നിങ്ങളുടെ സപ്പോർട്ട് അത്യാവശ്യമാണ്, തലമുടി വളരാനുള്ള എണ്ണയുണ്ടാക്കി ശരണ്യ ശശി

മലയാളികളുടെ പ്രിയപ്പെട്ട നടിയായിരുന്നു ശരണ്യ.അഭിനയത്തിൽ തിളങ്ങി നിൽക്കവെയാണ് കാൻസർ എന്ന മഹാവ്യാധി നടിയെ പിടികൂടുന്നത്.കാൻസർ ബാധിച്ച് ഗുരുതരാവസ്ഥയിൽ ആയിരുന്ന സിനിമ-സീരിയൽ നടി ശരണ്യ ശശി പുതു ജീവിതത്തിലേക്ക് തിരികെ എത്തിത്തുടങ്ങിയെന്ന വാർത്ത മലയാളികൾ ഏറെ സന്തോഷത്തോടെയാണ് സ്വീകരിച്ചത്. ഏപ്രിലിൽ നടത്തിയ ശസ്ത്രക്രിയയെ തുടർന്ന് ശരണ്യയ്ക്ക് ചലന ശേഷി നഷ്ടപ്പെട്ടിരുന്നു.തുടർന്ന് കോതമംഗലം പീസ്വാലി ആശുപത്രിയിൽ ഫിസിയോ തെറാപ്പി നടന്ന് വരികയായിരുന്നു.ഫിസിയോ തെറാപ്പി ഫലം കാണുകയും ശരണ്യ പതുക്കെ നടന്ന് തുടങ്ങുകയും ചെയ്ത് തുടങ്ങി.

പുതുവർഷത്തിലാണ് താരം പുതിയ യൂടൂബ് ചാനൽ ആരംഭിച്ചത്. പ്രിയപ്പെട്ടവരുമായി സംവദിക്കാൻ യൂ ട്യൂബ് ചാനലുമായി എത്തിയ ശരണ്യ ഇക്കുറി അഡാർ ഒരു റെസിപ്പിയുമായാണ എത്തിയിരിക്കുന്നത്.എണ്ണകാച്ചാനുള്ള അങ്ങാടി മരുന്നുകൾ വാങ്ങാൻ അമ്മയ്‌ക്കൊപ്പം കാറിൽ യാത്ര ചെയ്യുന്നിടത്ത് നിന്നുമാണ് ശരണ്യ പുതിയ വ്ലോഗ് ആരംഭിക്കുന്നത് തന്നെ. തന്നാൽ കഴിയും വിധം വിവരണവും മറ്റുമായി ശരണ്യ ഒരു വീഡിയോയിലും സജീവമാണ്. ഇതൊക്കെയും കൂടാതെ തന്നെ ഒരാപത്ഘട്ടത്തിൽ സഹായിക്കാൻ ഒപ്പം നിന്നവരോടുള്ള നന്ദി സൂചകമായുള്ള വീഡിയോയും ശരണ്യ പോസ്റ്റ് ചെയ്തിട്ടുണ്ട്.ഒട്ടേറെ ആരാധകർ ശരണ്യയ്ക്ക് പിന്തുണയും ആശംസയുമായി ഈ വീഡിയോയിൽ ഒപ്പം ചേരുന്നു. പലരും ശരണ്യയുടെ ജീവിതം ഒരു പ്രചോദനമായി കാണുന്നുമുണ്ട്.

2012ലാണ് ശരണ്യയ്ക്ക് ബ്രെയിൻ ട്യൂമർ കണ്ടെത്തിയത്.ഷൂട്ടിങ് സെറ്റിൽ കുഴഞ്ഞു വീണതിനെ തുടർന്ന് സഹപ്രവർത്തകർ ആശുപത്രിയിൽ എത്തിച്ചപ്പോഴാണ് നടിയുടെ രോഗം സ്ഥിരീകരിച്ചത്.തുടർന്ന് ഇങ്ങോട്ട് നിരവധി ശസ്ത്രക്രിയയ്ക്ക് നടി വിധേയയായി.തലയിലെ ഏഴാം ശസ്ത്രക്രിയയോടെയാണ് ശരണ്യയുടെ ഒരു വശം തളരുകയും കിടപ്പിലാവുകയും ചെയ്തത്.സാമ്പത്തികമായും തകർന്ന ശരണ്യയെ സഹായിക്കാൻ പലരും മുന്നിട്ടെത്തി.

സീരിയൽ താരങ്ങളുടെ സംഘടനയായ ആത്മയുടെ ഭാരവാഹിയായ സീമ ജി നായർ എന്നും ശരണ്യയ്ക്ക് ഒപ്പമുണ്ടായിരുന്നു.തിരുവനന്തപുരത്ത് വീടകവീട്ടിൽ കഴിഞ്ഞസ ശരണ്യയെ സീമ ജി നായർ വൈറ്റിലയിലെ തന്റെ വീട്ടിൽ എത്തിക്കുകയും പിന്നീട് ഫിസിയോ തെറാപ്പിക്ക് വേണ്ടി ആശുപത്രിയിലേക്ക് മാററുകയുമായിരുന്നു. സാമ്പത്തികമായും തകർന്ന ശരണ്യയെ സഹായിക്കാൻ ആദ്യവസാനം ഒപ്പമുണ്ടായിരുന്നത് സീരിയൽ താരങ്ങളുടെ സംഘടനയായ ആത്മയുടെ ഭാരവാഹി സീമ ജി.നായരാണ്.