കേക്കിലേക്ക് കൊതിയോടെ നോക്കുന്ന കുട്ടിത്താരം, ആരെന്ന് മനസിലായോ

സോഷ്യല്‍ മീഡിയകളില്‍ സജീവമാണ് സിനിമ താരങ്ങള്‍ എല്ലാവരും തന്നെ. പുതിയ ചിത്രങ്ങളുടെ വിശേഷങ്ങളും പുതിയ ചിത്രങ്ങളും വീഡിയോകളും ഒക്കെ പങ്കുവെച്ച് താരങ്ങള്‍ രംഗത്ത് എത്താറുണ്ട്. കുട്ടിക്കാല ചിത്രങ്ങളും താരങ്ങള്‍ പലരും പങ്കുവെയ്ക്കാറുമുണ്ട്. ഇപ്പോള്‍ തന്റെ കുട്ടിക്കാലത്തെ ചിത്രം പങ്കുവെച്ചിരിക്കുകയാണ് പ്രേക്ഷകരുടെ പ്രിയ താരമായ അന്ന ബെന്‍. കുട്ടിക്കാലത്തെ ഒരു ജന്മദിനാഘോഷത്തിന്റെ ചിത്രമാണ് നടി പങ്കുവെച്ചിരിക്കുന്നത്.

മധു സി.നാരായണന്‍ സംവിധാനം ചെയ്ത ‘കുമ്പളങ്ങി നൈറ്റസ്’ എന്ന ചിത്രത്തിലൂടെയാണ് അന്ന ബെന്‍ അഭിനയ രംഗത്തേക്കെത്തിയത്. പിന്നീട് നടി നായികയായ ഹെലന്‍ എന്ന ചിത്രവും കപ്പേളയും മികച്ച പ്രേക്ഷക പ്രതികരണം നേടിയിരുന്നു. ജൂഡ് ആന്റണി ജോസഫ് സംവിധാനം ചെയ്യുന്ന ‘സാറാസ്’, എം.സി.ജോസഫിന്റെ ‘എന്നിട്ട് അവസാനം’ എന്നിവയാണ് അന്ന ബെന്നിന്റെ പുതിയ ചിത്രങ്ങള്‍.

നേരത്തെ തന്റെ മനസില്‍ സിനിമ ആയിരുന്നില്ല എന്നാണ് അന്ന ബെന്‍ പറഞ്ഞിരുന്നു. ഒരു മാഗസിന് അനുവദിച്ച അഭിമുഖത്തിലാണ് അന്ന തന്റെ മനസ് തുറന്നത്. മൂന്ന് ചിത്രങ്ങള്‍ കൊണ്ട് തന്നെ അന്ന ഇതിനോടകം സ്വന്തമായി ഒരു സ്ഥാനം മലയാള സിനിമയില്‍ ഉണ്ടാക്കിയെടുത്തിട്ടുണ്ട്. ജൂഡ് ആന്റണി സംവിധാനം ചെയ്യുന്ന സാറാസ് എന്ന ചിത്രമാണ് അന്ന ബെന്നിന്റേതായി പുറത്തിറങ്ങാനിരിക്കുന്ന പുതിയ ചിത്രം.

‘കുമ്പളങ്ങിയ്ക്ക് ശേഷം അഭിനയം എന്നൊരു പ്ലാന്‍ മനസിലുണ്ടായിരുന്നില്ല. അഭിനയം മോശമാണെങ്കില്‍ നിര്‍ത്തിക്കളയാം എന്നായിരുന്നു മനസില്‍. എന്നാല്‍ പ്രതീക്ഷിച്ചതിലേറെ സൗഭാഗ്യങ്ങള്‍ എനിക്ക് കിട്ടി. ആ എക്‌സൈറ്റ്‌മെന്റിലാണ് ഇപ്പോഴും അഭിനയിച്ചുകൊണ്ടിരിക്കുന്നത്’, അന്ന ബെന്‍ പറഞ്ഞിരുന്നു.