കോഴിക്കോട് കാറില്‍ യാത്ര ചെയ്യുകയായിരുന്ന വ്യാപാരിക്ക് ബസ് ജീവനക്കാരന്റെ മര്‍ദനം

കോഴിക്കോട്. കാര്‍ യാത്രക്കാരനെ ബസ് ജീവനക്കാര്‍ മര്‍ദ്ദിച്ചു. കാറില്‍ യാത്ര ചെയ്യുകയായിരുന്ന വ്യാപാരിയും വടകര മൂരാട് സ്വദേശിയുമായ സാജിദ് കൈരളിയെയാണ് സ്വകാര്യ ബസിലെ ജീവനക്കാര്‍ മര്‍ദ്ദിച്ചത്. ബസിലെ ക്ലിനര്‍ റോഡിലിട്ടാണ് സാജിദിനെ മര്‍ദിച്ചത്. ബസിന് സൈഡ് കൊടുത്തില്ലെന്ന് പറഞ്ഞാണ് ജീവനക്കാര്‍ മര്‍ദിച്ചതെന്നാണ് പരാതി.

വടകര കുട്ടോത്തായിരുന്നു സംഭവം. ഇയാള്‍ സ്ത്രീകള്‍ അടക്കമുള്ള കുടുംബത്തിനൊപ്പം മരണ വീട്ടില്‍ നിന്നും മടങ്ങുകയായിരുന്നു. വടകര പേരാമ്പ്ര റൂട്ടിലോടുന്ന ദേവനന്ദ ബസിലെ ക്ലീനറാണ് മര്‍ദിച്ചത്. മര്‍ദനത്തിന്റെ ദൃശ്യങ്ങള്‍ പുറത്തുവന്നു.

സാജിദിനെ റോഡിലേക്ക് തള്ളിയിടുന്നതും മര്‍ദിക്കുന്നതും ഭീഷണിപ്പെടുത്തുന്നതും ദൃശ്യങ്ങളിലുണ്ട്. നാട്ടുകാര്‍ ഇടപെട്ടാണ് ബസ് ജീവനക്കാരനെ പിന്തിരിപ്പിച്ചത്.