തിരുവനന്തപുരം: രേമശ് ചെന്നിത്തലയ്ക്കെതിരായ ഐ ഫോണ് വിവാദത്തില് കോടിയേരി ബാലകൃഷ്ണനെതിരെ രൂക്ഷ വിമര്ശനവുമായി വിഡി സതീശന് രംഗത്ത്. സ്വപ്ന സുരേഷ് ആവശ്യപ്പെട്ടത് അനുസരിച്ചാണ് അഞ്ച് ഐ ഫോണ് വാങ്ങിനല്കിയെന്നും അതിലൊന്ന് പ്രതിപക്ഷ നേതാവിന് സമ്മാനമായി നല്കിയെന്നുമായിരുന്നു യൂണിടെക് ഉടമയുടെ വെളിപ്പെടുത്തല്. ഇതാണ് രമേശ് ചെന്നിത്തലയ്ക്കെതിരെ കഴിഞ്ഞ ദിവസങ്ങളിലെല്ലാം മാധ്യമങ്ങളെല്ലാം റിപ്പോര്ട്ട് ചെയ്തത്.
എന്നാല് വിഷയത്തില് കോടിയേരിയെ ട്രോളി രംഗത്ത് എത്തിയിരിക്കുകയാണ് വി.ഡി സതീശന് എംഎല്എ. പ്രതിപക്ഷ നേതാവിനെതിരെ കൊണ്ടുവന്ന ഐഫോണ് വിവാദം ഇപ്പോള് ബൂമറാംഗ് ആയിരിക്കുകയാണ് എന്നാണ് വി.ഡി സതീശന് ട്രോളിയിരിക്കുന്നത്. ഫേസ്ബുക്ക് കുറിപ്പിലാണ് അദ്ദേഹത്തിന്റെ പ്രതികരണം. അദ്ദേഹത്തിന്റെ ഫേസ്ബുക്ക് പോസ്റ്റ് വായിക്കാം.
ബൂമറാംഗ് എന്നാൽ എന്താണ് സർ ? നമ്മൾ ഒരാൾക്കെതിരെ ഉപയോഗിക്കുന്ന ആയുധം തിരിച്ച് നമ്മുടെ നേരെ വരുന്നതിനെയും അങ്ങിനെ പറയാം.ഉദാഹരണം:- പ്രതിപക്ഷ നേതാവിനെതിരെ ഉന്നയിച്ച ഫോൺ ആരോപണം അന്വേഷിക്കുമ്പോൾ കോടിയേരിയുടെ പഴയ സ്റ്റാഫിന്റെ പോക്കറ്റിലിരുന്ന് ഫോൺമണിയടിക്കും.
https://www.facebook.com/VDSatheeshanParavur/posts/3496259683766305