമ്മൾ..

ഏഴു രൂപ കുറവുണ്ടല്ലോ നന്ദിനി പാൽ എന്നു കരുതി മലയാളികൾ “നന്ദിനി” വാങ്ങുവാൻ തുടങ്ങിയാൽ , മിൽമ പാലും വില കുറക്കേണ്ട ഗതികേടിൽ എത്തും.. ഇത് ചിലർക്ക് വിഷമം ആകും. എന്തായാലും കേരളത്തിലേക്ക് “നന്ദിനി” ക്കു സ്വാഗതം. (വാൽ കഷ്ണം… കേരളത്തിൽ പെട്രോളും ഡീസലും കർണാടക സംസ്ഥാനത്തേക്കാൾ വില കൂടുതൽ ആണല്ലോ.. ഇപ്പൊൾ തന്നെ കേരളത്തിലെ അതിർത്തി ജില്ലക്കാർ കർണാടക, തമിൾ നാട്, കേന്ദ്ര ഭരണ പ്രദേശമായ മാഹിയിൽ നിന്നൊക്കെ ഫുൾ ടാങ്ക് അടിക്കുന്നു. ഇത് കാരണം കേരളത്തിന് ഡീസൽ, പെട്രോൾ നികുതി ഖജനാവിലേക്ക് കുറവ് വന്നു എന്ന് വാർത്ത കണ്ട്.. വിഷയം serious ആകുന്നുവെന്നും താരം കുറിച്ചു.