അവാർഡ് കമ്മിറ്റിയുടെ കാഴ്‌ചപ്പാടല്ല തന്റെത്, പുരസ്‌കാര സമിതിയിൽ താൻ ഉണ്ടായിരുന്നെങ്കിൽ അവാർഡ് നൽകുക ആ മൂന്ന് പേർക്കെന്ന് എം ജയചന്ദ്രൻ

മലയാളത്തിന്റെ പ്രിയപ്പെട്ട സം​ഗീതസംവിധായകനാണ് എം ജയചന്ദ്രൻ. അദ്ദേഹത്തിന്റെ പാട്ടുകൾ സം​ഗീത പ്രേമികൾ ഇരുകയ്യും നീട്ടിയാണ് സ്വീകരിക്കുന്നത്. അത്രമേൽ മധുരമാണ് അദ്ദേഹത്തിന്റെ സം​ഗീത സംവിധാനം. സംസ്ഥാന ചലച്ചിത്ര അവാർഡ് നിർണ്ണയവുമായി ബന്ധപ്പെട്ട് തന്റേതായ അഭിപ്രായം പറഞ്ഞിരിക്കുകയാണ് എം ജയചന്ദ്രൻ. ഒരു സ്വകാര്യ ചാനലിന് നൽകിയ അഭിമുഖത്തിലാണ് അദ്ദേഹത്തിന്റെ അഭിപ്രായങ്ങൾ വ്യക്തമാക്കിയിരിക്കുന്നത്.

സംസ്ഥാന ചലച്ചിത്ര പുരസ്‌കാര സമിതിയിൽ താൻ ഉണ്ടായിരുന്നെങ്കിൽ അവാർഡ് നൽകുക മറ്റുചിലർക്ക് ആയിരുന്നേനെയെന്ന് അദ്ദേഹം അഭിമുഖത്തിൽ വ്യക്തമാക്കുന്നത്. അവാർഡ് എപ്പോഴും ഒരു അവാർഡ് കമ്മിറ്റിയുടെ കാഴ്‌ചപ്പാടാണെന്നും, തന്റെ കാഴ്‌ച എന്നുപറഞ്ഞാൽ അ്തിൽ നിന്നൊക്കെ വ്യത്യസ്‌തമാണെന്നും ജയചന്ദ്രൻ പറഞ്ഞു. ഇത്തവണത്തെ സംസ്ഥാന അവാർഡ് നേടിയത് റിയാലിറ്റി ഷോയിലൂടെ മലയാള പിന്നണി ​ഗാനരം​ഗത്തേക്ക് എത്തപ്പെട്ട നജീം അർഷാദായിരുന്നു.

‘അവാർഡ് എന്നു പറയുന്നത് എപ്പോഴും ഒരു അവാർഡ് കമ്മിറ്റിയുടെ കാഴ്‌ചപ്പാടാണെന്നാണ് എം ജയചന്ദ്രൻ പറയുന്നത്. എന്റെ കാഴ്‌ച എന്തെന്ന് പറഞ്ഞാൽ, കഴിഞ്ഞ രണ്ട് വർഷത്തിനിടെ ഇറങ്ങിയ പാട്ടുകളിൽ ഏറ്റവും ഇഷ്‌ടപ്പെട്ടത് അമ്പിളിയിലെ ആരാധികേ എന്ന ഗാനമാണ്. അതിന്റെ മ്യൂസിക് കമ്പോസർ വിഷ്‌ണു വിജയ് വളരെയധികം കഴിവുള്ള ആളാണെന്ന് മനസ്സിലാകും.

ഞാൻ കമ്മിറ്റിയിലുണ്ടായിരുന്നെങ്കിൽ ചിലപ്പോൾ ആരാധികയ‌്ക്ക് കൊടുക്കും. കുമ്പളങ്ങി നൈറ്റ്‌സിന്റെ ബാക്ക് ഗ്രൗണ്ട് കമ്പോസിംഗിന് സുശിൻ ശ്യാമിന് കൊടുക്കുമായിരുന്നു. ഉയരെ എന്ന ചിത്രത്തിൽ ഗോപി സുന്ദർ ചെയ‌്ത നീ മുകിലോ എന്ന ഗാനവും വളരെ ഇഷ്‌ടപ്പെട്ടു. സിത്താരയാണ് പാടിയത്. ഇപ്പോൾ അവാർഡ് കിട്ടിയവരൊക്കെ അത് അർഹിക്കുന്നവർ തന്നെയാണ്, സംശയമില്ലെന്നും അദ്ദേഹം വ്യക്തമാക്കുന്നു.