മോനിപ്പള്ളി: അമേരിക്കയില്‍ ഭര്‍ത്താവിന്റെ ആക്രമണത്തില്‍ ജീവന്‍ നഷ്ടപ്പെട്ട മെറിന് ജോയിയുടെ മുഖം അവസാനമായി ഒരു നോക്ക് നേരില്‍ കാണാനാവാതെ കുടുംബം. സഹപ്രവര്‍ത്തകരും സുഹൃത്തുക്കളും യാത്രാമൊഴി നല്‍കിയപ്പോള്‍ മെറിന്റെ മാതാപിതാക്കളും മകള്‍ നോറയും ആ അന്ത്യകര്‍മ്മങ്ങള്‍ വീട്ടില്‍ വീഡിയോയില്‍ കാണാനെ ആയുള്ളു. ഫ്‌ലോറിഡ ഡേവിയിലെ ജോസഫ് എ സ്‌കെറാനോ ഫ്യൂണറല്‍ ഹോമിലാണ് മെറിന്റെ സുഹൃത്തുക്കള്‍ക്കും സഹപ്രവര്‍ത്തകര്‍ക്കും അന്ത്യാഞ്ജലി അര്‍പ്പിക്കാനുള്ള സൗകര്യങ്ങള്‍ ഒരുക്കിയത്.
മെറിന് അന്ത്യാഞ്ജലി സമയം ഫാ. ബിന്‍സ് ചേത്തലില്‍ പ്രാര്‍ത്ഥനയ്ക്ക് നേതൃത്വം നല്‍കി. അമേരിക്കന്‍ സമയം ഉച്ചക്ക് 2 മുതല്‍ ആറ് വരെയായിരുന്നു(ഇന്ത്യന്‍ സമയം രാത്രി 11.30 മുതല്‍ ഇന്നു പുലര്‍ച്ചെ 3.30) മെറിന്റെ സുഹൃത്തുക്കള്‍ക്കും സഹപ്രവര്‍ത്തകര്‍ക്കും യാത്രാമൊഴ് നല്‍കാനായി സൗകര്യം ഒരുക്കിയിരുന്നത്. ക്‌നാനായ വോയിസ് ടിവി വഴി ലൈവായി ചടങ്ങുകള്‍ സംപ്രേഷണം ചെയ്തു.
നാളെ മൃതദേഹം റ്റാംപയിലെ സേക്രഡ് ഹാര്‍ട്ട് ക്‌നാനായ കാത്തലിക് പള്ളിയില്‍ സംസ്‌കാര ശുശ്രൂഷകള്‍ക്ക് വേണ്ടി എത്തിക്കും. അമേരിക്കന്‍ സമയം രാവിലെ പത്ത് മണി മുതല്‍ 11 മണി വരെ പൊതു ദര്‍ശനത്തിന് വയ്ക്കും. 11 മുതല്‍ സംസ്‌കാര ശുശ്രൂഷകള്‍ ആരംഭിക്കും. ഉച്ചക്ക് രണ്ട് മണിയോടെ ഹില്‍സ്‌ബൊറൊ മെമ്മോറിയല്‍ സെമിത്തേരിയില്‍ മെറിന്റെ മൃതദേഹം അടക്കം ചെയ്യും. ഈ ചടങ്ങുകളും ലൈവായി സംപ്രേഷണം ചെയ്യും.
നാളെ വൈകുന്നേരം 5 മണിക്ക് മോനിപ്പള്ളി തിരുഹൃദയ പള്ളിയില്‍ കുടുംബാംഗങ്ങള്‍ പങ്കെടുക്കുന്ന പ്രത്യേക കുര്‍ബാനയും പ്രര്‍ഥനയും നടക്കും. ുഎസിലെ ചടങ്ങുകള്‍ മെറിന്റെ മാതാപിതാക്കളായ ജോയിക്കും മേഴ്‌സിക്കും മകള്‍ രണ്ടുവയസ്സുകാരി നോറയ്ക്കും സഹോദരി മീരയ്ക്കും ഓണ്‍ലൈന്‍ വഴി മാത്രമാണു കാണാന്‍ സാധിക്കുക.
ജൂലൈ 28ന് ആയിരുന്നു മെറിന് ജോയി(27) കൊല്ലപ്പെട്ടത്. സംഭവത്തില്‍ ഭര്‍ത്താവ് ഫിലിപ് മാത്യു (നെവിന്‍-34) അറസ്റ്റിലായി. നഴ്‌സായ മെറിന് നൈറ്റ് ഡ്യൂട്ടി കഴിഞ്ഞ് വീട്ടിലേക്ക് പോകാനായി ആശുപത്രിയുടെ പാര്‍ക്കിങ് ഗ്രൗണ്ടില്‍ എത്തിയപ്പോഴാണ് നെവിന്‍ ആക്രമിച്ചത്. മെറിന് വരുന്നതും കാത്ത് നിന്ന നെവിന്‍ മെറിനെ കുത്തി വീഴ്ത്തുകയായിരുന്നു. 17 കുത്തുകളാണ് നെവിന്‍ മെറിനെ കുത്തിയത്. നിലത്ത് വീണ മെറിന്റെ ശരീരത്തിലൂടെ നെവിന്‍ കാര്‍ കയറ്റി ഇറക്കി. തുടര്‍ന്ന് ഹോട്ടലില്‍ വെച്ച് പോലീസ് നെവിനെ അറസ്റ്റ് ചെയ്യുകയായിരുന്നു.
ലക്‌നൗ: യോഗി ആദിത്യനാഥിന്റെ ഡീപ്‌ഫേക്ക് വീഡിയോ പ്രചരിപ്പിച്ച പ്രതി പിടിയിൽ.നോയിഡയിലെ ബരോള നിവാസി ശ്യാം കിഷോർ ഗുപ്തയാണ് അറസ്റ്റിലായത്. ജനങ്ങളിൽ…
തിരുവനന്തപുരം : ബിജെപിയിലേക്ക് ആളൊഴുകുന്നതിൽ എന്തിന് ഇത്ര ടെൻഷൻ എന്ന് നെയ്യാറ്റിൻകരയിലെ സാമൂഹ്യപ്രവർത്തകനും അഭിഭാഷകനുമായ മോഹൻകുമാർ. ഇ.പി യുടെ വീട്ടിലെത്തി…
ന്യൂഡൽഹി: പ്രത്യേക കാഴ്ചപ്പാടുകളില്ലാതെ പരസ്പരം തമ്മിലടിക്കുന്നവരാണ് ഇൻഡ്യ സഖ്യമെന്ന് ബിജെപി ദേശീയ വക്താവ് ഷെഹ്‌സാദ് പൂനാവല്ല. പാർട്ടിക്കുള്ളിൽ തന്നെ ചേരി…
തിരുവനന്തപുരം : മുന്നറിയിപ്പില്ലാതെ കൂട്ടഅവധി എടുത്ത സംഭവത്തിൽ 14 കെ.എസ്.ആർ.ടി.സി. ജീവനക്കാർക്കെതിരെ അച്ചടക്കനടപടി സ്വീകരിച്ചു. കെ.എസ്.ആർ.ടി.സി. പത്തനാപുരം യൂണിറ്റിൽ 2024…
ന്യൂഡല്‍ഹി: കേന്ദ്ര ആഭ്യന്തര മന്ത്രി അമിത് ഷായുടെ ഡീപ് ഫേക്ക് വീഡിയോ കേസുമായി ബന്ധപ്പെട്ട് കോണ്‍ഗ്രസ് ഐ.ടി സംഘത്തിലെ അഞ്ചുപേരെ…
മേയർ കെഎസ്ആർടിസി ബസ് തടഞ്ഞുനിർത്തി റോഡിൽ കാണിച്ച ഷോയെത്തുടർന്ന് ബഹിരാകാശത്ത് നില്ക്കുന്ന ആര്യാ രാജേന്ദ്രനെ താഴെയിറക്കാം അല്ലെങ്കിൽ എങ്ങനെയെങ്കിലും ഈ…