തിരുവോണനാളിൽ കാളിദാസ് ജയറാം പങ്കുവെച്ച കുടുംബ ചിത്രം വൈറലായിരുന്നു. നാലംഗ കുടുംബത്തിന്റെ ചിത്രത്തില്‍ അഞ്ചാമത് ഒരാള്‍ കൂടി ഉണ്ടായിരുന്നു. കാളിദാസിനൊപ്പം ഇരിക്കുന്ന പെണ്‍കുട്ടിയായിരുന്നു ആ പുതിയ അതിഥി. ഇതോടെ ആരാണ് ഈ പെണ്‍കുട്ടിയെന്നായി ആരാധകരുടെ അന്വേഷണം. തിരച്ചിലുകള്‍ക്ക് ഒടുവിൽ പെണ്‍കുട്ടിയെ സോഷ്യല്‍ മീഡിയ കണ്ടെത്തി. മോഡലും 2021ലെ ലിവാ മിസ് ദിവാ റണ്ണറപ്പുമായിരുന്ന തരിണി കലിംഗരായര്‍ ആയിരുന്നു കാളിദാസിന്റെ കുടുംബത്തിലെ പുതിയ അതിഥി.
വിഷ്വല്‍ കമ്മ്യൂണിക്കേഷന്‍ ബിരുദധാരിയായ തരിണിയും കാളിദാസും അടുത്ത സുഹൃത്തുക്കളാണ്. കുടുംബത്തോടൊപ്പമുള്ള ചിത്രങ്ങള്‍ കാളിദാസ് പതിവായി പങ്കുവെയ്ക്കാറുണ്ടായിരുന്നു. തരിണിയും കാളിദാസും തമ്മില്‍ പ്രണയത്തിലാണെന്ന് ആരാധകര്‍ ഉറപ്പിച്ചതോടെ ഇക്കാര്യം ശരിവെച്ച് കാളിദാസും രംഗത്തെത്തുകയുണ്ടായി. ഇപ്പോള്‍ ഇതാ വാലന്റൈന്‍സ് ദിനത്തില്‍ തരണിയോടൊപ്പമുള്ള ചിത്രം പങ്കുവെച്ചിരിക്കുകയാണ് കാളിദാസ്.
‘അവസാനം വാലന്റൈന്‍സ് ഡേയില്‍ ഞാന്‍ സിംഗിള്‍ അല്ലാതായിരിക്കുന്നു’ എന്ന ക്യാപ്ഷനാണ് കാളിദാസ് ചിത്രത്തിന് നല്‍കിയിട്ടുള്ളത്. ചിത്രത്തിന് കീഴെ നൈല ഉഷ ഉള്‍പ്പെടെയുള്ള പ്രമുഖര്‍ കമന്റുമായി എത്തി. കാളിദാസും തരിണിയും ലിവിംഗ് ടുഗെതര്‍ റിലേഷനിലാണെന്ന അഭ്യൂഹങ്ങള്‍ നേരത്തെ പ്രചരിച്ചിരുന്നു. ചെന്നൈയിലെ ഒരു ഫ്ലാറ്റില്‍ നിന്നും ഇരുവരും താരദമ്പതികളെ പോലെ സൗത്ത് ഇന്ത്യന്‍ ഫാഷന്‍ അവാര്‍ഡ് ചടങ്ങില്‍ എത്തിയതിന് പിന്നാലെയാണ് അഭ്യൂഹങ്ങള്‍ ശക്തവുന്നത്. ഇരുവരും ഒരുമിച്ചുള്ള ചിത്രവും സോഷ്യല്‍ മീഡിയില്‍ പങ്കുവെച്ചിരുന്നു.
