ന്യൂഡല്‍ഹി. പാര്‍ലമെന്ററി സമിതികളില്‍ നിന്നും പ്രതിപക്ഷത്തെ ഒഴിവാക്കി കേന്ദ്രസര്‍ക്കാര്‍. ആഭ്യന്തരവും ഐടിയും അടക്കമുള്ള പ്രധാനപ്പെട്ട എല്ലാ പാര്‍ലമെന്ഡററി സമിതികളുടെ അധ്യക്ഷ പദവികളില്‍ നിന്നും പ്രതിപക്ഷ പ്രതിിധികളെ കേന്ദ്രസര്‍ക്കാര്‍ പരിഗണിച്ചില്ല. ചൊവ്വാഴ്ചയാണ് പാര്‍ലമെന്ററി സമിതികളെ പുനസംഘടിപ്പിച്ചത്. പ്രധാനപ്പെട്ട പാര്‍ലമെന്ററി സമിതികളായ ആഭ്യന്തരം, ധനകാര്യം, ഐടി, പ്രതിരോധം, വിദേശകാര്യം, ആരോഗ്യം എന്നീ സമിതികളില്‍ പ്രധാന പ്രതിപക്ഷ പാര്‍ട്ടിയായ കോണ്‍ഗ്രസിനെയും രണ്ടാമത്തെ പാര്‍ട്ടിയായ ടിഎംസിയെയും കേന്ദ്ര സര്‍ക്കാര്‍ പരിഗണിച്ചില്ല. സംഭവത്തില്‍ കടുത്ത പ്രതിഷേധം രേഖപ്പെടുത്തിയ പ്രതിപക്ഷം ഏകാധിപത്യത്തിലേക്കുള്ള നീക്കമെന്നും ആരോപിച്ചു.
ആഭ്യന്തര പാര്‍ലമെന്ററി സമിതിയുടെ ചെയര്‍മാന്‍ സ്ഥാനത്ത് നിന്ന് കോണ്‍ഗ്രസ് എംപി മനു അഭിഷേക് സിങ്വിയെ മാറ്റി ബിജെപി എംപിയായ മുന്‍ ഐപിഎസ് ഉദ്യോഗസ്ഥന്‍ ബ്രിജ് ലാലിനെ നിയമിച്ചു. കോണ്‍ഗ്രസ് പ്രസിഡന്റ് സ്ഥാനത്തേക്ക് മത്സരിക്കുന്ന ശശി തരൂരിനെ ഐടി സമിതിയില്‍ നിന്നും മാറ്റി പകരം ശിവസേന എംപി പ്രതാപ്‌റാവുവിനെ നിയമിച്ചു. തരൂര്‍ ഈ സമിതിയുടെ ചെയര്‍മാനായിരിക്കെ ഭരണകക്ഷി എംപിമാര്‍ അദ്ദേഹത്തെ ശക്തമായി വിമര്‍ശിച്ചിരുന്നു.
തരൂരിനെ സ്ഥാനത്ത് നിന്ന് നീക്കണം എന്ന് ആവശ്യപ്പെട്ട് പലതവണ ലോക്‌സഭാ സ്പീക്കര്‍ക്ക് പരാതിയും ലഭിച്ചിരുന്നു. അതേസമയം കടുത്ത വിമര്‍ശനമാണ് പ്രതിപക്ഷം ബിജെപിക്കെതിരെ നടത്തുന്നത്. ചൈനീസ് ഏകകക്ഷി ഭരണത്തിലും റഷ്യന്‍ പ്രഭു്കന്മാരുടെ മാതൃകയിലും പ്രധാനമന്ത്രി ആകൃഷ്ടനായിരിക്കുകയാണെന്ന് കോണ്‍ഗ്രസ് ബിജെപിയെ വിമര്‍ശിച്ചു. അതേസമയം ശാസ്ത്ര സാങ്കേതിക, പരിസ്ഥിതി,വനം, കാലാവസ്ഥ എന്നിവ സംബനിധിച്ച സമിതിയുടെ ചെയര്‍മാനായി ജയറാം രമേശിനെ വീണ്ടും നിയമിച്ചു. കോണ്‍ഗ്രസിന് നിലിലുള്ള ഏക പാര്‍ലമെന്ററി സമിതി അധ്യക്ഷ പദവിയാണിത്.
സമാജ് വാദി പാര്‍ട്ടി നേതാവ് രാംഗോപാല്‍ യാദവിനെ മാറ്റി ആരോഗ്യ കുടുംബക്ഷേമ സമിതിയുടെ ചെയര്‍മാനായി ബിജെപി എംപി ഭുവനേശ്വര്‍ കലിതയേയും നിയമിച്ചു. അതേസമയം ബിജെപി നേതാക്കള്‍ തലപ്പത്തുള്ള പാനലുകളില്‍ കാര്യമായ മാറ്റം വരുത്തിയിട്ടില്ല. ലോക്‌സഭയിലെ മൂന്നാമത്തെ ഏറ്റവും വലിയ പാര്‍ട്ടിക്ക് ഒരു ചെയര്‍മാന്‍ പദവി പോലുമില്ല.
സ്വവര്‍ഗ ബന്ധം ക്രിമിനല്‍ കുറ്റമായി പ്രഖ്യാപിക്കാന്‍ ബില്‍ പാസാക്കി ഇറാഖി പാര്‍ലമെന്‍റ്. ബില്‍ നിയമമാകുന്നതോടെ 15 വര്‍ഷം വരെ തടവുശിക്ഷയാണ്…
യുപി ബോർഡ് പരീക്ഷയിൽ 98.5% മാർക്ക് വാങ്ങിയ പ്രാചി നിഗം മുഖത്തെ രോമവളർച്ചയുടെ പേരിൽ സമൂഹമാധ്യമങ്ങളിൽ വലിയ അധിക്ഷേപങ്ങളാണ് നേരിട്ടത്.…
കോട്ടയം : ഓടിക്കൊണ്ടിരുന്ന ട്രാവലറിന് തീ പിടിച്ചു.ഈരാറ്റുപേട്ട വാഗമണ്‍ റോഡില്‍ തീക്കോയി ഒറ്റയീട്ടിക്ക് സമീപമാണ് സംഭവം. സംഭവത്തില്‍ ആളപായമില്ല. മൂവാറ്റുപുഴ…
ഡാൻസ് വീഡിയോകളിലൂടെ ശ്രദ്ധ നേടി താരമാണ് മീനു വി ലക്ഷ്മി. ഇൻസ്റ്റഗ്രാമിലും യൂട്യൂബിലും ഒരുപോലെ സജീവമായ മീനുവിനെ ലക്ഷക്കണക്കിന് ഫോളോവേഴ്സുണ്ട്.…
തിരുവനന്തപുരം: തിരുവനന്തപുരത്ത് ഓടുന്ന ട്രെയിനിൽ ചാടി കയറാൻ ശ്രമിച്ച സ്ത്രീ ട്രെയിനിന് അടിയിൽ പെട്ട് മരിച്ചു. പാറശ്ശാലയ്ക്ക് സമീപം പരശുവയ്ക്കല്‍…
കോട്ടയം: കാര്‍ ഓടയിലേക്ക് മറിഞ്ഞ് പത്തനംതിട്ട സ്വദേശിയായ വീട്ടമ്മയ്ക്ക് ദാരുണാന്ത്യം. ഏറ്റുമാനൂര്‍ തവളക്കുഴിയിലാണ് നിയന്ത്രണം നഷ്ടമായ കാര്‍ ഓടയിലേക്ക് മറിഞ്ഞത്.…