ഗാന്ധി ഫോട്ടോ തകർത്തത് കോൺഗ്രസ് നിങ്ങൾ ഗാന്ധി ശിഷ്യരാണോ മുഖ്യമന്ത്രി

ഗാന്ധി ഫോട്ടോ തകർത്തത് കോൺഗ്രസുകാരാണ്, നിങ്ങൾ ഗാന്ധി ശിഷ്യരാണോ തന്നെയാണോയെന്ന് മുഖ്യമന്ത്രി. രാഷ്ട്രീയ പാപരത്വം, ഉദ്ദേശശുദ്ധിയില്ലായ്മ എന്നിവ കോൺഗ്രസിന് വന്നുകഴിഞ്ഞു. കുത്സിത ശ്രമം നടത്തുകയാണ് കോൺഗ്രസ്. അതിന്റെ ഉദാഹരണമാണ് മഹാത്മാഗാന്ധിയുടെ ചിത്രം തകർത്തത്. അതിന് വിശദീകരണം കൊടുക്കാൻ ബുദ്ധിമുട്ടാണ്. ഗാന്ധിയുടെ ചിത്രം തകർത്തത് ആരുടെ കുബുദ്ധിയാണ്. ഇവർ ഗാന്ധിശിക്ഷ്യർ തന്നെയാണോ. ഗോഡ്‌സെ പ്രായോഗികമായി ചെയ്തത് ഇവർ പ്രതീകാത്മകമായി ചെയ്യുന്നു.’ മുഖ്യമന്ത്രി വിമർശിച്ചു.

‘ഇല്ലാത്ത വിഷയത്തിൽ സിബിഐ അന്വേഷണം ആവശ്യപ്പെട്ട് മാതൃക പാർപ്പിട പദ്ധതിയെ അട്ടിമറിക്കാൻ ശ്രമിച്ചവരാണ് കോൺഗ്രസ്. ഇവിടെയുള്ള കോൺഗ്രസ് എംഎൽഎയാണ് കേന്ദ്രാന്വേഷണം ആവശ്യപ്പെട്ട് പരാതി നൽകിയത്. ഉടൻ കേസെടുത്തു. എന്തൊരു മാനസിക പൊരുത്തമാണ് ഇവർ തമ്മിൽ.’ മുഖ്യമന്ത്രി പരിഹസിച്ചു. കോൺഗ്രസും ബിജെപിയും ഇരുമെയ്യാണെങ്കിലും ഒന്നായി നീങ്ങുന്നു. കേന്ദ്ര ഏജൻസികൾ എന്തുകൊണ്ട് കേരളത്തിലെ രാഷ്ട്രീയ നേതൃത്വത്തിനെതിരെ കേസെടുക്കുന്നില്ലെന്ന് ചോദിച്ചത് ഇവരുടെ തന്നെ ഉന്നതനായ നേതാവാണ്. ഇതൊന്നും മറന്നുപോകാൻ ഇടയില്ല. ബിജെപി ചങ്ങാത്തം കേരളത്തിൽ ആർക്കാണ് വേണ്ടതെന്ന് വ്യക്തമാണെന്നും മുഖ്യമന്ത്രി പറഞ്ഞു.