വിവാഹത്തിനിടെ വരനും വധുവും തമ്മില്‍ വാക്ക് തര്‍ക്കം, വരന്‍ വിഷം കഴിച്ചു മരിച്ചു, വധു വിഷം കഴിച്ചു ഗുരുതരാവസ്ഥയില്‍

വിവാഹ ദിവസം വരനും വധുവും തമ്മില്‍ വാക്ക് തര്‍ക്കം ഉണ്ടായതിനെതുടര്‍ന്ന് വരന്‍ വിഷം കഴിച്ചു മരിച്ചു. സംഭവം അറിഞ്ഞു വിഷം കഴിച്ച വധുവിനെ ഗുരുതരാവസ്ഥയിൽ ആശുപതിയിൽ പ്രവേശിപ്പിച്ചു. മധ്യപ്രദേശിലെ ഇൻഡോറിലാണ് സംഭവം. ചൊവ്വാഴ്ച്ച വിവാഹ ചടങ്ങുകള്‍ നടക്കുന്നതിനിടെയാണ് വരനും വധുവും തമ്മില്‍ വഴക്കുണ്ടാവുകയായിരുന്നു.

തുടർന്നാണ് വരന്‍ വിഷം കഴിക്കുന്നത്. താന്‍ വിഷം കഴിച്ച വിവരം വധുവിനെ വരൻ തന്നെ അറിയിക്കുകയായിരുന്നു. സംഭവം അറിഞ്ഞ യുവതിയും തുടര്‍ന്ന് വിഷം കഴിക്കുകയായിരുന്നു. ആശുപത്രിയില്‍ ഗുരുതരാവസ്ഥയില്‍ വധുവിന്റെ ആരോഗ്യനില തുടരുകയാണ്. വിവാഹത്തിനായി യുവാവ് വധുവിനോട് സമയം ആവശ്യപ്പെട്ടിരുന്നു. എന്നാല്‍ യുവതി ഇതിന് വഴങ്ങിയിരുന്നില്ല. ഇതേ തുടര്‍ന്ന് ഉണ്ടായ തര്‍ക്കമാണ് ആത്മഹത്യ വരെ എത്തുന്നത്.

ജോലിയുടെ ആവശ്യത്തിനായി രണ്ട് വര്‍ഷം സമയം ആണ് യുവാവ് യുവതിയുടെ ആവശ്യപ്പെട്ടിരുന്നത്. അതേസമയം, യുവതി നിരന്തരം യുവാവിനെ ശല്യം ചെയ്യുകയായിരുന്നു. തുടർന്നാണ് വിവാഹം നടത്താൻ യുവാവ് സമ്മതിക്കുന്നത്. യുവാവിന്റെ ബന്ധുക്കള്‍ ആരോപിച്ചു. ചൊവ്വാഴ്ച്ച വിവാഹ ചടങ്ങുകള്‍ നടക്കുന്നതിനിടെ വരനും വധുവും തമ്മില്‍ വീണ്ടും തർക്കത്തിലാക്കുകയായിരുന്നു. സംഭവത്തില്‍ പൊലീസ് കേസെടുത്തു.