കാതുകുത്തുന്നത് മകൾക്കാണെങ്കിലും വേദനകൊണ്ട് പിടയുന്നത് അച്ഛൻ, വൈറൽ വീഡിയോ

സമൂഹമാധ്യമങ്ങളിൽ വൈറലാവുകയാണ് ഒരു അച്ഛനും മകളും. ജോൺസൺ വർഗീസ് എബ്രഹാം എന്ന അച്ഛന്റെയും മകളുടെയും വിഡിയോയാണ് സമൂഹ മാധ്യമങ്ങൾ ഒന്നടങ്കം ഏറ്റെടുത്തിരിക്കുന്നത്. മകൾക്ക് കാതുകുത്തുമ്പോൾ കൂടെക്കരയുന്ന അച്ഛന്റെ വീഡിയോ പ്രേക്ഷകർ ഏറ്റെടുത്ത് കഴിഞ്ഞു. കാത് കുത്ത് കൊള്ളി വേദനിക്കുന്നത് മകൾക്കാണെങ്കിലും കണ്ണ് നിറയുന്നത് അച്ഛനാണ്.

കുഞ്ഞിനെ നെഞ്ചോട് ചേർത്ത് പിടിച്ച് കണ്ണുകൾ ഇറുക്കിയടക്കുകയാണ് ഈ അച്ഛൻ. കാത് കുത്തിന്റെ വേദനയിൽ നിലവിളിക്കുകയാണ് കുഞ്ഞുവാവ. മകൾക്ക് ചെവിയിലാണ് വേദനയെങ്കിൽ അച്ഛന് നെഞ്ചിലാണ് വേദന. ഒരു കാതിൽ കുത്ത് കിട്ടിയതോടെയാണ് കുഞ്ഞു വേദനയറിഞ്ഞത്. എന്നാൽ അതിനേക്കാൾ വേദന അച്ഛന്റെ മുഖത്തുണ്ടായിരുന്നു. ഇരു കാതുകളും കുത്തി ഭംഗിയുള്ള കമ്മലും ഇട്ടതോടെ കുഞ്ഞുവാവയുടെ മുഖത്തെ സങ്കടം പയ്യെ പയ്യെ മാഞ്ഞു പോയി. എന്നാൽ പറഞ്ഞറിയിക്കാൻ കഴിയാത്ത സങ്കടമാണ് അച്ഛന്റെ മുഖത്തുണ്ടായിരുന്നത്.