തിരുവനന്തപുരം: ശനിയാഴ്ച്ച രാവിലെയാണ് കെപിസിസി രാഷ്ട്രീയ കാര്യസമിതിയില് നിന്നും രാജിവെച്ചതായി അറിയിച്ചുകൊണ്ട് കത്ത് സുധീരന് കെപിസിസിക്ക് കൈമാറിയത്. കെപിസിസി രാഷ്ട്രീയ കാര്യ സമിതി അംഗം എന്ന നിലയിലും മുന് കെപിസിസി അധ്യക്ഷന് എന്നീ നിലകളില് പ്രവര്ത്തിച്ചിട്ടുള്ള തന്നെ പാര്ട്ടി നേതൃത്വം അവഗണിക്കുന്നു എന്ന നിലപാടായിരുന്നു വി എം സുധീരന് ഉണ്ടായിരുന്നത്. അടുത്ത കേന്ദ്രങ്ങളോട് അദ്ദേഹം പല തവണ ഇക്കാര്യം സൂചിപ്പിച്ചിരുന്നതായും റിപ്പോര്ട്ടുകളുണ്ടായിരുന്നു. പിന്നാലെയാണ് രാജി. പാര്ട്ടിയില് കൂടിയാലോചനകള് ഇല്ലെന്ന ആക്ഷേപം നിരന്തരം ഉന്നയിച്ചിരുന്ന വ്യക്തി കൂടിയായിരുന്നു അദ്ദേഹം.
ഇപ്പോള് വി എം.സുധീരനെ അനുനയിപ്പിക്കാനുള്ള ശ്രമം പരാജയപ്പെട്ടു. സുധീരനെ വീട്ടിലെത്തി പ്രതിപക്ഷ നേതാവ് വി.ഡി.സതീശന് കണ്ടെങ്കിലും നിലപാട് മാറ്റാന് സുധീരന് തയ്യാറായില്ല. നിലപാട് എടുത്താല് അതില് നിന്നും പിന്വാങ്ങാത്തയാളാണ് സുധീരന് എന്ന് കൂടിക്കാഴ്ച്ചക്ക് ശേഷം പ്രതിപക്ഷ നേതാവ് വിഡി സതീശന് പറഞ്ഞു.സുധീരനുമായി ചര്ച്ച നടത്തുമെന്നും രാജി പിന്വലിക്കണമെന്ന് ആവശ്യപ്പെടുമെന്നും കെപിസിസി അധ്യക്ഷന് കെ.സുധാകരനും എഐസിസി ജനറല് സെക്രട്ടറി താരിഖ് അന്വറും പറഞ്ഞു.
ഏകപക്ഷീയമായി തീരുമാനങ്ങള് എടുക്കുന്നതില് ഹൈക്കമാന്റില് അതൃപ്തി അറിയിച്ചിരുന്നു. ആരോഗ്യകാരണങ്ങളാലാണ് സുധീരന് രാജിവച്ചതെന്നായിരുന്നു കഴിഞ്ഞദിവസം സുധാകരന് പറഞ്ഞത്. സുധീരനു പരാതികളുണ്ടെന്ന കാര്യം സുധാകരന് സമ്മതിച്ചു. പിന്നാലെ സതീശന് സുധീരന്റെ വീട്ടിലെത്തി. ഇരുവരും അടച്ചിട്ട മുറിയില് ദീര്ഘനേരം സംസാരിച്ചു. രാഷ്ട്രീയകാര്യ സമിതിയെ നോക്കുകുത്തിയാക്കി ചില നേതാക്കള് തമ്മില് കൂടിയാലോചനകള് നടത്തുന്നതിലെ അതൃപ്തി സുധീരന് തുറന്നു പറഞ്ഞെന്നാണു സൂചന.
‘ഏത് കാലത്താണ് സുധീരന് സ്വന്തം നിലപാടില് നിന്നും മാറിയിട്ടുള്ളത്. നേതൃത്വത്തിന്റെ ഭാഗത്ത് നില്ക്കുന്ന എന്റെ ഭാഗത്തും വീഴ്ച്ചയുണ്ടായിട്ടുണ്ട്. അത് അദ്ദേഹത്തോട് പറഞ്ഞു. എന്നോട് ക്ഷണിക്കണം എന്ന് പറയാന് എനിക്ക് സ്വാതന്ത്ര്യം ഉള്ളയാളാണ് സുധീരന്, പത്ത് സതീശന് വിചാരിച്ചാലും സുധീരന്റെ നിലപാട് മാറ്റാന് കഴിയില്ല.’ കൂടിക്കാഴ്ച്ചക്ക് ശേഷം സതീശന് മാധ്യമ പ്രവര്ത്തകരോട് പറഞ്ഞു.
രാജി ഏത് സാഹചര്യത്തിലായാലും പിന്വലിക്കാന് വി എം സുധീരനോട് ആവശ്യപ്പെടുമെന്ന് കെപിസിസി പ്രസിഡണ്ട് കെ സുധാകരനും നേരത്തെ വ്യക്തമാക്കിയിരുന്നു. വി എം സുധീരനെ നേരിട്ട് കണ്ട് ഇക്കാര്യം ആവശ്യപ്പെടുമെന്നും അഭിപ്രായ വ്യത്യാസം ഉണ്ടെങ്കില് കേട്ട ശേഷം പരിഹരിക്കുമെന്നും സുധാകരന് മാധ്യമങ്ങളോട് പറഞ്ഞു. സുധീരനെ നേരിട്ട് കാണാന് ശ്രമിക്കുകയാണ്. ഉന്നയിച്ചിരിക്കുന്ന കാര്യങ്ങള് നിങ്ങള് അറിയേണ്ടതല്ലെന്നും മാധ്യമപ്രവര്ത്തകരോട് സുധാകരന് വിശദീകരിച്ചു.
സുധീരന്റെ നിലപാടുകള് എന്നേക്കാള് നന്നായിട്ട് നിങ്ങള്ക്കറിയാം. അദ്ദേഹത്തിന്റെ നിലപാട് മാറ്റുകയെന്നത് എളുപ്പമല്ല. എന്നെ ഒരുപക്ഷെ ഇടപെടലിലൂടെ മാറ്റിയേക്കാം. ഞാന് അദ്ദേഹത്തിന്റെ നിലപാട് മാറ്റാന് പോയതല്ല. സംഘടനാ കാര്യങ്ങള് സംസാരിച്ചു. എന്തുകൊണ്ടാണ് രാജിവെച്ചതെന്ന് സുധീരന് വ്യക്തമാക്കിയെന്നും സതീശന് കൂട്ടിചേര്ത്തു. പുനഃസംഘടനയില് മതിയായ ചര്ച്ച ഉണ്ടായില്ലെന്ന നിലപാട് തന്നെയാണ് സുധീരന് ഉള്ളതെന്നാണ് റിപ്പോര്ട്ടുകള്. രാഷ്ട്രീയ കാര്യസമിതിയില് നിന്നും രാജി വച്ച തീരുമാനം പിന്വലിക്കണം എന്ന് ആവശ്യപ്പെട്ടായിരുന്നു വിഡി സതീശന് സുധീരനെ വീട്ടിലെത്തി കണ്ടത്.
മുന് പ്രതിപക്ഷ നേതാവ് രമേശ് ചെന്നിത്തലയടക്കമുള്ള നേതാക്കള് സുധീരന് പിന്തുണയുമായി രംഗത്തെത്തി. സുധീരനുമായും മുതിര്ന്ന നേതാക്കളുമായും താന് ചര്ച്ച നടത്തുമെന്ന് താരിഖ് അന്വര് പ്രതികരിച്ചു. രാഷ്ട്രീയകാര്യ സമിതിയില് സുധീരന് വേണ്ടത് അനിവാര്യമെന്ന് ചെന്നിത്തല പ്രതികരിച്ചു. സുധീരന്റെ രാജി ദൗര്ഭാഗ്യകരമെന്നും കൂടിയാലോചന ഇല്ലെന്ന പരാതി നേതൃത്വം ചര്ച്ച ചെയ്യണമെന്നും യുഡിഎഫ് കണ്വീനര് എം.എം.ഹസന് പറഞ്ഞു.
തിരുവനന്തപുരം കളിയിക്കാവിളയിൽ റോഡിൽ നിർത്തിയിട്ട കാറിനുള്ളിൽ കരമന സ്വദേശിയായ ക്വാറി ഉടമ ദീപുവാനിന്റെ മൃതദേഹം കണ്ടെത്തിയ സംഭവത്തിലെ സിസ്ടവ് ദൃശ്യങ്ങൽ…
കൊച്ചി ∙ ആർഎസ്എസ് നേതാവായിരുന്ന ശ്രീനിവാസൻ വധക്കേസിലെ 9 പ്രതികളുടെ ജാമ്യാപേക്ഷ തള്ളി. എൻഐഎ കുറ്റപത്രത്തിലെ ഗുരുതര കുറ്റങ്ങൾ ചൂണ്ടിക്കാട്ടിയും…
കൊച്ചി: 28 വര്ഷത്തെ മാധ്യമജീവിതത്തിന് വിരാമമിട്ട് എം.വി. നികേഷ് കുമാര്. ഇനി മുഴുവന് സമയ രാഷ്ട്രീയത്തിലേക്ക് പ്രവേശിക്കുമെന്ന് റിപ്പോർട്ട്. സിപിഎം…
മൂന്നാർ: മൂന്നാറില് കനത്ത മഴയില് വീടിന് മുകളിലേക്ക് മണ്ണിടിഞ്ഞു വീണ് സ്ത്രീ മരിച്ചു. മൂന്നാര് എംജി കോളനിയില് താമസിക്കുന്ന കുമാറിന്റെ…
വയനാട് തലപ്പുഴയിൽ മാവോയിസ്റ്റ് സാന്നിധ്യമുള്ള മേഖലയിൽ കുഴിബോംബ് കണ്ടെത്തി. തണ്ടർബോൾട്ട് പട്രോളിങ് നടത്തുന്ന സ്ഥലത്താണ് കുഴിബോംബ് കണ്ടെത്തിയത്. വനം വകുപ്പിലെ…
ന്യൂഡല്ഹി: ലോക്സഭ സ്പീക്കര് പദവിയിലേക്ക് കോണ്ഗ്രസിലെ കൊടിക്കുന്നില് സുരേഷിനെ മത്സരിപ്പിക്കാനുള്ള തീരുമാനത്തില് തൃണമൂല് കോണ്ഗ്രസിന് അതൃപ്തി. മത്സരിക്കാന് തീരുമാനിക്കുന്നതിന് മുമ്പ്…