വയനാട് പുൽപ്പള്ളി പാക്കത്തെ സോന എസ്എസ്എൽസി പരീക്ഷയെഴുതിയത് പിതാവിന്റെ മരണമേൽപ്പിച്ച നടുക്കത്തിനിടയിലാണ്. എല്ലാ വിഷയത്തിലും എ പ്ലസ് നേടി സോന പപ്പയോടുള്ള വാക്കുപാലിച്ചു. കാട്ടാന ആക്രമണത്തിലാണ് സോനയുടെ പിതാവ് പോൾ കൊല്ലപ്പെട്ടത്. ദുഃഖം തളംകെട്ടിനിന്ന മനസ്സിലും പിതാവിന്റെ ആഗ്രഹസഫലീകരണത്തിനായാണ് പതറാതെ ഓരോ പരീക്ഷയെയും സോന നേരിട്ടത്.
പാക്കം കുറുവാദ്വീപിലെ വനംസംരക്ഷണസമിതി ജീവനക്കാരനായിരുന്ന പോൾ കഴിഞ്ഞ ഫെബ്രുവരി 16-നാണ് ജോലിക്കിടയിൽ കാട്ടാനയുടെ ആക്രമണത്തിൽ കൊല്ലപ്പെട്ടത്. മരണം നടന്ന് മൂന്നാംദിവസമായിരുന്നു എസ്.എസ്.എൽ.സി. മോഡൽ പരീക്ഷ. കാര്യമായി പഠിക്കാനൊന്നും സാധിച്ചിരുന്നില്ലെങ്കിലും ഫലം വന്നപ്പോൾ മുഴുവൻവിഷയങ്ങൾക്കും എ പ്ലസ് ലഭിച്ചിരുന്നു.
എല്ലാദിവസവുമെന്നോണം പോളിന്റെ വീട്ടിലേക്ക് നാടിന്റെ നാനാഭാഗങ്ങളിൽ നിന്നുള്ളവരുടെ സന്ദർശനപ്രവാഹമായിരുന്നു. ഇതിനാൽ പകൽ സമയങ്ങളിലൊന്നും സോനയ്ക്ക് പഠിക്കാൻ സാധിച്ചിരുന്നില്ല. അനുശോചനമറിയിക്കാനെത്തുന്നവരുടെ മുന്നിൽനിന്നും ഒഴിഞ്ഞുമാറാൻ അവൾക്കാവുമായിരുന്നില്ല. ഇതിനാൽ രാത്രിയായിരുന്നു പഠനമെല്ലാം. വിജയ ഹയർസെക്കൻഡറി സ്കൂളിലായിരുന്നു സോന പഠിച്ചിരുന്നത്.
ഇവിടത്തെ അധ്യാപകരുടെയും ബന്ധുക്കളുടെയുമെല്ലാം മാനസിക പിന്തുണ തന്റെ വിജയത്തിന് പ്രചോദനമായെന്ന് സോന പറഞ്ഞു. വിജയത്തിൽ സന്തോഷമുണ്ടെങ്കിലും ഇത് കാണാൻ തന്റെ പിതാവ് കൂടെയില്ലല്ലോയെന്ന സങ്കടത്തിലാണ് സോന. പ്ലസ്ടുവിന് സയൻസ് വിഷയമെടുത്ത് തുടർപഠനം നടത്താനാണ് സോനയുടെ ആഗ്രഹം.
മുഴുവൻവിഷയങ്ങൾക്കും എ പ്ലസ് നേടിയ പോളിന്റെ മകൾ സോനാ പോളിനെ അഭിനന്ദനം അറിയിച്ച് രാഹുൽഗാന്ധി. ഈ വിജയം ശരിക്കും പ്രചോദനം നൽകുന്നതാണ്. വ്യക്തിപരമായ ഒരു ദുരന്തമുണ്ടായിട്ടും ആപ്രതിസന്ധികൾക്കിടയിലും ദൃഢനിശ്ചയത്തോടെ പഠിച്ച് വളരെ മികച്ചപ്രകടനം കാഴ്ചവെച്ചതിൽ സന്തോഷമുണ്ട്. പ്രയാസകരമായ ഒരുസമയത്ത് പിന്തുണ നൽകിയ കുടുംബത്തെയും സ്കൂളിനെയും ഇതോടൊപ്പം അഭിനന്ദിക്കുന്നു- രാഹുൽ കുറിച്ചു.
പത്തനംതിട്ട : പെരുമ്പാമ്പിനെ ശരീരത്തില് ചുറ്റി പ്രദര്ശനം നടത്തിയ യുവാവിനെതിരേ വനംവകുപ്പ് കേസെടുത്തു. റോഡരികിലെ ഓവുചാലില്നിന്ന് പിടികൂടിയ പെരുമ്പാമ്പിനെയാണ് അടൂര്…
വധ ശിക്ഷ കാത്ത് യമൻ ജയിലിൽ കഴിയുന്ന മലയാളി നേഴ്സ് നിമിഷ പ്രിയ യെ രക്ഷിക്കാൻ നടത്തുന്ന നീക്കങ്ങൾ അട്ടിമറിക്കാൻ…
ഇടുക്കി: വെസ്റ്റ് നൈൽ പനി ബാധിച്ച് ആശുപത്രിയിൽ കിത്സയിലിരുന്നയാൾ മരിച്ചു. ഇടുക്കി മണിയാറൻകുടി സ്വദേശി വിജയകുമാർ (24) ആണ് മരിച്ചത്.…
ടെഹ്റാൻ: ഇറാൻ പ്രസിഡന്റ് ഇബ്രാഹിം റെയ്സിയുടെ മരണത്തിൽ ദുരൂഹതകൾ ഉയരവെ അദ്ദേഹത്തിന്റെ മരണം ആഘോഷമാക്കി ഒരുവിഭാഗമാളുകൾ. വിദേശരാജ്യങ്ങളിൽ കഴിയുന്ന ചില…
തിരുവനന്തപുരം: സംസ്ഥാനത്ത് അടുത്ത മൂന്നുദിവസം അതിതീവ്ര മഴ തുടരാൻ സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തെക്കൻ കേരളത്തിലും മധ്യകേരളത്തിലും…
ആരാണ് ഇബ്രാഹിം റെയ്സിയുടെ മരണത്തിനു പിന്നിൽ. മസ്ജഹം കാലാവസ്ഥയിൽ ഹെലികോപ്റ്ററിൽ യാത്ര നടത്താൻ തീരുമാനമെടുത്തതിന് പിന്നിൽ ആരാണ്. ഇറാൻ പ്രസിഡന്റ്…