വിദ്യാഭ്യാസ ഓഫീസര് ക്ലാസിൽ മിന്നല് സന്ദര്ശനം നടത്താൻ എത്തിയപ്പോൾ കണ്ടത് മദ്യപിച്ച് ബോധരഹിതയായി ക്ലാസില് കിടക്കുന്ന അധ്യാപികയെ ആയിരുന്നു. ക്ലാസ് മുറിയിലെ തറയില് അധ്യാപിക ഉറങ്ങുമ്പോൾ ചുറ്റിനും കളിച്ചും വര്ത്തമാനം പറഞ്ഞും വിദ്യാർഥികൾ ഇരിക്കുന്നു.
ഛത്തീസ്ഗഢിലെ ജാഷ്പുര് ജില്ലയിലെ ടിക്കായത്ത്ഗഞ്ച് പ്രൈമറി സ്കൂളിലാണ് ഈ സംഭവം. അധ്യാപികയ്ക്ക് എന്തെങ്കിലും അപകടം പറ്റിയതാണെന്നാണ് വിദ്യാഭ്യാസ ഓഫീസര് ആദ്യം കരുതിയത്. കുട്ടികളോട് കാര്യം തിരക്കിയപ്പോഴാണ് അധ്യാപിക മദ്യപിച്ച് ബോധരഹിതയായി കിടക്കുകയാണെന്നും ആള് ഫുൾ ഫിറ്റിൽ ഉറങ്ങുകയാ ണെന്നും മനസിലായി. സംഭവം വിവാദമായതോടെ അധ്യാപികയ്ക്കെതിരെ കേസെടുത്തു.
ബ്ലോക്ക് എഡ്യൂക്കേഷന് ഓഫീസര് സിദ്ദിഖ് രാവിലെ 11 മണിയോടെയാണ് ഇന്സ്പെക്ഷനായി സ്കൂളില് എത്തുന്നത്. എന്നാല് ക്ലാസ് മുറിയില് കണ്ടത് ബോധരഹിതയായി കിടക്കുന്ന അധ്യാപിക ജഗപതി ഭഗതിനെയായിരുന്നു. മൂന്നാം ക്ലാസിലേയും നാലാം ക്ലാസിലേയും വിദ്യാര്ത്ഥികളാണ് ആ സമയത്ത് അധ്യാപികയ്ക്കൊപ്പമുണ്ടായിരുന്നത്.
ടീച്ചര് മദ്യലഹരിയിലാണെന്ന് വിദ്യാര്ത്ഥികള് ഉദ്യോഗസ്ഥനെ അറിയിക്കുകയാണ് ഉണ്ടായത്. വിദ്യാര്ത്ഥികളുടെ സഹായത്തോടെ നിലത്ത് കിടന്നിരുന്ന അധ്യാപികയെ ഉദ്യോഗസ്ഥന് കസേരയില് ഇരുത്തി. തുടര്ന്ന് എസ്പി പ്രതിഭ പാണ്ഡെയെ വിവരം അറിയിക്കുകയും രണ്ട് വനിതാ കോണ്സ്ററബിള്മാരെ സ്കൂളിലേക്ക് അയക്കാന് ആവശ്യപ്പെടുകയും ചെയ്തു.
പോലീസുകാരെത്തി അധ്യാപികയെ വൈദ്യപരിശോധനയ്ക്കായി ആശുപത്രിയി ലേക്ക് കൊണ്ടുപോയി. പരിശോധനയില് ഇവര് മദ്യപിച്ചിരുന്നതായി സ്ഥിരീകരിച്ചു. 54 വിദ്യാര്ത്ഥികള് പഠിക്കുന്ന സ്കൂളിലെ ഏക അധ്യാപികയാണ് ജഗപതി ഭഗത്. ഇവര് മുന്പും മദ്യപിച്ച് സ്കൂളില് എത്തിയിരുന്നതായി ഉദ്യോഗസ്ഥർ അന്വേഷണ ത്തില് കണ്ടെത്തി. സംഭവത്തെ തുടർന്ന് അധ്യാപികയെ അന്വേഷണവിധേയമായി സസ്പെന്റ് ചെയ്തു.
ന്യൂഡല്ഹി: മാധ്യമങ്ങള് ഒരു രീതിയില് മാത്രം പ്രവര്ത്തിക്കുന്നതിനാലാണ് വാർത്താസമ്മേളനത്തിൽ പങ്കെടുക്കാത്തതെന്ന് പ്രധാനമന്ത്രി നരേന്ദ്രമോദി. പ്രധാനമന്ത്രി ആയതിന് ശേഷം വാര്ത്താസമ്മേളനങ്ങൾ നടത്താത്തതെന്തെന്ന…
തൃശൂർ: അഞ്ച് വയസുകാരന് മരുന്ന് മാറിനൽകിയെന്ന പരാതി. മുണ്ടിനീരിന് പകരം നല്കിയത് പ്രെഷറിനുള്ള മരുന്ന്. വരന്തരപ്പിള്ളി കുടുംബാരോഗ്യകേന്ദ്രത്തിലെ ഫാർമസിസ്റ്റിനെതിരെയാണ് പരാതി.…
ന്യൂഡൽഹി∙ ഡൽഹി മുഖ്യമന്ത്രി അരവിന്ദ് കേജ്രിവാളിന്റെ പിഎ ബൈഭവ് കുമാറിനെതിരെ മൊഴി നൽകി സ്വാതി മലിവാൾ എംപി. നേരിട്ടത് ക്രൂര…
തിരുവനന്തപുരം: തലസ്ഥാനത്ത് കടമുറിയ്ക്കുള്ളിൽ സ്ത്രീയുടെ മൃതെദേഹം കണ്ടെത്തി. തൈക്കാട് നാച്വറല് റോയല് സലൂണ് എന്ന സ്ഥാപനം നടത്തിയിരുന്ന മാര്ത്താണ്ഡം സ്വദേശി…
അഗത്തി: സാങ്കേതികത്തകരാർ മൂലം അലയൻസ് എയറിൻ്റെ വിമാനം അഗത്തി വിമാനത്താവളത്തിലെ പാർക്കിങ് മേഖലയിൽ കുടുങ്ങി. നൂറു കണക്കിന് മലയാളികൾ ലക്ഷദ്വീപിൽ…
ഗരുഡ പ്രീമിയം ബസിനെതിരെ നടക്കുന്ന വാദങ്ങൾ അസത്യമാണെന്ന് കെഎസ്ആർടിസി. ബസിനെതിരെ ഇപ്പോഴും അസത്യപ്രചരണം തുടരുകയാണ്. ബസ് സർവീസ് ലാഭകരമാണെന്ന് കെഎസ്ആർടിസി…