അന്തരിച്ച ശ്രീദേവിയുടെ മക്കളായ ജാന്വിയും ഖുഷിയും അഭിനയരംഗത്ത് കൂടുതല് ശ്രദ്ധനേടുകയാണ്. 2018ല് ഇറങ്ങിയ ധടക് എന്ന ചിത്രത്തിലൂടെയാണ് ശ്രീദേവിയുടെയും നിര്മ്മാതാവ് ബോണി കപൂറിന്റെയും മൂത്തമകള് ജാന്വി സിനിമയില് എത്തുന്നത്. നിരവധി ചിത്രങ്ങളാണ് ജാന്വിയെ തേടിയെത്തിയത്. ഗുഡ് ലക്ക് ജെറി, മിലി എന്നീ ചിത്രങ്ങളാണ് ജാന്വിയുടെതായി പുറത്ത് വരുവാനുള്ളത്.
ശ്രീദേവിയുടെ മരണത്തിന് ശേഷം വീട്ടിലെ കാര്യങ്ങള് എല്ലാം നോക്കുന്നത് മൂത്ത മകളായ ജാന്വിയാണ്. അനുജത്തിയുടെ കാര്യങ്ങള് എല്ലാം വളരെ ശ്രദ്ധയോടെ ജാന്വി നോക്കുന്നു. ജാന്വിയുടെ സഹോദരി ഖുഷിയും അഭിനയത്തിലേക്ക് കടക്കുകയാണ്. സോയ അക്തര് സംവിധാനം ചെയ്യുന്ന ആര്ച്ചിലൂടെയാണ് ഖുഷിയും സിനിമയില് എത്തുന്നത്.
സഹോദരിയുടെ അഭിനയരംഗത്തേക്കുള്ള വരവിനെ വളരെ സന്തോഷത്തോടെയാണ് ജാന്വി സ്വാഗതം ചെയ്തത്. ഖുഷി ചിത്രത്തിന്റെ ഓഡിഷന് പോകുന്നത് മുതല് താന് സഹോദരിക്ക് ഒപ്പം ഉണ്ടെന്നും വളരെ വലിയ ത്രില്ലിലാണെന്നും ജാന്വി പറയുന്നു. ഖുഷിക്ക് വളരെ നല്ല കഴിവുകളാണ് ഉള്ളത്. അവളുടെ സിനിമയുടെ ചിത്രീകരണം ഇടയ്ക്ക് ഞാന് ഒന്നു കണ്ടിരുന്നു. അവള് വളരെ ആഗ്രഹിച്ച് ലഭിച്ച കാര്യമാണിത്. വലിയ കഠിനാധ്വാനമാണ് സിനിമയ്ക്കായി ഖുഷി നടത്തുന്നതെന്നും ജാന്വി പറയുന്നു.
സഹോദരിയെ ആരെങ്കിലും കളിയാക്കുന്നത് തനിക്ക് സഹിക്കുവാന് കഴിയില്ല. ചിലര് അവളെ ട്രോളുന്നത് കാണം അങ്ങനെ ചെയ്യുന്നവരോട് വലിയ വെറുപ്പ് തോനുമെന്നും. അവരെ താന് വെറുതെവിടില്ലെന്നും ജാന്വി പറയുന്നു. സഹോദരിയെ എപ്പോള് വേണമെങ്കിലും സഹായിക്കുവാന് താന് തയ്യാറാണെന്നും ജാന്വി പറയുന്നു.