വാര്ത്താ ചാനലിന് വേണ്ടി തത്സമയം വിവരങ്ങള് നല്കിക്കൊണ്ടിരുന്ന റിപ്പോര്ട്ടറുടെ മൊബൈല് ഫോണ് തട്ടിപ്പറിച്ച് കള്ളന്. ലൈവായി മോഷണം നടത്തുന്നതിന്റെ ദൃശ്യങ്ങള് ഇപ്പോള് സോഷ്യല്മീഡിയയില് വൈറലായിരിക്കുകയാണ്. അര്ജന്റീനയിലാണ് രസകരമായ മോഷണം നടന്നത്. ലൈവ് റിപ്പോര്ട്ടിങിനിടെ തങ്ങളുടെ റിപ്പോര്ട്ടറുടെ ഫോണ് മോഷ്ടിക്കുന്നതിന്റെ ദൃശ്യങ്ങള് അര്ജന്റീനയിലെ പ്രമുഖ ടെലിവിഷന് ചാനലായ എന് വിവോ എല് നുവെ ചാനല് തന്നെയാണ് പുറത്തുവിട്ടത്.
ചാനല് റിപ്പോര്ട്ടര് ഡിമാര്സോയ്ക്കാണ് ലൈവ് റിപ്പോര്ട്ടിങ്ങിനിടെ കള്ളന്റെ അതിക്രമം നേരിടേണ്ടി വന്നത്. ന്യൂസ് റൂമില് നിന്ന്ുള്ള അവതാരകരുടെ ചോദ്യത്തിന് മറുപടി പറയാനൊരുങ്ങവെ പെട്ടന്ന് വളരെ വേഗത്തില് ഓടിയെത്തിയ ഒരാള് ഡിമാര്സോയുടെ ഫോണ് തട്ടിപ്പറിച്ച് ഓടിപ്പോവുകയായിരുന്നു. ഫോണ് തിരിച്ചുതരാന് വിളിച്ചുപറഞ്ഞുകൊണ്ട് ഡിമാര്സോ പുറകേ ഓടിയെങ്കിലും കള്ളന് അതിവേഗത്തില് മറഞ്ഞുകളയുന്നതാണ് ദൃശ്യങ്ങളിലുള്ളത്. ഇയാള് പ്രധാന വഴിയില് നിന്ന് മറ്റൊരു ഇടവഴിയിലേക്ക് കയറിയാണ് രക്ഷപ്പെടുന്നത്.
പക്ഷേ അതിസാഹസികമായി മോഷണം നടത്തിയ കള്ളന് ഒടുവില് പിടിയിലാവുകതന്നെ ചെയ്തു. സംഭവം കണ്ടുകൊണ്ട് നില്ക്കുകയായിരുന്ന നാട്ടുകാര് ഇടപെട്ടതോടെയാണ് കള്ളന് പിടിയിലായത്. കുട്ടികളടക്കമുള്ളവര് കള്ളനെ അന്വേഷിച്ച് പിന്നാലെ പോവുകയും ഒടുവില് പിടികൂടുകയും ചെയ്തു. ഫോണ് തിരികെ വാങ്ങി ഡിമാര്സോയ്ക്ക് നല്കുകയും ചെയ്തു. നാട്ടുകാരുടെ നല്ലമനസ്സിനും തന്നോടു കാണിച്ച സഹകരണത്തിനും നന്ദി പറഞ്ഞുകൊണ്ടാണ് ഡിമാര്സോ സ്ഥലത്തുനിന്ന് തിരികെ വന്നത്.
കോടികളുടെ ഓണ്ലൈന് തട്ടിപ്പ് നടത്തിയ സംഘത്തിലെ പ്രധാനകണ്ണി പിടിയില്. മടിക്കേരിയിൽ സ്വകാര്യ മൊബൈല് കമ്പനി വിതരണക്കാരനായ അബ്ദുൽ റോഷനാണ് അറസ്റ്റിലായത്.…
ന്യൂഡൽഹി∙ ഇറാൻ പിടിച്ചെടുത്ത എംഎസ്സി ഏരീസ് കപ്പലിലെ അഞ്ച് ഇന്ത്യക്കാർ ഉൾപ്പെടെ ഏഴു പേർക്കു കൂടി മോചനം. ഇന്ത്യക്കാർക്കു പുറമേ…
ആലപ്പുഴ: എടത്വയില് കെ.എസ്.ആര്.ടി.സി. ബസിടിച്ച് പരിക്കേറ്റ രണ്ട് സ്കൂട്ടര് യാത്രികർ മരിച്ചു. തിരുവല്ല പൊടിയാടി പെരിങ്ങര സ്വദേശികളായ സോമൻ (65),…
സമരം പിൻവലിച്ച് എയർ ഇന്ത്യ എക്സ്പ്രസ് ജീവനക്കാർ. ജീവനക്കാരുടെ പ്രശ്നങ്ങൾ പരിശോധിക്കാമെന്ന് മാനേജ്മെന്റ് ഉറപ്പ് നൽകിയ സാഹചര്യത്തിലാണ് ജീവനക്കാർ സമരം…
ന്യൂഡല്ഹി: രാജ്യത്ത് ഭൂരിപക്ഷ മതവിഭാഗമായ ഹിന്ദുക്കളുടെ എണ്ണം കുത്തനെ കുറഞ്ഞതായി പഠന റിപ്പോര്ട്ട്. പ്രധാനമന്ത്രിയുടെ സാമ്പത്തിക ഉപദേശക കൗണ്സിലിന്റേതാണ് കണ്ടെത്തല്.…
തിരുവനന്തപുരം: പരിഷ്കരിച്ച ഡ്രൈവിങ് ടെസ്റ്റുമായി മോട്ടോര് വാഹന വകുപ്പ് മുന്നോട്ട്. ടെസ്റ്റിന് തീയതി ലഭിച്ച അപേക്ഷകര് സ്വന്തം വാഹനവുമായി നാളെ…