മുസ്ളീം ആയിരുന്നെങ്കിൽ ഞാൻ കല്യാണം കഴിച്ചേനേ, മീനാക്ഷിയോട് വിവാഹ അഭ്യർത്ഥനയുമായി ആരാധകൻ

ഏറെ ആരാധകരുള്ള താരപുത്രിമാരിൽ ഒരാളാണ് നടൻ ദിലീപിന്റെ മകൾ മീനാക്ഷി ദിലീപ്. ദിലീപിനും ഭാര്യ കാവ്യാമാധവനുമൊപ്പം മീനാക്ഷിയും വാർത്തകളിൽ നിറയാറുണ്ട്. . ദിലീപിന്റെ രണ്ടാം വിവാഹത്തിന് മുൻകൈ എടുത്തതും മീനൂട്ടിയാണ്. മീനാക്ഷിയുമായി ഏറെ സൗഹൃദത്തിലാണ് കാവ്യ മാധവൻ. ഇരുവരും ഒരുമിച്ചുള്ള യാത്രകളും പൊതുപരിപാടിയിൽ പങ്കെടുക്കുമ്പോഴുള്ള ചിത്രങ്ങളുമൊക്കെ ആരാധകർ ഏറ്റെടുക്കാറുണ്ട്. നിലവിൽ മെഡിസിന് പഠിക്കുന്ന മീനാക്ഷിയെ അധികം പുറത്ത് കാണാറില്ല.

സംവിധായകൻ അരുൺ ഗോപിയുടെ മക്കളുടെ പിറന്നാളിന് എത്തിയ മീനൂട്ടിയുടെയും ദിലീപേട്ടന്റെയും ചിത്രം അതിവേഗമാണ് സോഷ്യൽ മീഡിയ പ്ലാറ്റ്ഫോമിലൂടെ വൈറലായത്. സൽവാറിൽ അതി സുന്ദരി ആയി എത്തിയ ചിത്രം ആണ് കഴിഞ്ഞദിവസം മീനാക്ഷി തന്റെ ഇൻസ്റ്റയിലൂടെ പങ്കുവച്ചത്. അരലക്ഷം ലൈക്സ് ആണ് ചുരുങ്ങിയ സമയത്തിനുള്ളിൽ സിംഗിൾ പിക് വാങ്ങി കൂട്ടിയത്.

ക്യൂട്ടി ദി ബ്യൂട്ടി എന്ന കമന്റ് പങ്കിട്ടുകൊണ്ടാണ് മീനൂട്ടിയുടെ ആത്മമിത്രം നമിത പ്രമോദ് എത്തിയത്.നമിതയ്ക്ക് സ്നേഹത്തിൽ നിറഞ്ഞ മറുപടിയും മീനാക്ഷി നൽകുകയുണ്ടായി. ചിത്രം വൈറൽ ആയതോടെ താരപുത്രിക്ക് പ്രണയാഭ്യർത്ഥനയും ലഭിക്കുന്നുണ്ട്. എന്നാൽ ദിലീപേട്ടൻ ഫാൻസ്‌ അവരെ വെറുതെ വിട്ടില്ല. ചുട്ട മറുപടി തന്നെ അത്തരക്കാർക്ക് ഫാൻസ്‌ നൽകുകയും ചെയ്തു.മുസ്ളീം ആയിരുന്നെങ്കിൽ ഞാൻ കല്യാണം കഴിച്ചേനെ! സാരമില്ല ഇനിയും സമയം ഉണ്ടെന്ന് മീനൂട്ടിയോട് ആരാധകൻ പറഞ്ഞത്. ഇതിനെയാണ് ഫാൻസ്‌ പൊളിച്ചടുക്കിയത്.

മാർച്ച് 23 ആം തീയതിയാണ് മീനൂട്ടിയുടെ ജനനം എന്നാണ് റിപ്പോർട്ട്. മെഡിക്കൽ വിദ്യാർത്ഥിനിയാണ് മീനാക്ഷി ദിലീപ്. ഒരു വർഷം കൊണ്ട് മീനാക്ഷി ഡോക്ടർ പഠനം പൂർത്തിയാക്കും എന്നാണ് ആരാധകരുടെ കണ്ടെത്തൽ. അച്ഛൻ കുട്ടിയാണ് മീനാക്ഷി എന്നാണ് പൊതുവെ ഉള്ള അഭിപ്രായം. മഞ്ജുവും ദിലീപും വേര്പിരിഞ്ഞപ്പോൾ അച്ഛനൊപ്പം പോകാൻ ആണ് മകൾ തീരുമാനിച്ചത്.

മീനാക്ഷിയുടെ സിനിമ അരങ്ങേറ്റത്തിനായി കാത്തിരിക്കുകയാണ് ആരാധകർ. എന്നാൽ ഇക്കാര്യത്തിൽ ഒരു സൂചനയോ പ്രതികരണമോ താരപുത്രിയുടെ ഭാഗത്ത് നിന്നോ ദിലീപിന്റെ ഭാഗത്ത് നിന്നോ ഉണ്ടായിട്ടില്ല. ദിലീപ്-കാവ്യാമാധവൻ ദമ്പതികളുടെ മകളായ മഹാലക്ഷ്മിയുടെ വിവരം അറിയാനും ആരാധകർ കാത്തിരിക്കുകയാണ്. 2016ൽ ആയിരുന്നു ദിലീപും കാവ്യ മാധവനും വിവാഹിതർ ആവുന്നത്. വിവാഹത്തിന് പിന്നാലെ കാവ്യ സിനിമ വിടുകയും ചെയ്തു. ദിലീപിന് കൈ നിറയെ ചിത്രങ്ങളാണ്.