കുഞ്ഞിന് കൃഷ്ണന്റെ പേര് തന്നെ വേണമെന്നായിരുന്നു അമ്മയുടെ ആഗ്രഹം, വിഷ്ണു ഉണ്ണികൃഷ്ണൻ

മലയാളികളുടെ പ്രിയപ്പെട്ട നടനും തിരക്കഥാകൃത്തുമാണ് വിഷ്ണു ഉണ്ണികൃഷ്ണൻ. കട്ടപ്പനയിലെ ഹൃത്വിക് റോഷൻ എന്ന ചിത്രത്തിലൂടെ നായകനായി അരങ്ങേറ്റം നടത്തിയ ചിത്രം ഹിറ്റായി. നാദിർഷ ഒരുക്കിയ ചിത്രത്തിന്റെ തിരക്കഥ എഴുതിയത് വിഷ്ണവും ബിബിൻ ജോർജും ചേർന്നായിരുന്നു. വിഷ്ണുവിന്റേതായി പുറത്തിറങ്ങിയ ചിത്രങ്ങൾ എല്ലാം തന്നെ ശ്രദ്ധിക്കപ്പെട്ടിരുന്നു. കഴിഞ്ഞ വർഷം ആദ്യം ആയിരുന്നു വിഷ്ണുവിന്റെ വിവാഹം കഴിഞ്ഞത്. ഐശ്വര്യ ആണ് നടന്റെ ഭാര്യ.

ഇപ്പോളിതാ മകനെക്കുറിച്ച് പറയുകയാണ് താരം, കുഞ്ഞിന് കൃഷ്ണന്റെ പേര് തന്നെ വേണമെന്നായിരുന്നു അമ്മയുടെ ആഗ്രഹം, പിന്നാലെ ഐശ്വര്യയാണ് മാധവ് എന്ന പേരിട്ടത്. ഇപ്പോൾ മാധവിന് നാലരമാസമാണ് പ്രായം. കുഞ്ഞിന്റെ ഓരോ വളർച്ചയും അടുത്ത് നിന്നും നോക്കി കാണുകയാണ്. നേരത്തെ തന്നെ തങ്ങൾക്ക് ജനിക്കാൻ പോവുന്നത് ആൺകുട്ടിയാണെന്ന് മനസിൽ ഒരു തോന്നൽ വന്നിരുന്നു. എന്നാൽ കുഞ്ഞ് ജനിച്ച ശേഷം അവന്റെ ഒപ്പം സമയം ചെലവഴിക്കാൻ ഇപ്പോൾ പറ്റുന്നില്ല. അതിന്റെ സങ്കടമുണ്ട്. സിനിമാ തിരക്കുകളിൽ ഓടി കൊണ്ടിരിക്കുകയാണ്. ഷൂട്ടിങ്ങ് കഴിഞ്ഞാലും വീട്ടിൽ വരാൻ കഴിയില്ല. കൊവിഡ് മാനദണ്ഡങ്ങൾ പാലിക്കണം. അവന്റെ സുരക്ഷിതത്വം നോക്കണം. വീട്ടിൽ നിന്ന് പോയാൽ അവനെ പറ്റിയാണ് എപ്പോഴും ആലോചന. വീഡിയോ കോൾ ചെയ്യും. എന്റെ ശബ്ദം കേട്ടാൽ ആൾ ചിരിക്കും

അതേസമയം ബിഗ് ബ്രദറാണ് നടന്റെതായി ഒടുവിൽ തിയ്യേറ്ററുകളിൽ എത്തിയ ചിത്രം. മോഹൻലാൽ നായകനായി എത്തിയ ചിത്രത്തിൽ ഒരു പ്രധാന വേഷത്തിലാണ് വിഷ്ണു ഉണ്ണികൃഷ്ണൻ അഭിനയിച്ചത്. മൂന്ന് സിനിമകൾക്ക് വേണ്ടി വിഷ്ണുവും ബിബിനും തിരക്കഥ ഒരുക്കിയിട്ടുണ്ട്. കട്ടപ്പനയിലെ ഹൃത്വിക് റോഷന് പുറമെ അമർ അക്ബർ അന്തോണി, ഒരു യമണ്ടൻ പ്രേമകഥ എന്നീ ചിത്രങ്ങളുടെ തിരക്കഥയും ഇവരാണ് ഒരുക്കിയത്. ബിബിൻ ജോർജും അഭിനയത്തിൽ സജീവമാണ് ഇപ്പോൾ.