സുരാജ് വെഞ്ഞാറമ്മൂടിനായി സിപിഎം രംഗത്തിറങ്ങി,ഗണേഷിൻ്റെ നീക്കം പാളി

അമിതവേ​ഗതയിൽ വാഹനം ഓടിച്ച് അപകടം ഉണ്ടാക്കിയ സുരാജ് വെഞ്ഞാറമ്മൂടിന്റെ ലൈസൻസ് സസ്പെൻഡ് ചെയ്യാനുള്ള നീക്കങ്ങൾ കഴിഞ്ഞദിവസം മോട്ടോർ വാഹന വകുപ്പ് ആരംഭിച്ചിരുന്നു. എന്നാൽ ഇക്കാര്യത്തിൽ ഉന്നതല ഇടപെടൽ ഉണ്ടായി എന്നുള്ളതാണ് ഇപ്പോൾ പുറത്തുവരുന്ന വാർത്തകൾ. തൽക്കാലം സുരാജ് വെഞ്ഞാറമൂടിന്റെ ലൈസൻസ് സസ്പെൻഡ് ചെയ്യുന്നില്ലായെന്നതാണ് വാർത്ത. സുരാജ് വെഞ്ഞാറമൂടിന് മറുപടി നൽകാൻ കുറച്ചു സമയം കൂടി അനുവദിക്കണമെന്ന് ഉള്ള നിർദ്ദേശം. അതായത് മന്ത്രിയുടെ ഓഫീസ് മോട്ടോർ വാഹന വകുപ്പിന് നൽകി എന്നുള്ള വിവരങ്ങളാണ് പുറത്തുവരുന്നത്.

സംഭവത്തിൽ ഉന്നത സിപിഎം നേതാക്കളുടെ ഇടപെടൽ ഉണ്ടായി എന്നുള്ള വാർത്തകളും പുറത്തുവരികയാണ്. അമിത വേ​ഗതയിൽ കാറോടിച്ച് വഴിയാത്രക്കാരനെ ഇടിച്ചു തെറിപ്പിച്ച വിഷയത്തിലാണ് പോലീസ് സുരാജ് വെഞ്ഞാറമ്മൂടിനെതിരെ കേസെടുത്തത്. ശേഷം സുരാജിന് വിശദീകരണം ആവശ്യപ്പെട്ടുകൊണ്ട് മോട്ടോർ വാഹന വകുപ്പ് നോട്ടീസ് നൽകിയിരുന്നു. ആദ്യ നോട്ടീസ് സുരാജ് സ്വീകരിച്ചു എന്നാൽ മറുപടി നൽകിയില്ല, രണ്ടും മൂന്നും നോട്ടീസുകൾ മോട്ടോർ വാഹന വകുപ്പ് അയച്ചുവെങ്കിലും അതിനൊന്നും തന്നെ മറുപടി നൽകാൻ സുരാജ് വെഞ്ഞാറമൂട് തയ്യാറായില്ല എന്നുള്ളതാണ് ശ്രദ്ധേയമായ കാര്യം.

ഈ സാഹചര്യ ത്തിലാണ് വിഷയം ഗതാഗത മന്ത്രിയുടെ ശ്രദ്ധയിലേക്ക് എത്തുന്നത്. മോട്ടോർ വാഹന നിയമങ്ങൾ എല്ലാവർക്കും ഒരുപോലെ ബാധകമാണെന്നും സിനിമാതാരമോ എന്ന പരിഗണന കാര്യത്തിൽ വേണ്ടെന്ന് തുടർന്ന് ഗതാഗത മന്ത്രി ഗണേഷ് കുമാർ നിലപാടെടുത്തു ഉടൻതന്നെ സുരാജ് വെഞ്ഞാറമൂട് ലൈസൻസ് സസ്പെൻഡ് ചെയ്യാനുള്ള നീക്കമാരംഭിക്കാനുള്ള നിർദ്ദേശം ഗണേഷ് കുമാർ ഉദ്യോഗസ്ഥർക്ക് നൽകുകയായിരുന്നു. ഇതിൻറെ അടിസ്ഥാനത്തിലാണ് സുരാജിൻരെ ലൈസൻസ് ചെയ്യാനുള്ള നീക്കവുമായി വകുപ്പ് മുന്നോട്ട് പോയത്.