തിരുവനന്തപുരം: കേരള കോൺഗ്രസ് മാണി വിഭാഗം യുഡിഎഫ് വിട്ട സാഹചര്യം യുഡിഎഫിന്റെ അടിത്തറയിളക്കുമെന്ന കോടിയേരി ബാലക്യഷ്ണന്റെ പ്രസ്താവനയ്ക്കെതിരെ വിഡി സതീശൻ എംഎൽഎ രംഗത്ത്. നാലു കേരള കോൺഗ്രസ്സും ഐ എൻ എല്ലും കൂടെയുള്ള മുന്നണിയുടെ പേര് ഇടതുമുന്നണി. പറഞ്ഞതെല്ലാം വിഴുങ്ങിയവരുടെ അടിത്തറ ജനം ഇളക്കുന്നത് നമുക്ക് കാത്തിരുന്നു കാണാമെന്ന് അദ്ദേഹം ഫേസ്ബുക്കിൽ കുറിച്ചു.
കേരള കോൺഗ്രസ് മാണി വിഭാഗം എടുത്ത തീരുമാനം സ്വാഗതം ചെയ്യുന്നു എന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ വാർത്താസമ്മേളനത്തിൽ പറഞ്ഞിരുന്നു. യുഡിഎഫിൻറെ അടിത്തറ ഇളക്കുന്ന തീരുമാനം ആണ് കേരളാ കോൺഗ്രസ് ജോസ് കെ മാണി വിഭാഗത്തിൽ നിന്ന് ഉണ്ടായിട്ടുള്ളതെന്ന അദ്ദേഹത്തിന്റെ പരാമർശത്തിനെതിരായാണ് സതീശൻ എംഎൽഎ രംഗത്ത് വന്നത്. രാഷ്ട്രീയമായും സംഘടനാപരമായും യുഡിഎഫിൻറെ നിലനിൽപ്പിനെ ബാധാക്കുമെന്നും ഇടതുമുന്നണിയുടെ ബഹുജന അടിത്തറ വിപുലമാകുമെന്നും കോടിയേരി ബാലകൃഷ്ണൻ പറഞ്ഞിരുന്നു.
സർക്കാരിനും ഇടതുമുന്നണിക്കും എതിരായ യു ഡി എഫ് സമരങ്ങൾക്കും കേരളാ കോൺഗ്രസ് ജോസ് കെ മാണി വിഭാഗത്തിൻറെ നിലപാട് തിരിച്ചടിയായെന്നും കോടിയേരി ബാലകൃഷ്ണൻ പറഞ്ഞു. ഘടകകക്ഷിയെ പോലും ഒപ്പം നിർത്താനോ വിശ്വാസത്തിലെടുക്കാനോ കഴിഞ്ഞില്ല. ആർ എസ് എസിനെ ചെറുക്കാൻ യുഡിഎഫിന് കഴിയില്ലെന്ന് ഘടകകക്ഷികൾക്ക് ബോധ്യപ്പെട്ടു. ഹൈക്കമാൻഡ് പോലും ഇടപെട്ടില്ല. എൽഡിഎഫ് വികസന നയത്തിനുള്ള പിന്തുണയാണ് ലഭിച്ചുകൊണ്ടിരിക്കുന്നതെന്നും അദ്ദേഹം വാർത്താ സമ്മേളനത്തിൽ പറഞ്ഞിരുന്നു.
വിഡി സതീശൻ എംഎൽഎയുടെ ഫേസ്ബുക്ക് പോസ്റ്റ്
കേരള കോൺഗ്രസ്സ് (എം) തീരുമാനം യുഡിഎഫിന്റെ അടിത്തറയിളക്കുമെന്ന് കോടിയേരി. നാലു കേരള കോൺഗ്രസ്സും ഐ എൻ എല്ലും കൂടെയുള്ള മുന്നണിയുടെ പേര് ഇടതുമുന്നണി. എന്നിട്ട് നയസമീപനങ്ങളെപ്പറ്റി ഗിരി പ്രഭാഷണവും. ഇതു പോലത്തെ ഒരു അവസരവാദി പാർട്ടി സി പി എമ്മിനെപ്പോലെ വേറെയുണ്ടോ? പറഞ്ഞതെല്ലാം വിഴുങ്ങിയവരുടെ അടിത്തറ ജനം ഇളക്കുന്നത് നമുക്ക് കാത്തിരുന്നു കാണാം.
തിരുവനന്തപുരം: മാസപ്പടി കേസില് മുഖ്യമന്ത്രി പിണറായി വിജയന്, മകള് വീണാ വിജയന് എന്നിവര്ക്കെതിരെ അന്വേഷണം വേണമെന്നാവശ്യപ്പെട്ട് മാത്യു കുഴല്നാടന് എംഎല്എ…
തന്റെ പിതാവിന്റെ മരണത്തിന് പിന്നാലെ പരിഹസിച്ചവർക്കും അധിക്ഷേപിച്ചവർക്കും മറുപടിയുമായി നടൻ മനോജ് കെ ജയൻ. പ്രശസ്ത സംഗീതജ്ഞനും മനോജ് കെ…
പ്രധാനമന്ത്രി നരേന്ദ്രമോദി വീണ്ടും അയോധ്യയില്. രാമക്ഷേത്രത്തിൽ ദർശനവും പൂജയും നടത്തിയശേഷമാണ് ക്ഷേത്ര പരിസരത്ത് റോഡ് ഷോ നടത്തി. മുഖ്യമന്ത്രി യോഗി…
ജെറുസലേം: ഇസ്രയേലിൽ അൽ- ജസീറ വാർത്താ ചാനൽ അടച്ചുപൂട്ടുമെന്ന് പ്രധാനമന്ത്രി ബെഞ്ചമിൻ നെതന്യാഹു. 'ഇസ്രയേലിൽ അൽ ജസീറയുടെ പ്രവർത്തനം നിർത്തുന്നു,…
കൊയിലാണ്ടി: കൊയിലാണ്ടി പുറംകടലിൽവെച്ച് ഇറാനിയൻ ബോട്ട് കോസ്റ്റ് ഗാർഡ് കസ്റ്റഡിയിലെടുത്തു. കന്യാകുമാരി സ്വദേശികളായ ആറ് മത്സ്യത്തൊഴിലാളികളാണ് ബോട്ടിലുള്ളത്. ഇറാനിൽ മത്സ്യബന്ധനത്തിന്…
തിരുവനന്തപുരം: ഫർണിച്ചർ ഗോഡൗണിൽ വൻ തീപ്പിടിത്തം. ഫർണിച്ചർ നിർമാണത്തിന് സൂക്ഷിച്ചിരുന്ന തടികളും ഗൃഹനിർമാണത്തിനാവശ്യമായ ജനാലകളും വാതിലുകളും കട്ടിളപടികളും കത്തിനശിച്ചു. ഞായറാഴ്ച…