ശബരിമല : ശബരിമല സന്നിധാനത്ത് മൊബൈല് നിയന്ത്രണം. ശബരിമല സോപാനത്തിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെയാണ് നടപടി. പതിനെട്ടാംപടിക്ക് മുകളില് സന്നിധാനത്ത് മൊബൈല്ഫോണ് അനുവദിക്കാന് അനുവദിക്കില്ലെന്നാണ് ദേവസ്വം അധികൃതര് വ്യക്തമാക്കിയിട്ടുള്ളത്.
സന്നിധാനത്ത് ആദ്യം മൊബൈല് പിടിച്ചാല് താക്കീത് നല്കും. എന്നാല് തെറ്റ് ആവര്ത്തിച്ചാല് കര്ശന ശിക്ഷാനടപടി സ്വീകരിക്കുമെന്നും ദേവസ്വം ബോര്ഡ് പ്രസിഡന്റ് എന് വാസു അറിയിച്ചു.
3,823 പേര് പുല്മേടു വഴി സന്നിധാനത്തെത്തി. ഡിസംബര് രണ്ടിന് മാത്രം 52,060 പേര് ദര്ശനം നടത്തി. സന്നിധാനത്ത് തിരക്ക് കൂടിയതോടെ വെര്ച്വല് ക്യൂവില് ബുക്ക് ചെയ്യുന്നവരുടെ എണ്ണത്തില് വര്ധനയുണ്ടായിട്ടുണ്ട്. ഈ സാഹചര്യത്തില് വെര്ച്വല്ക്യൂവില് ദിവസം ബുക്ക് ചെയ്യുന്നവരുടെ എണ്ണം നിജപ്പെടുത്തും.
നട തുറന്ന ശേഷം തിങ്കളാഴ്ച വരെ 20 ലക്ഷം ടിന് അരവണയാണ് വിറ്റത്. ഒമ്ബത് ലക്ഷം പാക്കറ്റ് അപ്പവും വിറ്റുപോയി. വരുംദിവസങ്ങളിലേക്ക് 15 ലക്ഷം ടിന് അരവണ തയ്യാറാക്കിയിട്ടുണ്ട്. സന്നിധാനത്തെ അരവണ പ്ലാന്റില് ദിവസവും രണ്ട് ലക്ഷം ടിന് അരവണ ഉല്പാദിപ്പിക്കുന്നു. 24 മണിക്കൂറും പ്രവര്ത്തിക്കുന്ന പ്ലാന്റില് 250ലധികം പേരാണ് വിവിധ ഷിഫ്റ്റുകളിലായി ജോലി ചെയ്യുന്നത്. രണ്ട് ലക്ഷം പാക്കറ്റ് അപ്പവും തയ്യാറാക്കിയിട്ടുണ്ട്. രണ്ട് പ്ലാന്റുകളിലായി ദിവസം ഒരു ലക്ഷം പാക്കറ്റ് അപ്പമാണ് തയ്യാറാക്കുന്നത്. ഒരു ടിന് അരവണയ്ക്ക് 80 രൂപയും അപ്പത്തിന് 35 രൂപയുമാണ് വില.
തിരക്ക് കൂടിയിട്ടുണ്ടെങ്കിലും ക്രമസമാധാന പ്രശ്നങ്ങളില്ലാതെ സുഗമമായി തീര്ഥാടനം നടത്താവുന്ന സാഹചര്യമാണ് ശബരിമലയിലുള്ളത്. സന്നിധാനം ഡ്യൂട്ടിക്കായി 1,100 പൊലീസുകാരെയാണ് രണ്ടാം ഘട്ടമായി നിയോഗിച്ചിട്ടുള്ളത്. ഇവരുടെ മേല്നോട്ടത്തിന് 10 ഡിവൈഎസ്പിമാരും ഡ്യൂട്ടിക്കുള്ളതായി സന്നിധാനത്തെ സുരക്ഷാ ചുമതലയുള്ള സ്പെഷ്യല് ഓഫീസര് ഡോ. എ ശ്രീനിവാസ് പറഞ്ഞു.
കണ്ണൂര്: പയ്യന്നൂരില് കാണാതായ യുവതിയെ മരിച്ച നിലയില് കണ്ടെത്തിയ സംഭവം കൊലപാതകമെന്ന് സഹോദരന്. അനിലയും തൂങ്ങി മരിച്ച നിലയില് കണ്ടെത്തിയ…
പാലക്കാട്: കെഎസ്ആര്ടിസി ബസും ഇരുചക്രവാഹനവും കൂട്ടിയിടിച്ചുണ്ടായ അപകടത്തിൽ വയോധികൻ മരിച്ചു. ഇരുചക്രവാഹനത്തിലെ യാത്രക്കാരനായ അഗളി ജെല്ലിപ്പാറ തെങ്ങുംതോട്ടത്തില് സാമുവലിന്റ മകന്…
ന്യൂഡൽഹി: തിരഞ്ഞെടുപ്പ് നേട്ടങ്ങൾക്കുവേണ്ടി ഹിന്ദു-മുസ്ലിം വിഭാഗീയത സൃഷ്ടിക്കാൻ കോൺഗ്രസ് ശ്രമിക്കുന്നെന്ന് കേന്ദ്രമന്ത്രി രാജ്നാഥ് സിങ്. മതത്തിന്റെ പേരിൽ സംഘർഷങ്ങൾ സൃഷ്ടിക്കാനാണ്…
ന്യൂഡല്ഹി: ടോക്കിയോ ഒളിമ്പിക്സിലെ വെങ്കല മെഡല് ജേതാവായ ഗുസ്തി താരം ബജ്റംഗ് പുനിയയ്ക്ക് സസ്പെന്ഷന്. പുനിയയെ ദേശീയ ഉത്തേജക വിരുദ്ധ…
കോഴിക്കോട് : പത്ത് വയസ്സുകാരനെ പീഡനത്തിന് ഇരയാക്കിയതായി പരാതി. കുട്ടികളെ താമസിപ്പിച്ചു പഠിപ്പിക്കുന്ന സ്വകാര്യ സ്ഥാപനത്തിലെ അന്തേവാസിയായ കുട്ടിയാണ് പീഡനത്തിനിരയായത്.…
ദില്ലി: പ്രിയങ്ക ഗാന്ധിയെ മാറ്റി നിറുത്തിയതിൽ വദ്ര പ്രതിഷേധിച്ചു എന്ന റിപ്പോർട്ടുകൾക്കിടെ മറുപടിയുമായി റോബർട്ട് വദ്ര. അമേഠിയിൽ തനിക്കു വേണ്ടി…