അന്താരാഷ്ട്ര ക്രിക്കറ്റ് മത്സരത്തിന് വേദിയാകാന്‍ തിരുവനന്തപുരം, ഇന്ത്യ ഓസ്‌ട്രേലിയ മത്സരം നവംബര്‍ 26ന്

തിരുവനന്തപുരം. അന്താരാഷ്ട്ര ക്രിക്കറ്റ് മത്സരത്തിന് വേദിയാകാന്‍ ഒരുങ്ങി തിരുവനന്തപുരം ഗ്രീന്‍ഫീല്‍ഡ് സ്റ്റേഡിയം. നവംബര്‍ 26ന് നടക്കുന്ന ഇന്ത്യ- ഓസ്‌ട്രേലിയ ട്വന്റി 20 മത്സരമാണ് തിരുവനന്തപുരത്ത് നടക്കുക. വൈകിട്ട് ഏഴ് മണിക്കാണ് മത്സരം. അഞ്ച് മത്സരങ്ങളുള്ള പരമ്പരയില്‍ രണ്ടാം മത്സരമായിരിക്കും തിരുവനന്തപുരത്ത്.

സെപ്റ്റംബറിലാണ് ഓസ്‌ട്രേലിയ പര്യടനത്തിനായി ഇന്ത്യയില്‍ എത്തുന്നത്. മൂന്ന് ഏകദിനങ്ങളും അഞ്ച് ട്വന്റി 20 മത്സരങ്ങളും പരമ്പരയിലുണ്ട്. ഏകദിനമത്സരങ്ങള്‍ സെപ്റ്റംബര്‍ 22 മുതല്‍ 27 വരെയാണ് നടക്കുന്നത്. മൊഹാലിയില്‍ 22നും ഇന്ദോറില്‍ 27നും മത്സരം നടക്കും. ട്വന്റി 20 പരമ്പര ലോകകപ്പിന് ശേഷം നവംബറില്‍ ആരംഭിക്കും.