കൊച്ചി: സ്വപ്നയ്ക്ക് കൈക്കൂലി നൽകിയെന്ന് ലൈഫ് മിഷൻ കരാർ കമ്പനിയായ യൂണിടാക് എംഡി സന്തോഷ് ഈപ്പൻ കഴിഞ്ഞ ദിവസം സമ്മതിച്ചിരുന്നു. ലൈഫ് മിഷൻ ഭവനസമുച്ചയ കേസിൽ അഴിമതി നിരോധന നിയമപ്രകാരവും (പിസി ആക്ട്) സിബിഐ അന്വേഷണത്തിനു വഴിയൊരുക്കുകയാണ് ഒന്നാം പ്രതിയായ യൂണിടാക് ഉടമ സന്തോഷ് ഈപ്പന്റെ മൊഴി.
സിബിഐ നടത്തിയ ചോദ്യം ചെയ്യലിലാണ് സന്തോഷ് ഈപ്പൻ കൈക്കൂലി നൽകിയെന്ന് സമ്മതിച്ചത്. പണം നൽകിയതായി തെളിയിക്കുന്ന സന്തോഷിൻറെ ഡയറി സിബിഐ കസ്റ്റഡിയിലെടുത്തിരുന്നു. സന്തോഷ് ഈപ്പനെയും ഭാര്യയും കമ്പനി ഡയറക്ടറുമായ സീമ സന്തോഷിനെയും ഇന്നലെ സിബിഐ ചോദ്യം ചെയ്തിരുന്നു. കോൺസുലേറ്റ് ഭവന നിർമ്മാണ കരാർ നേരിട്ട് കൈമാറിയതാണെന്നും ഇതിനായി ഉദ്യോഗസ്ഥർക്ക് കൈക്കൂലി നൽകിയിട്ടില്ലെന്നുമായിരുന്നു സന്തോഷ് ഈപ്പൻ ഇന്നലെ പറഞ്ഞത്.
കോൺസുലേറ്റ് ഭവന നിർമ്മാണ കരാർ നേരിട്ട് കൈമാറിയതാണെന്നും ഇതിനായി ഉദ്യോഗസ്ഥർക്ക് കൈക്കൂലി നൽകിയിട്ടില്ലെന്നും സന്തോഷ് ഈപ്പൻ പറഞ്ഞിരുന്നു. പദ്ധതിയുടെ കമ്മീഷൻ ആയി കോൺസുലേറ്റിലെ യുഎഇ പൗരന് ബാങ്ക് അക്കൗണ്ട് വഴി 3. 5 കോടി കൈമാറി. കരാർ ലഭിക്കാൻ കമ്പനിയുടെ പേര് നിർദ്ദേശിച്ച വകയിൽ സ്വപ്ന സുരേഷ് അടക്കമുള്ളവർക്ക് ഒരു കോടി രൂപയും നൽകിയെന്നും സന്തോഷ് ഈപ്പൻ ഇന്നലെ മൊഴി നൽകിയിരുന്നു. എന്നാൽ കരാർ ലഭിക്കാൻ ഉദ്യോദസ്ഥർക്ക് കമ്മീഷൻ നൽകിയത് കൈക്കൂലിയായി തന്നെ കണക്കാക്കണമെന്നാണ് സിബിഐ നിലപാട്.
20 കോടി രൂപയുടെ നിർമാണ കരാർ നേടിക്കൊടുത്തതിനു നയതന്ത്ര പാഴ്സൽ സ്വർണക്കടത്തു കേസിലെ പ്രതി സ്വപ്ന സുരേഷിനും കൂട്ടാളികൾക്കും കമ്മിഷൻ നൽകിയതിനു പുറമേ ഇവർ വഴി കോഴയും നൽകിയെന്നു വ്യക്തമാക്കുന്ന രേഖകൾ റെയ്ഡിൽ സിബിഐ കണ്ടെത്തി. ഇതോടെയാണു വിദേശ സംഭാവന നിയന്ത്രണ നിയമപ്രകാരം (എഫ്സിആർഎ) സിബിഐ റജിസ്റ്റർ ചെയ്ത എഫ്ഐആറിൽ അഴിമതി നിരോധന നിയമപ്രകാരമുള്ള വകുപ്പുകൾ കൂടി ഉൾപ്പെടുത്താൻ വഴിയൊരുങ്ങിയത്.
പദ്ധതിയുടെ നിർവഹണത്തിനായി സംസ്ഥാന സർക്കാർ അംഗീകരിച്ച ഹാബിറ്റാറ്റ് ഏജൻസിയെ മാറ്റി യൂണിടാകിനു കരാർ ലഭിക്കാൻ സ്വപ്ന വഴി കോഴ നൽകിയെന്നു വ്യക്തമാകുന്നതാണു സന്തോഷിന്റെ വീട്ടിൽ കണ്ടെത്തിയ രേഖകൾ. എന്നാൽ സ്വപ്ന ആർക്കുവേണ്ടിയാണു കോഴ കൈപ്പറ്റിയതെന്ന് അറിയില്ലെന്നാണു സന്തോഷ് പറയുന്നത്. വടക്കാഞ്ചേരി പദ്ധതിക്കു പുറമേ യുഎഇ കോൺസുലേറ്റുമായി ബന്ധപ്പെട്ടു ഭാവിയിൽ ലഭിക്കാൻ പോകുന്ന നിർമാണ കരാറുകൾക്കുള്ള കമ്മിഷൻ അടക്കം യൂണിടാക് മുൻകൂട്ടി നൽകിയെന്നായിരുന്നു ഇതിനു ലഭിച്ച വിശദീകരണം. അതേസമയം സ്വപ്നയുടെ ലോക്കറിൽ കണ്ടെത്തിയ ഒരു കോടി രൂപ മറ്റാർക്കോ കൈമാറാനുള്ള തുകയാണെന്നാണ് അന്വേഷകരുടെ നിഗമനം.
ശ്രീനഗര്: ജമ്മു കശ്മീരിലെ പൂഞ്ചില് വ്യോമസേനാ വാഹനങ്ങള്ക്കു നേരെ ഭീകരാക്രമണം. സുരാന്കോട്ടെ മേഖലയിലെ സനായി ഗ്രാമത്തില്വെച്ച് വ്യോമസേനയുടെ വാഹനവ്യൂഹത്തിലെ രണ്ട്…
ടി.പി യെ 51 വെട്ട് വെട്ടി 51മത് വയസിൽ കൊല്ലപ്പെടുത്തിയിട്ട് ഇന്ന് 12 വർഷം. കൈകൾ മാത്രമാണ് ജയിലിൽ കിടക്കുന്നത്,…
ഇടുക്കി : വാഹന പരിശോധനയ്ക്കിടെ ബൈക്ക് ഇടിപ്പിച്ചു അപായപ്പെടുത്തുവാൻ ശ്രമിച്ചെന്നു പറഞ്ഞ് യുവാക്കൾക്കെതിരെ കള്ളക്കേസെടുത്ത പൊലീസ് ഉദ്യോഗസ്ഥർക്ക് സ്ഥലമാറ്റം. കട്ടപ്പന…
കൊച്ചി പനമ്പള്ളി നഗറിൽ നവജാത ശിശുവിനെ നിഷ്കരുണം വകവരുത്തി ആമസോൺ കൊറിയർ കവറിൽ കെട്ടി നടുറോഡിൽ വലിച്ചെറിഞ്ഞ സംഭവത്തിൽ യുവതിയെ…
ഒറ്റപ്പാലം: മോട്ടോര് വാഹനവകുപ്പിന്റെ 'പരിവാഹന്' സംവിധാനത്തിന്റെ പേരില് വ്യാജ സന്ദേശം. ഒറ്റപ്പാലം സ്വദേശിക്ക് 2.13 ലക്ഷം രൂപ നഷ്ടമായി. ഒറ്റപ്പാലം…
ചെന്നൈ: തമിഴ്നാട്ടിൽ കാണാതായ കോൺഗ്രസ് നേതാവിനെ മരിച്ച നിലയിൽ കണ്ടെത്തി. തിരുനെൽവേലി സൗത്ത് ജില്ലാ അധ്യക്ഷൻ കെപികെ ജയകുമാറാണ് മരിച്ചത്.…