ആ സമയത്ത് ​ജ​ഗതി ശ്രീകുമാർ വിളിച്ചില്ലായിരുന്നെങ്കില്‍ മോഹന്‍ലാലിനെ നമുക്ക് നഷ്ടമായേനേ

മലയാളത്തിലെ എക്കാലത്തെയും വലിയ ചിരിയനുഭവമായ കിലുക്കം പുറത്തിറങ്ങിയിട്ട് മുപ്പത് വർഷം ആകാനായെങ്കിലും ആ ചിത്രം ഇന്നും പ്രേക്ഷകർക്ക് പ്രീയപ്പെട്ടതാണ്. മോഹന്‍ലാല്‍- ജഗതി- ഇന്നസെന്റ് ടീം മത്സരിച്ച്‌ അഭിനയിച്ചപ്പോള്‍ പിറന്നത് മലയാളസിനിമയിലെ എക്കാലത്തെയും സൂപ്പര്‍ഹിറ്റായിരുന്നു. എപ്പോൾ കണ്ടാലും കിലുക്കം പുതുതായി എല്ലാവർക്കും രസിക്കാവുന്ന ഒരു സിനിമയാണ്.

എന്നാൽ ആ സിനിമയിൽ മോഹൻലാല്‍ ഒരപകടത്തിൽ നിന്ന് രക്ഷപ്പെട്ടത് തലനാരിഴയ്ക്കാണ്.. ഇതുമായി ബന്ധപ്പെട്ട നടൻ നന്ദു നടത്തിയ പ്രസ്താവന സോഷ്യൽ മീഡിയയിൽ വീണ്ടും വൈറലാകുന്നു. അണിയറപ്രവര്‍ത്തകര്‍ ഓര്‍ക്കാന്‍ ഒരിക്കലും ഇഷ്‌ടപ്പെടാത്ത ഒരു സംഭവം സിനിമയുടെ ചിത്രീകരണവേളയില്‍ നടന്നിരുന്നു. ജീവന്‍ നഷ്‌ടപ്പെടുമായിരുന്ന അവസ്ഥയില്‍ നിന്ന് സാക്ഷാല്‍ മോഹന്‍ലാല്‍ അത്ഭുതകരമായി രക്ഷപ്പെട്ടത്.

തീവണ്ടിയിൽ ഗാനരംഗം ചിത്രീകരിക്കുമ്പോൾ ജഗതി ചേട്ടൻ ലാലേട്ടന്റെ എതിർവശത്ത് തിരിഞ്ഞ് നിൽക്കുകയായിരുന്നു. രേവതി അവരുടെ തൊട്ടടത്തും. പെട്ടന്നാണ് എല്ലാവരും താഴ്ന്ന് കിടക്കുന്ന ഇലക്ട്രിക് ലൈൻ കണ്ടത്. ജഗതി ചേട്ടൻ അത് കണ്ടപാടെ ‘ലാലേ കുനിയ്’ എന്നു ഉറക്കെ വിളിച്ചു പറഞ്ഞു. സാധാരണഗതിയിൽ കുനിയ് എന്ന് വിളിച്ചുപറഞ്ഞാൽ നമ്മൾ അവിടേക്ക് തിരിഞ്ഞ് നോക്കി ‘എന്തിനാ’ എന്നായിരിക്കും ചോദിക്കുക. അങ്ങനെ ചോദിച്ചിരുന്നെങ്കിൽ ഇന്ന് നമുക്ക് ലാലേട്ടനെ നഷ്ടമായി പോയേനേ. നന്ദു പറയുന്നു