ഡോ. വന്ദനാ ദാസിന്റെ വീട്ടിൽ എത്തിയ മന്ത്രി വീണാ ജോർജ് ഗ്ളിസറിൻ തേച്ച് കരയുകയായിരുന്നു എന്ന് മുൻ മന്ത്രി തിരുവഞ്ചൂര് രാധാകൃഷ്ണന്.മരിച്ച ഡോക്ടറുടെ വീട്ടിൽ ചെന്നിട്ട് ജനരോക്ഷം ഭയന്ന് അവിടെ നിന്ന് തിരികെ പോരാൻ ഗ്ളിസറിൻ തേച്ച് മന്ത്രി കരഞ്ഞ് കാണിക്കുകയായിരുന്നു അത്രേ. മന്ത്രിയുടേത് കഴുതക്കണ്ണീരാണ്. ആര് മരിച്ചാലും തനിക്ക് ഭരിക്കണമെന്നതാണ് മുഖ്യമന്ത്രിയുടെ നിലപാടെന്നും തിരുവഞ്ചൂര് പറഞ്ഞു. ആഭ്യന്തര വകുപ്പിന്റെ വീഴ്ചയില് പ്രതിഷേധിച്ച് കോട്ടയത്ത് എസ്പി ഓഫീസിലേക്ക് നടത്തിയ കോണ്ഗ്രസ് മാര്ച്ചില് സംസാരിക്കുകയായിരുന്നു തിരുവഞ്ചൂര്.