ഒറ്റ ഒപ്പ് മതി ജീവിതം മാറിമറിയാൻ

ഒറ്റ ഒപ്പ് മതി ജീവിതം മാറിമറിയാൻ പ്രധാനമന്ത്രിയുടെ ഒറ്റ ഓട്ടോഗ്രാഫില്‍ 19 കാരിയായ റിത മൂദിയുടെ ജീവിതം തന്നെ മാറിമറിഞ്ഞിരിക്കുകയാണ്.

കൊല്‍ക്കൊത്ത റാണിബന്ധെന്ന കൊച്ചുഗ്രാമത്തിലെ സെലിബ്രിറ്റിയാണ് ഇപ്പോൾ ബാങ്കുര ക്രിസ്ത്യന്‍ കോളെജില്‍ രണ്ടാം വര്‍ഷ ബിരുദ വിദ്യാര്‍ത്ഥിനിയായ റിത. വിവാഹാലോചനകളുടെ പ്രളയമാണ് ഇപ്പോൾ റിതയ്ക്ക്. “പ്രധാനമന്ത്രിയുടെ ഓട്ടോഗ്രാഫ് കിട്ടിയതോടെയാണ് എന്റെ ജീവിതം മാറിമറിഞ്ഞത്. അതുകിട്ടിയതോടെ ഇതുവരെ മിണ്ടാതിരുന്നവരെല്ലാം ഓടി വന്ന് സംസാരിക്കാൻ തുടങ്ങി . എല്ലാവര്‍ക്കും അദ്ദേഹം എഴുതിയത് കാണാന്‍ ആണ് ആഗ്രഹം. നന്നായിരിക്കൂ എന്നാണ് അദ്ദേഹം എഴുതിയത്” റിത പറയുന്നു. അമ്മയ്ക്കും സഹോദരിക്കുമൊപ്പം മിഡ്‌നാപൂരില്‍ മോദിയുടെ പ്രസംഗം കേൾക്കാനെത്തിയതായിരുന്നു റീത്ത. പ്രസംഗത്തിനിടെ ഇവർ ഇരുന്ന ടെൻറ് തകർന്നുവീണ് മൂന്നു പേരെയും ആശുപത്രിയിൽ പ്രവേശിപ്പിച്ചു. ഇവരെ സന്ദർശിക്കാന്‍ മോദി എത്തുകയും ചെയ്തു. പിന്നീട്‌ ആശുപത്രിയിലെത്തിയ മോദിയോട് ഒരു ഓട്ടോഗ്രാഫ് തരണമെന്ന് റീത്ത ആവശ്യട്ടു. ഓട്ടോഗ്രാഫ് നൽകാൻ ആദ്യം മടിച്ചെങ്കിലും ‘ആരോഗ്യത്തോടെയിരിക്കുക, റീത്ത മുദി’ എന്ന് പ്രധാനമന്ത്രി കുറിച്ചു നൽകുകയിരുന്നു. ഇതോടെ ബംഗാളിന് പുറമേ ജാര്‍ഖണ്ഡില്‍ നിന്ന് വരെ കല്യാണാലോചന എത്തിയിട്ടുണ്ടെന്ന് റിതയുടെ അമ്മ പറയുന്നു. ആലോചനയൊക്കെ പൊടിപൊടിക്കുന്നുണ്ടെങ്കിലും വിദ്യാഭ്യാസം പൂര്‍ത്തിയാക്കട്ടെ എന്നാണ് അമ്മയ്ക്ക് പറയാനുള്ളത്.