ന്യൂഡല്ഹി: റഫാല് ഇടപാടില് ഫ്രാന്സില് സര്ക്കാര് അന്വേഷണം ആരംഭിച്ചതിന് പിന്നാലെ പ്രധാനമന്ത്രി നരേന്ദ്ര മോദിയെ വിമര്ശിച്ച് രാഹുല് ഗാന്ധി. ഇന്സ്റ്റഗ്രാമിലൂടെയാണ് രാഹുല് മോദിയെ വിമര്ശിച്ചത്. ഒരു ചിത്രത്തോടൊപ്പം ചോര് കി ദാധീ (കള്ളന്റെ താടി) എന്ന കുറിപ്പോടെയായിരുന്നു രാഹുലിന്റെ പരിഹാസം.
2016ല് ഇന്ത്യയുമായി ഒപ്പിട്ട 59,000 കോടി രൂപയുടെ യുദ്ധവിമാന ഇടപാടിലെ അഴിമതിയെക്കുറിച്ചാണ് അന്വേഷണമെന്ന് ഫ്രഞ്ച് ഓണ്ലൈന് മാധ്യമമായ മീഡിയപാര്ട്ട് റിപ്പോര്ട്ട് ചെയ്തിരിക്കുന്നത്. രാജ്യാന്തര കരാര് സംബന്ധിച്ച അതിസങ്കീര്ണമായ കേസില് കഴിഞ്ഞമാസം 14ന് അന്വേഷണം തുടങ്ങിയതായും റിപ്പോര്ട്ടില് പറയുന്നു. മീഡിയ പാര്ട്ട് നേതൃത്വം നല്കിയ നിരന്തര അന്വേഷണവും ഫ്രഞ്ച് സന്നദ്ധസംഘടനയായ ഷെര്പ നല്കിയ പരാതിയുമാണ് ജുഡീഷല് അന്വേഷണത്തിലേക്ക് നയിച്ചത്.
പബ്ലിക് പ്രോസിക്യൂഷന് സര്വീസ് മുന് മേധാവി എലിയാന ഹൗലട്ടിയാണ് അന്വേഷണത്തിനു നേതൃത്വം നല്കുന്നത്. കരാര് ഒപ്പിടുന്നത് മുന് ഫ്രഞ്ച് പ്രസിഡന്റ് ഫ്രന്സ്വാ ഒളാന്തിന്റെ ഭരണകാലത്താണ്. ഇപ്പോഴത്തെ പ്രസിഡന്റ് ഇമ്മാനുവല് മക്രോണ് ആയിരുന്നു അന്നത്തെ ധനമന്ത്രി. കരാറുമായി ബന്ധപ്പെട്ട് ഒളാന്തിന്റെ കാലത്തെ നടപടികള് പരിശോധനയ്ക്കു വിധേയമാക്കിയേക്കും.
ഫ്രഞ്ച് വിമാനനിര്മാണ കന്പനിയായ ദസോയും ഇന്ത്യന് സര്ക്കാരും തമ്മിലായിരുന്നു കരാര്. ഇന്ത്യക്ക് 36 യുദ്ധവിമാനങ്ങള് കൈമാറ്റം ചെയ്യുന്നതില് ആരോപിക്കപ്പെടുന്ന അഴിമതിയും സ്വജനപക്ഷപാതവുമാണ് അന്വേഷണപരിധിയിലുള്ളതെന്ന് ഫ്രഞ്ച് പ്രോസിക്യൂഷന് സര്വീസിന്റെ സാന്പത്തിക കുറ്റകൃത്യ വിഭാഗമായ (പിഎന്എഫ് ) പറഞ്ഞു.
ഇന്ത്യയില് യുപിഎ ഭരണകാലത്ത് 570 കോടിയായിരുന്നു വിമാനത്തിന് വില കണക്കാക്കിയിരുന്നതെങ്കില് എന്ഡിഎ സര്ക്കാര് വന്നതോടെ 2016ല് വിമാനത്തിന്റെ വില 1670 കോടിയായി ഉയര്ത്തി. സാങ്കേതികവിദ്യയടക്കം കൈമാറുന്നതിനാലാണ് വില ഉയര്ത്തിയതെന്നാണ് സര്ക്കാര് വാദം. ഇടപാടിലെ അഴിമതി ചൂണ്ടിക്കാട്ടി 2018 ല് നല്കിയ പരാതി പിഎന്എഫ് നിരസിച്ചിരുന്നു.
ചെങ്കല് മഹേശ്വര ക്ഷേത്രത്തിന് വീണ്ടും അംഗീകാരം. ഗ്ലോബൽ റെക്കോർഡ്സ് ആൻഡ് റിസർച്ച് ഫൗണ്ടേഷന്റെ നാഷണൽ റെക്കോർഡ് അംഗീകാരമാണ് ലഭിച്ചത്. ചെങ്കലൽ…
മലപ്പുറം : പ്ലസ് വൺ വിദ്യാർത്ഥിയെ സ്കൂളിലെ സീനിയര് വിദ്യാര്ത്ഥികള് റാഗ് ചെയ്തെന്ന് പരാതി. വേങ്ങര ഗവൺമെന്റ് മോഡൽ വൊക്കേഷണൽ…
പത്തനംതിട്ട: ശബരിമല തന്ത്രി സ്ഥാനത്തേക്ക് ചെങ്ങന്നൂർ താഴമൺ മഠത്തിലെ അടുത്ത തലമുറയിൽ നിന്നു ഒരാൾ കൂടി എത്തുന്നു. തന്ത്രി സ്ഥാനമുള്ള…
കൊച്ചി: 'അമ്മ'യിലെ ഭാരവാഹി തിരഞ്ഞെടുപ്പിനെതിരെ തുറന്നടിച്ച് നടൻ രമേശ് പിഷാരടി. എക്സിക്യുട്ടീവ് കമ്മിറ്റിയിലേക്ക് മൂന്ന് വനിതാ അംഗങ്ങളെ തിരഞ്ഞെടുത്ത രീതി…
പല പ്രസ് ക്ളബുകളും സർക്കാർ ഫണ്ട് തിരിമറിയും അഴിമതിയും നടത്തിയതിനു ജപ്തി നേരിടുമ്പോൾ ഇതിൽ മനോരമക്കാരേ കുടുക്കാൻ ദേശാഭിമാനി ലോബിയുടെ ശ്രമം.…
കോഴിക്കോടിന്റെ മുഖമുദ്രയായ മിഠായിത്തെരുവിൽ ഇനി സഞ്ചാരികളെ തടയുകയോ, ബലമായി കടയിൽ കയറ്റാൻ നോക്കാനോ പാടില്ല. ഇവിടേക്ക് ഒഴുകിയെത്തുന്ന ജനങ്ങൾ നിരവധിയാണ്.…