തിരുവനന്തപുരം: സംസ്ഥാനത്ത് ജനസംഖ്യയുടെ മൂന്നിലൊന്ന് പേര്ക്ക് ആദ്യ ഡോസ് വാക്സിന് നല്കിയതായി ആരോഗ്യമന്ത്രി വീണാ ജോര്ജ് അറിയിച്ചു. ജനസംഖ്യയുടെ 33.88 ശതമാനം പേര്ക്കും 18 വയസിന് മുകളിലുള്ളവരുടെ ജനസംഖ്യയില് 47.17 ശതമാനം പേര്ക്കുമാണ് ആദ്യ ഡോസ് വാക്സിന് നല്കിയത്. ജനസംഖ്യയുടെ 11.19 ശതമാനം പേര്ക്കും 18 വയസിന് മുകളിലുള്ള 15.57 ശതമാനം പേര്ക്കും രണ്ടാം ഡോസ് വാക്സിനും നല്കിയിട്ടുണ്ട്. ഇതോടെ ഒന്നും രണ്ടും ഡോസ് വാക്സിന് ചേര്ത്ത് ആകെ ഒന്നര കോടി പേര്ക്കാണ് (1,50,58,743 ഡോസ്) വാക്സിന് നല്കിയത്.
അതില് 1,13,20,527 പേര്ക്ക് ഒന്നാം ഡോസ് വാക്സിനും 37,38,216 പേര്ക്ക് രണ്ടാം ഡോസ് വാക്സിനുമാണ് നല്കിയതെന്നും മന്ത്രി വ്യക്തമാക്കി. സ്ത്രീകളാണ് പുരുഷന്മാരെക്കാര് കൂടുതല് വാക്സിനെടുത്തത്. 51.94 ശതമാനം (78,20,413) സ്ത്രീകളും 48.05 ശതമാനം (72,35,924) പുരുഷന്മാരുമാണ് വാക്സിന് എടുത്തത്. 18നും 44 വയസിനും ഇടയിലുള്ള 34,20,093 പേരും, 45നും 60 വയസിനും ഇടയിലുള്ള 52,13,832 പേരും, 60 വയസിന് മുകളിലുള്ള 64,24,818 പേരുമാണ് വാക്സിന് സ്വീകരിച്ചത്.
18 വയസിനും 23 വയസിനും ഇടയിലുള്ള സംസ്ഥാനത്തും പുറത്തും പഠിക്കുന്ന എല്ലാ കോളേജ് വിദ്യാര്ത്ഥികള്, സ്വകാര്യ ബസ് ജീവനക്കാര്, അതിഥി തൊഴിലാളികള്, മാനസിക വെല്ലുവിളിയുള്ളവര് എന്നിവരെക്കൂടി പുതുതായി വാക്സിനേഷന് മുന്ഗണനാ പട്ടികയില് ഉള്പ്പെടുത്തി. ജനുവരി 16 നാണ് കൊവിഡ് വാക്സിനേഷന് ആരംഭിച്ചത്. വാക്സിന്റെ ലഭ്യതക്കുറവ് കാരണം മുന്ഗണനാക്രമം അനുസരിച്ചാണ് വാക്സിന് നല്കി വരുന്നത്. ഇപ്പോള് 18 വയസിന് മുകളിലുള്ള എല്ലാവര്ക്കും വാക്സിന് നല്കി വരുന്നു.
ഇന്ന് വൈകുന്നേരം വരെ 1,13,441 പേരാണ് വാക്സിന് സ്വീകരിച്ചത്. തിരുവനന്തപുരത്ത് ഇന്ന് 23,770 ഡോസ് കോവാക്സിന് കൂടി എത്തിയിട്ടുണ്ട്. സംസ്ഥാനത്തിനാകെ ഇതുവരെ 1,37,80,200 ഡോസ് വാക്സിനാണ് ലഭ്യമായത്. ഇതുകൂടാതെ സംസ്ഥാനത്ത് മൂന്ന് ലക്ഷത്തോളം ഡോസ് വാക്സിന് ബുധനാഴ്ച വരുമെന്ന് കേന്ദ്ര ആരോഗ്യമന്ത്രാലയം അറിയിച്ചിട്ടുണ്ട്. പ്രതിദിനം ഒന്നു മുതല് രണ്ടര ലക്ഷത്തിന് മുകളില് വരെ വാക്സിനേഷന് നല്കുന്നുണ്ട്. വാക്സിന്റെ ക്ഷാമം ഉണ്ടാകാതിരിക്കാന് വരും ദിവസങ്ങളില് കൂടുതല് വാക്സിന് ലഭ്യമാക്കണമെന്നും മന്ത്രി വ്യക്തമാക്കി.
ആലുവ: ഫ്ലാറ്റില് സ്വിമ്മിങ്ങ് പൂളില് കളിക്കുന്നതിനിടെ അഞ്ചുവയസ്സുകാരി മുങ്ങിമരിച്ചു. പഴഞ്ഞി വെസ്റ്റ് മങ്ങാട് അയ്യംകുളങ്ങര വീട്ടില് ഷെബിന്റെയും ലിജിയുടെയും മകള്…
പത്തനംതിട്ട : അടൂർ നെല്ലിമുകളിലുണ്ടായ വാഹനാപകടത്തിൽ പത്തനംതിട്ട ജില്ലാ ക്രൈംബ്രാഞ്ച് ഡിവൈഎസ്പിയ്ക്കും ഡ്രൈവറിനും ഗുരുതര പരിക്ക്. ക്രൈംബ്രാഞ്ച് ഡിവൈഎസ്പി എംഎം.…
ഇന്ത്യന് നാവികസേന മേധാവി സ്ഥാനത്ത് നിന്ന് മലയാളിയായ അഡ് മിറൽ ആർ.ഹരികുമാർ വിരമിച്ചു. വൈസ് അഡ്മിറൽ ദിനേശ് കുമാർ ത്രിപാഠിയാണ്…
തിരുവനന്തപുരം: മേയർ ആര്യ രാജേന്ദ്രൻ സഞ്ചരിച്ച കാർ കെഎസ്ആർടിസി ബസ് തടയുകയും ഗതാഗത തടസം ഉണ്ടാക്കുകയും ചെയ്ത സംഭവത്തിൽ ഡ്രൈവർ…
തിരുവനന്തപുരം മേയറും കെഎസ്ആർടിസി ഡ്രൈവറും തമ്മിൽ നടുറോഡിലുണ്ടായ തർക്കത്തിൽ പ്രതിഷേധവുമായി യൂത്ത് കോൺഗ്രസ്. തിരുവനനന്തപുരം നഗരസഭയ്ക്ക് മുന്നിലാണ് യൂത്ത് കോൺഗ്രസിന്റെ…
മാനന്തവാടി : വയനാട് തലപ്പുഴ കമ്പമലയിൽ മാവോവാദികളും പോലീസും തമ്മിൽ ഏറ്റുമുട്ടൽ. ചൊവ്വാഴ്ച രാവിലെയാണ് ഏറ്റുമുട്ടലുണ്ടായത്. ആർക്കും പരിക്കില്ല. കഴിഞ്ഞയാഴ്ച്ച…