കുട്ടേട്ടന്റെ ഭാര്യയാണ് എന്നെ സൂര്യാ ടി വി യ്ക്ക് പരിചയപ്പെടുത്തുന്നത്, ലക്ഷ്മിപ്രിയ

മലയാള ചലച്ചിത്രരംഗത്തെ ഒരു സം‌ഗീത സം‌വിധായകനും ഗായകനുമാണ് എം ജയചന്ദ്രൻ. 2003, 2004, 2007, 2008, 2010, 2012 എന്നീ വർഷങ്ങളിലെ കേരള സർക്കാരിന്റെ മികച്ച സം‌ഗീതസം‌വിധായകനുള്ള പുരസ്കാരം ജയചന്ദ്രനായിരുന്നു. കൂടാതെ 2005-ൽ കേരള സർക്കാരിന്റെ മികച്ച ഗായകനുള്ള പുരസ്കാരവും എം ജയചന്ദ്രനെ തേടിയെത്തി. അദ്ദേഹത്തിന്റെ പിറന്നാൾ ദിനമാണ് ഇന്ന്. നിരവധി ആരാധകരും സുഹൃത്തുക്കളും ആണ് അദ്ദേഹത്തിന് ആശംസകൾ നേർന്നുകൊണ്ട് രംഗത്ത് എത്തിയത്. നടി ലക്ഷ്മി പ്രിയ പങ്കിട്ട പോസ്റ്റാണ് ഇപ്പോൾ വൈറലാകുന്നത്.

കുറിപ്പിങ്ങനെ

വളരെ പ്രിയമുള്ള ഒരാളുടെ പിറന്നാൾ ആണ്.നമ്മുടെയൊക്കെ നിത്യ ജീവിതത്തിൽ സംഗീതത്തിനുള്ള സ്ഥാനം എല്ലാവർക്കും അറിയാം. ഓരോ പാട്ടും ഓരോ ഓർമ്മയാണ്. അതുപോലെ കുട്ടേട്ടന്റെ സംഗീതത്തിന് ഞങ്ങളുടെ ജീവിതത്തെ കൂട്ടി ചേർത്ത അത്രയും സ്ഥാനം ഉണ്ട് എന്ന് ഞാൻ പലതവണ എഴുതുകയും പറയുകയുമൊക്കെ ചെയ്തിട്ടുണ്ട്.

അന്ന് ആ മഴയുള്ള വെളുപ്പിന് നാടകവണ്ടിയിൽ ” ഇത്രമേൽ എന്നെ നീ സ്നേഹിച്ചിരുന്നെങ്കിൽ ” എന്ന പാട്ട് കേട്ട നിമിഷം ആണ് ജയേഷേട്ടനെ ഒരിക്കലും പിരിയാൻ എനിക്ക് കഴിയില്ല എന്ന് തീരുമാനിയ്ക്കുന്നത്. ‘ അന്നുമുതൽ ഹൃദയത്തിൽ സ്ഥാനം പിടിച്ച കുട്ടേട്ടനും പ്രിയ ചേച്ചിയും. അതിനും എത്രയോ കാലം മുൻപേ ആ കുടുംബവുമായി ജയേഷേട്ടന്റെ കുടുംബത്തിന് ബന്ധമുണ്ട്?കല്യാണ ശേഷം കുട്ടേട്ടന്റെ വീട്ടിൽ പോയ ഞങ്ങൾ….ചേച്ചിയാണ് എന്നെ സൂര്യാ ടി വി യ്ക്ക് പരിചയപ്പെടുത്തുന്നതൊക്കെ.എന്റെ കരിയറിന്റെ തുടക്കത്തിന് ഒരു സ്ഥാനം പ്രിയ ചേച്ചിയ്ക്കുമുണ്ട്.

മലയാളിയുടെ ജീവിതത്തിൽ ഇനിയുമൊരുപാട് പ്രണയവും വിരഹവും വിഷാദവും ആഹ്ലാദവും നിറയ്ക്കാൻ ‘ എം ജയചന്ദ്ര സംഗീതത്തിന് കഴിയട്ടെ ഞങ്ങളുടെ പ്രിയപ്പെട്ട കുട്ടേട്ടന് ഒരായിരം പിറന്നാൾ ആശംസകൾ നേരുന്നു. ആയുരാരോഗ്യ സൗഖ്യം ആയുരാരോഗ്യ സൗഖ്യം ആയുരാരോഗ്യ സൗഖ്യം