ബുദ്ധിജീവികളെ വെടിവച്ചു കൊല്ലാൻ ഉത്തരവിടും.

ബുദ്ധിജീവികളെ വെടിവച്ചു കൊല്ലാൻ ഉത്തരവിടും. ബുദ്ധിജീവികൾ ഭീഷണിയെന്ന് ബിജെപി. സൈന്യത്തിനെതിരെ മുദ്രാവാക്യം ഉയർത്തുന്നു.

ബുദ്ധിജീവികൾ രാജ്യത്തിനു ഭീഷണിയാണെന്ന് ബിജെപി എംഎൽഎ ബസനഗൗഡ പാട്ടീൽ യത്നൽ. ബുദ്ധിജീവി ചമയുന്നവർ നികുതിപ്പണംകൊണ്ടുള്ള എല്ലാ സൗകര്യങ്ങളും രാജ്യത്ത് അനുഭവിക്കുന്നു. എന്നിട്ട് ഇന്ത്യൻ സൈന്യത്തിനെതിരെ മുദ്രാവാക്യം ഉയർത്തുന്നതായും ബസന്ത് ഗൗഡ പറയുന്നു.താൻ ആഭ്യന്തരമന്ത്രിയായാൽ ബുദ്ധിജീവികളെ വെടിവച്ചു കൊല്ലാൻ ഉത്തരവിടുമെന്നും അദ്ദേഹം കൂട്ടിച്ചേർത്തു.മുസ്ലീങ്ങളെ സഹായിക്കരുതെന്ന മറ്റൊരു വിവാദ പ്രസ്താവനയും അടുത്തിടെ ഇദ്ദേഹത്തിന്റെ ഭാഗത്തുനിന്നും ഉണ്ടായിരുന്നു. ബിജാപുരില്‍ തന്നെ വിജയപ്പിച്ചത് ഹിന്ദുക്കളാണ്. തനിക്ക് വോട്ടുചെയ്യാന്‍ മുസ്ലീങ്ങളോട് ഒരിക്കലും ആവശ്യപ്പെട്ടിട്ടില്ല. ഹിന്ദുക്കളിലാണ് വിശ്വാസം. അവര്‍ തനിക്കായി വോട്ടു ചെയ്യും. തന്‍റെ വിജയത്തിനായി പ്രവര്‍ത്തിച്ച ഹിന്ദു സമൂഹത്തിനായി പ്രവര്‍ത്തിക്കും.മുസ്ലീങ്ങളുടെ ക്ഷേമത്തിനായി പ്രവര്‍ത്തിക്കരുതെന്നും ഹിന്ദുക്കളുടെ ക്ഷേമത്തിനായി പ്രവര്‍ത്തിക്കണമെന്നുമായിരുന്നു അദ്ദേഹത്തിൻറെ വിവാദ പ്രസ്താവന.ബുര്‍ഖയും തൊപ്പിയും ധരിച്ച ആരും തന്‍റെ ഓഫീസില്‍ എത്താന്‍ പാടില്ലെന്ന മുന്നറിയറിപ്പും ജീവനക്കാര്‍ക്ക് നൽകിയിരുന്നു.

ബിജെപി സംസ്ഥാന പ്രസിഡന്റ് ബി എസ് യെദിയൂരപ്പയുമായി വളരെ അടുത്ത ബന്ധമുള്ള നേതാവാണ് ബസനഗൗഡ.വാജ്‌പേയി സര്‍ക്കാരില്‍ 2002 മുതല്‍ 2004 വരെ സഹമന്ത്രിയായിരുന്നു. ടെക്‌സ്‌റ്റൈല്‍ റെയില്‍ വേ വകുപ്പുകളായിരുന്നു കൈകാര്യം ചെയ്തിരുന്നത്.2010 ൽ ബിജെപിയിൽ നിന്നു പുറത്താക്കുകയും ജനതാദളിൽ ചേരുകയും ചെയ്തു. പിന്നീട് ജെഡി (എസ്) വിട്ട് സ്വതന്ത്ര സ്ഥാനാർഥിയായി മത്സരിച്ചു. 2013 ൽ വീണ്ടും ബി.ജെ.പിയിൽ ചേർന്നു.