കാഴ്ചശക്തിയില്ലാത്ത യുവാവിന്റെ ബാക്കിയായ ടിക്കറ്റുകൾ മുഴുവൻ വാങ്ങി പോലീസിന്റെ കനിവ്

ഒട്ടനവധി കുറ്റങ്ങൾ കേൾക്കുന്ന വിഭാ​ഗമാണ് കേരളാ പോലീസുകാർ. പലപ്പോഴും ഇവർക്കെതിരെയുള്ള വിമർശനങ്ങൾ അതിരു കടക്കാറുണ്ട്. കരുണ വറ്റാത്ത ഒരു വിഭാ​ഗം പോലീസുകാർ നമുക്ക് ചുറ്റും ഉണ്ട്. പെിന്തൽമ്മണ്ണയിൽ നിന്നാണ് ഒരു കൂട്ടം നല്ല പോലീസുകാരുടെ വാർത്ത പുറത്തുവരുന്നത്. രണ്ടാം ശനിയാഴ്ചയാണെന്നറിയാതെ ലോട്ടറിവിൽപ്പനക്കെത്തിയ തൊണ്ണൂറ് ശതമാനം കാഴ്ച ശക്തിയില്ലാത്ത ഷൈജുവിനെയാണ് പോലീസുകാർ സാഹായിച്ചത്.

കാഴ്ചശക്തിയില്ലാത്തതിനാൽ ലോട്ടറി വിൽപ്പന നടത്തിയാണ് ഷൈജു അന്നം കണ്ടെത്തുന്നത്. പെരിന്തൽമ്മണ്ണയിലെ സിവിൽ സ്റ്റേഷൻ പരിസരത്താണ് ലോട്ടറി കച്ചവടം നടത്തുന്നത്. എന്നാൽ രണ്ടാം ശനിയാഴ്ചയാണെന്ന് അറിയാതെയാണ് ഷൈജു ലോട്ടറി വിൽപ്പനയ്ക്ക് എത്തിയത്. എന്നാൽ ലോട്ടറി വാങ്ങാൻ ആളില്ലാതെ വന്നതോടെ ഷൈജുവിന് നിരാശയായി. എന്നാൽ ഇത് കണ്ട് സഹായത്തിന് എത്തിയത് മറ്റാരുമല്ല, കേരള പോലീസ് തന്നെയാണ്.

സിവിൽ സ്റ്റേഷനു മുൻപിൽ സമരം നിയന്ത്രിക്കാൻ എത്തിയ അവർ അദ്ദേഹത്തിന്റെ കൈയ്യിൽ ബാക്കിയായ ടിക്കറ്റുകളെല്ലാം വിലകൊടുത്ത് വാങ്ങുകയായിരുന്നു. ശേഷം ഷൈജു നിറപുഞ്ചിയോടെ മടങ്ങുകയായിരുന്നു