ഇസ്ലാമിക മത പ്രഭാഷകൻ സക്കീർ നായിക്കിനെ ഒമാനിൽ നിന്ന് നാടുകടത്താൻ സാധ്യതയുണ്ടെന്ന് റിപ്പോർട്ട്. മാർച്ച് 23 ന് ഒമാൻ സന്ദർശനത്തിനിടെ സക്കീർ നായിക്കിനെ കസ്റ്റഡിയിലെടുക്കാനാണ് ഇന്ത്യയുടെ ശ്രമം. ഇന്ത്യൻ ഇസ്ലാമിക പ്രഭാഷകനായ സക്കീർ നായിക് 2017 മുതൽ മലേഷ്യയിൽ താമസിക്കുകയാണ്. ഒമാനിലെ അവ് ഫാക് മതകാര്യ മന്ത്രാലയമാണ് റമദാനോടനുബന്ധിച്ച് മാർച്ച് 23ന് ഖുറാൻ ഒരു ആഗോള ആവശ്യം എന്ന വിഷയത്തിൽ പ്രഭാഷണം നടത്തുക. രണ്ടാമത്തെ പ്രഭാഷണം മാർച്ച് 25നാണ്. സുൽത്താൻ ഖാബൂസ് സർവ്വകലാശാലയിൽ പ്രവാചകൻ മനുഷ്യരാശിയ്ക്കുള്ള ദയവായ്പ് എന്ന വിഷയത്തിലാണ് ഈ ചർച്ച.
ഇതിനു പിന്നാലെ ഇയാളെ കസ്റ്റഡിയിലെടുക്കാനും ഇന്ത്യയിലേക്ക് നാടുകടത്താനും പ്രാദേശിക ഇന്ത്യൻ എംബസി ഏജൻസികളുമായി ബന്ധപ്പെട്ടിട്ടുണ്ടെന്ന് റിപ്പോർട്ടിൽ പറയുന്നു. തടങ്കലിനുശേഷം തുടർനടപടികൾക്കായി ഇന്ത്യ നിയമസംഘത്തെ അയയ്ക്കാൻ സാധ്യതയുണ്ടെന്നും ഇക്കാര്യം ഒമാനി അംബാസഡറെ വിദേശകാര്യമന്ത്രാലയം അറിയിച്ചിട്ടുണ്ടെന്നും റിപ്പോർട്ടിൽ പറയുന്നു.
തന്റെ സംഘടനയായ ഇസ്ലാമിക് റിസർച്ച് ഫൗണ്ടേഷനെ നിരോധിച്ചതിനെത്തുടർന്ന് സക്കീർ നായിക് 2016 ൽ ഇന്ത്യ വിട്ടിരുന്നു . ഇന്ത്യയിലും വിദേശത്തുമുള്ള മുസ്ലീം യുവാക്കളെയും തീവ്രവാദികളെയും തീവ്രവാദ പ്രവർത്തനങ്ങൾക്ക് പ്രേരിപ്പിച്ചെന്ന കേസും സക്കീർ നായിക്കിനെതിരെയുണ്ട് .
2019ൽ മലേഷ്യയിൽ പൊതു പ്രസംഗങ്ങൾ നടത്തുന്നതിൽ നിന്നും സക്കീർ നായിക്കിനെ വിലക്കിയിരുന്നു. ഇന്ത്യയെ കൂടാതെ, ബംഗ്ലാദേശ്, കാനഡ, ശ്രീലങ്ക, യുകെ എന്നിവിടങ്ങളിൽ സാക്കീർ നായിക്കിന്റെ പീസ് ടിവി നെറ്റ്വർക്കും നിരോധിച്ചു.2022-ലെ മംഗളൂരു ഓട്ടോ സ്ഫോടനക്കേസിലെ മുഖ്യപ്രതിയായ മുഹമ്മദ് ഷാരിഖ്, സക്കീർ നായിക്കിന്റെ വീഡിയോകൾ തന്നെ സ്വാധീനിക്കുകയും തീവ്രവാദിയാക്കുകയും ചെയ്തതായി പറഞ്ഞിരുന്നു.
നേരത്തെ ഫിഫ ലോകകപ്പ് സമയത്ത് ഖത്തറിൽ മതപ്രഭാഷണത്തിന് സക്കീർ നായിക്ക് എത്തിയിരുന്നു. കള്ളപ്പണം വെളുപ്പിക്കൽ, വിദ്വേഷപ്രസംഗം എന്നിവയുടെ പേരിലാണ് ഇന്ത്യ സക്കീർ നായിക്കിനെ തേടുന്നത്. 2017ൽ ഇന്ത്യയിൽ നിന്നും രക്ഷപ്പെട്ട സക്കീർ നായിക്ക് അഭയാർത്ഥിയായി മലേഷ്യയിൽ കഴിയുകയാണ്.
പയ്യന്നൂർ∙ കോയിപ്രയിൽനിന്നും കാണാതായ യുവതിയെ അന്നൂരിലെ ഒരു വീട്ടിൽ മരിച്ച നിലയിൽ കണ്ടെത്തി. മാതമംഗലം സ്വദേശി അനിലയെ(36)യാണ് മരിച്ചനിലയില് കണ്ടത്.…
കൊച്ചി: ബലാത്സംഗത്തെത്തുടര്ന്ന് ഗര്ഭിണിയായ സംഭവത്തില് ഗര്ഭച്ഛിദ്രത്തിന് അനുമതി നിഷേധിക്കുന്നത് അന്തസ്സോടെ ജീവിക്കാനുള്ള അവകാശത്തിന്റെ നിഷേധമാണെന്ന് ഹൈക്കോടതി. 16 വയസ്സുകാരിയായ പ്ലസ്…
ഭോപ്പാല് : മണല് മാഫിയ പോലീസുകാരനെ ട്രാക്ടര് കയറ്റിക്കൊന്നു. മധ്യപ്രദേശില് ആണ് സംഭവം. ശാഹ്ഡോലിലെ എ.എസ്.ഐ. മഹേന്ദ്ര ബാഗ്രിയാണ് കൊല്ലപ്പെട്ടത്.…
തൃശൂർ : ഇലഞ്ഞിത്തറ മേളത്തിലെ അതികായൻ കേളത്ത് അരവിന്ദാക്ഷൻ മാരാർ അന്തരിച്ചു. 84 വയസായിരുന്നു. വാർദ്ധക്യ സഹജമായ അസുഖങ്ങളെ തുടർന്ന്…
കൊച്ചി : ഹോസ്റ്റലിലെ ശൗചാലയത്തില് യുവതി ആണ്കുഞ്ഞിന് ജന്മം നല്കി. യുവതിയുടെ കൂട്ടുകാര് വിവരമറിയിച്ചതിനെ തുടര്ന്ന് സ്ഥലത്തെത്തിയ നോര്ത്ത് പോലീസ്…
ആലപ്പുഴ : വൈദ്യുത മുടക്കത്തിൽ പ്രതിഷേധിച്ച് അർദ്ധരാത്രിയിൽ നാട്ടുകാരുടെ പ്രതിഷേധം. പുന്നപ്രയിൽ തീരദേശത്ത് രാത്രിയിൽ മുന്നറിയിപ്പില്ലാതെ വൈധ്യുതി കട്ടായതോടെയാണ് മത്സ്യത്തൊഴിലാളികൾ…