ന്യൂഡല്ഹി: നിയമസഭാ കൈയ്യാങ്കളി കേസ് പിന്വലിക്കണമെന്നാവശ്യപ്പെട്ട് കേരള സര്ക്കാര് സുപ്രിംകോടതിയില് നല്കിയ ഹരജിയില് നാളെ വിധി പറയും. വിശദമായ വാദം കേട്ടാണ് കേസില് നാളെ വിധി പറയുന്നത്. ജസ്റ്റിസ് ഡി.വൈ ചന്ദ്രചൂഢിന്റെ ബെഞ്ചായിരിക്കും രാവിലെ പത്തരയ്ക്ക് വിധി പറയുക.
കഴിഞ്ഞ തവണകളില് കേസ് പരിഗണിച്ചപ്പോള് സര്ക്കാരിനെതിരെ കടുത്ത വിമര്ശനമായിരുന്നു സുപ്രിം കോടതി നടത്തിയത്. കേസ് പിന്വലിക്കാന് സര്ക്കാരിന് സാധിക്കില്ലെന്നും ഇടത് എം.എല്.എമാരുടെ പ്രവര്ത്തി അംഗീകരിക്കാന് കഴിയാത്തതെണെന്നും കോടതി പറഞ്ഞിരുന്നു.
കേസില് മന്ത്രി വി. ശിവന്കുട്ടി, മുന് മന്ത്രിമാരായ കെ.ടി ജലീല്, ഇ.പി ജയരാജന്, മുന് എം.എല്.എമാരായ കെ. കുഞ്ഞമ്മദ്, സി.കെ സദാശിവന്, കെ. അജിത് എന്നിവരാണ് പ്രതികള്. ഇവര് വിചാരണ നേരിടണമെന്ന് മാര്ച്ച് 12നു ഹൈക്കോടതി ഉത്തരവിട്ടിരുന്നു. ഇതിനെതിരെയാണു സംസ്ഥാന സര്ക്കാര് സുപ്രിം കോടതിയെ സമീപിച്ചത്.
2015ല് യു.ഡി.എഫ് സര്ക്കാരിന്റെ കാലത്താണു നിയമസഭയില് പ്രതിപക്ഷ എം.എല്.എമാരുടെ പ്രതിഷേധത്തെത്തുടര്ന്ന് കയ്യാങ്കളിയും പൊതുമുതല് നശിപ്പിക്കലും നടന്നത്. പൂട്ടിക്കിടന്ന ബാറുകള് തുറക്കാന് ഒരുകോടി രൂപ കൈക്കൂലി വാങ്ങിയെന്നാരോപിച്ച് അന്നത്തെ ധനമന്ത്രി കെ.എം മാണിക്കെതിരെയായിരുന്നു പ്രതിഷേധം.
ബജറ്റ് അവതരിപ്പിക്കുന്നതില്നിന്നു മാണിയെ തടയാന് പ്രതിപക്ഷം നിയമസഭയ്ക്കകത്തും പുറത്തും പ്രക്ഷോഭം നടത്തി. സഭയില് മാണിയുടെ ബജറ്റ് പ്രസംഗം തടസപ്പെടുത്തിയ പ്രതിപക്ഷം സ്പീക്കറുടെ ഡയസില് കയറി കസേര മറിച്ചിടുകയും കംപ്യൂട്ടറും മറ്റ് ഉപകരണങ്ങളും നശിപ്പിക്കുകയും ചെയ്തിരുന്നു. മൊത്തം രണ്ടര ലക്ഷം രൂപയുടെ നഷ്ടം ഉണ്ടായി. നിയമസഭാ സെക്രട്ടറിയുടെ പരാതിയിലാണ് പൊലിസ് കേസെടുത്തത്.
ലോക്സഭ തെരഞ്ഞെടുപ്പിന്റെ മൂന്നാം ഘട്ട വോട്ടെടുപ്പിലും പോളിംഗ് ശതമാനത്തിൽ ഇടിവ്. ആകെ രേഖപ്പെടുത്തിയത് 60% പോളിങ്. കഴിഞ്ഞ തവണ ആകെ…
കൊൽക്കത്ത: നിയമന കുംഭകോണത്തില് മമത സര്ക്കാരിനെതിരെ രൂക്ഷവിമർശനവുമായി സുപ്രീം കോടതി. ജനങ്ങളുടെ വിശ്വാസം നഷ്ടപ്പെട്ടാൽ ഒന്നും അവശേഷിക്കില്ലെന്നും ഇത് വഞ്ചനയാണെന്നും…
റിയാദിൽ തൂക്കിക്കൊല്ലാൻ വിധിച്ച അബ്ദുൾ റഹീമിന് വേണ്ട് പിരിച്ചെടുത്ത് 34 കോടി രൂപ ചർച്ചയാകുമ്പോൾ ഗൾഫി രാജ്യങ്ങളിലെ പണപ്പിരിവിന്റെ നിയമവശങ്ങൾ…
ഫ്രാൻസിൽ ഹിന്ദുമതം പഠിപ്പിക്കുന്നു. ഹിന്ദു മതത്തിന്റെ അടിസ്ഥാന തത്വങ്ങൾ പഠിപ്പിക്കാൻ ഫ്രാൻസിൽ പരസ്യമായ ക്ളാസുകൾ...എല്ലാം ഫ്രാൻസ് സർക്കാരിന്റെ അനുമതിയോടെ. ഫ്രാൻസിൽ…
നാട്ടുകാരേ പറ്റിച്ച മറ്റൊരു സഹസ്ര കോടീശ്വരൻ കൂടി അറസ്റ്റിൽ. കേരളത്തിൽ തകർന്നത് 500കോടിയിലേറെ ഇടപാടുകൾ നടത്തിയ നെടുംപറമ്പിൽ ക്രഡിറ്റ് സിൻഡിക്കേറ്റ്…
കൊൽക്കത്ത: ലോക്സഭാ തിരഞ്ഞെടുപ്പ് അലങ്കോലമാക്കാൻ ബംഗാളിലെ ബൂത്തുകളിൽ തൃണമൂൽ പ്രവർത്തകർ വോട്ടർമാരെ ഭീഷണിപ്പെടുത്തിയതായി പരാതി. ബിജെപി സ്ഥാനാർത്ഥികളെ ബൂത്തുകളിൽ കയറ്റാൻ…