ലോകായുക്ത രാജിവെക്കണമെന്ന് കെ സുധാകരന്‍

തിരുവനന്തപുരം. ലോകായുക്ത രാജിവയ്ക്കണമെന്ന് കെപിസിസി അധ്യക്ഷന്‍ കെ സുധാകരന്‍. ഇത്തരത്തില്‍ ഒരു വിധി ലോകായുക്ത അംഗങ്ങള്‍ പ്രഖ്യാപിച്ചതിന്റെ ചേതോവികാരമാണ് ജനങ്ങള്‍ ചര്‍ച്ച ചെയ്യുന്നത്. നീതിന്യായ വ്യവസ്തയോടുള്ള ജനങ്ങളുടെ വിശ്വാസം ഇടിയുന്ന സാഹചര്യത്തിലാണ് രാജി ആവശ്യപ്പെടുന്നതെന്നും അദ്ദേഹം പറഞ്ഞു.

2019മുതല്‍ 2022 വരെ കേസില്‍ വാദം കേട്ട ലോകായിക്ത ഒരു വര്‍ഷം വിധി പറയാതിരിക്കുമ്പോള്‍ അത് എങ്ങോട്ടാണെന്ന് വ്യക്തമായിരുന്നു. ഫുള്‍ ബെഞ്ച് തീരുമാനമാക്കിയ വിഷയത്തില്‍ രണ്ടംഗ ബെഞ്ച് മറ്റൊരു ഫുള്‍ ബെഞ്ചിന് വിട്ടത് ആരെ സംരക്ഷിക്കുവനാണെന്ന് വ്യക്തമാണെന്നും അദ്ദേഹം പറഞ്ഞു. അഴിമതിക്കെതിരെ നിലപാട് എടുക്കേണ്ട ലോകായുക്ത നീതി നിര്‍വഹണത്തില്‍ സമ്പൂര്‍ണ പരാജയമാണെന്നും അദ്ദേഹം പറഞ്ഞു.