മീനാക്ഷി അൽപ്പം ​ഗ്ലാമറസായി, പുത്തൻ ചിത്രത്തിന് കമന്റുമായി നെറ്റിസൺസ്

മാളവിക ജയറാമിന്റെ കല്യാണത്തിന് പോകാന്‍ ഒരുങ്ങിയതിന് ശേഷം എടുത്ത ഫോട്ടോ മീനാക്ഷി ദിലീപ് ഇന്‍സ്റ്റഗ്രാം പേജില്‍ പങ്കുവച്ചിരുന്നു. ചിത്രത്തില്‍ താരപുത്രിയുടെ മാറ്റത്തെ കുറിച്ചാണ് ആരാധകര്‍ സംസാരിക്കുന്നത്. മുന്‍പത്തെ പോലെയല്ല, ദിലീപിന്റെ മകള്‍ അല്പം ഗ്ലാമറായിട്ടുണ്ട് എന്ന് പറഞ്ഞ് തുടക്കം മുതലേ അഭിപ്രായം വരുന്നുണ്ടായിരുന്നു.

എന്നാല്‍ മീനാക്ഷിക്ക് ആരുടെ ഛായയാണ് എന്നതിനെ സംബന്ധിച്ചാണ്, താരപുത്രി പങ്കുവച്ച ഫോട്ടോയ്ക്ക് താഴെ ചര്‍ച്ചകള്‍ നടക്കുന്നത്. അമ്മയെ പോലെ സുന്ദരിയാണെങ്കിലും, അമ്മയുടെ ഛായയൊന്നും മീനാക്ഷിക്കില്ല എന്നാണ് ചിലരുടെ അഭിപ്രായം. പക്ഷെ ഇപ്പോള്‍, കാവ്യയുടെ സ്‌റ്റൈലൊക്കെ തോന്നുന്നുണ്ട് എന്ന അഭിപ്രായമുള്ളവരുമുണ്ട്. അതൊന്നുമല്ല, നടി മമിത ബൈജുവിന്റെ ലുക്കാണ് മീനാക്ഷിക്ക് എന്നാണ് ഭൂരിപക്ഷാഭിപ്രായം

അതിനിടയില്‍ മീനാക്ഷിയോട് വിവാഹാഭ്യര്‍ത്ഥന നടത്തി വരുന്ന കമന്റുകളും കാണാം. എന്നെ വിവാഹം ചെയ്യുമോ എന്നല്ല, വിവാഹം ചെയ്യുമ്പോള്‍ ഇതുപോലൊരു കുട്ടിയെ തന്നെ വേണം എന്നാണ് ആവശ്യം. സുഹൃത്തുക്കളുടെ എല്ലാം വിവാഹം കഴിഞ്ഞില്ലേ, മീനൂട്ടിയുടെ വിവാഹം എന്നാണ് എന്ന് ചോദിച്ച് വന്നവരും ഉണ്ട്.

ചെന്നൈയില്‍ എംബിബിഎസ് ഹൗസ് സര്‍ജന്‍സി ചെയ്തുകൊണ്ടിരിക്കുകയാണിപ്പോള്‍ മീനാക്ഷി. മാളവികയുടെ അടുത്ത സുഹൃത്താണ്. ചെന്നൈയിലുള്ളപ്പോള്‍ മതില്‍ ചാടി രാത്രി കറങ്ങാന്‍ പോകുന്നതിനെ കുറിച്ചൊക്കെ നേരത്തെ ഒരു അഭിമുഖത്തില്‍ മാളവിക വെളിപ്പെടുത്തിയിരുന്നു.