ഒരു ഗോ​ൾ വി​വാ​ഹ​ത്തി​ന് വ​ഴി​യൊ​രു​ക്കി, ടാ​ല ഗോളടിച്ചു വിവാഹം ഉറപ്പിച്ചു.

നെ​ത​ർ​ല​ൻ​ഡി​ൽ നടന്ന വ​നി​താ ഹോ​ക്കി ലോ​ക​ക​പ്പി​ൽ ഗോ​ളു​ക​ൾ​ക്ക് യാ​തൊ​രു പ​ഞ്ഞ​വു​മി​ലായിരുന്നു. എ​ന്നാ​ൽ അ​തി​ലൊ​രു ഗോ​ൾ ഒ​രു വി​വാ​ഹ​ത്തി​ന് വ​ഴി​യൊ​രു​ക്കിയ കാ​ഴ്ച​ക്ക് ലോ​കം ഒന്നടങ്കം സാ​ക്ഷി​യാ​യി.

ആ​തി​ഥേ​യ​രാ​യ നെ​ത​ർ​ല​ൻ​ഡി​നെ​തി​രാ​യ ഗ്രൂ​പ്പ് മ​ത്സ​ര​ത്തി​ൽ ഗോ​ൾ നേ​ടി​യ ചി​ലി​യു​ടെ ഫ്രാ​ൻ​സി​സ്ക ടാ​ല​യു​ടെ വി​വാ​ഹ​മാ​ണ് ഗോ​ൾ നേ​ട്ട​ത്തോ​ടെ ഉറപ്പിക്കപ്പെട്ടത്. മ​ത്സ​ര​ത്തി​ന് ഇ​റ​ങ്ങും മു​ന്പ് ചി​ലി താ​രം താ​ൻ ഗോ​ൾ നേ​ടി​യാ​ൽ കാ​മു​ക​നോ​ട് വി​വാ​ഹാ​ഭ്യ​ർ​ഥ​ന ന​ട​ത്തു​മെ​ന്ന് ടീ​മം​ഗ​ങ്ങ​ളോ​ട് പ​റ​യുകയായിരുന്നു.

ര​ണ്ടാം ക്വാ​ർ​ട്ട​റി​ലെ അ​ഞ്ചാം മി​നി​റ്റി​ൽ ഗോ​ൾ നേ​ടി​യ ടാ​ല മ​ത്സ​ര​ത്തി​നു ശേ​ഷം സ്റ്റേ​ഡി​യ​ത്തി​ൽ വ​ച്ചു​ത​ന്നെ കാ​മു​ക​നോ​ട് വി​വാ​ഹാ​ഭ്യ​ർ​ഥ​ന ന​ട​ത്തി വാ​ക്കു​പാ​ലി​ക്കുകയാണ് ഉണ്ടായത്. സ​മ്മ​ത​മെ​ന്ന് കാ​മു​ക​ൻ പ​റ​ഞ്ഞ​തോ​ടെ ടാ​ല​യ്ക്ക് അ​ഭി​ന​ന്ദ​നം അ​റി​യി​ച്ച് സ​ഹ​താ​ര​ങ്ങ​ളും ഓ​ടി​യെ​ത്തുകയായിരുന്നു.

ചി​ലി​യു​ടെ ത​ല​സ്ഥാ​ന​മാ​യ സാ​ന്തി​യാ​ഗോ​യി​ൽ ഡോ​ക്ട​റാ​യി സേ​വ​ന​മ​നു​ഷ്ഠി​ക്കു​ന്ന ആ​ളാ​ണ് ടാ​ല. ടാ​ല​യ്ക്ക് പി​ന്തു​ണ അ​റി​യി​ക്കാ​ൻ കാ​ണി​യാ​യി കാ​മു​ക​നും മ​ത്സ​ര​ങ്ങ​ൾ​ക്ക് എത്തുന്നത് പതിവാണ്. ചി​ലി ആ​ദ്യ​മാ​യാ​ണ് വ​നി​താ ലോ​ക​ക​പ്പി​ന് യോ​ഗ്യ​ത നേ​ടു​ന്ന​ത്. ടാ​ല ടീ​മി​ന്‍റെ ആ​ദ്യ ലോ​ക​ക​പ്പ് ഗോ​ൾ നേ​ടി​യ​ത് ആ​വേ​ശ​പൂ​ർ​വം ആ​ഘോ​ഷി​ക്കു​ന്ന കോ​ച്ചി​ന്‍റെ ദൃ​ശ്യ​ങ്ങ​ളും സാ​മൂ​ഹ്യ​മാ​ധ്യ​മ​ങ്ങ​ളി​ൽ വൈ​റ​ലാ​യി​രിക്കുകയാണ്.