കോവിഡ് വാക്സിന്റെ രാജ്യവ്യാപകമായ രണ്ടാംഘട്ട വിതരണത്തില് പ്രധാനമന്ത്രി നരേന്ദ്രമോദിയും വാക്സിന് സ്വീകരിക്കുമെന്നു സൂചന. പ്രധാനമന്ത്രിയെ കൂടാതെ സംസ്ഥാന മുഖ്യമന്ത്രിമാരും വാക്സിന് സ്വീകരിക്കുമെന്നു ദേശീയ മാധ്യമങ്ങള് റിപോര്ട്ട് ചെയ്തു. അന്പതു വയസ്സിനു മേല് പ്രായമുള്ള എല്ലാം എംപിമാര്ക്കും എംഎല്എമാര്ക്കും വാക്സിന് നല്കാന് ധാരണയായതായും മാധ്യമങ്ങള് റിപോര്ട് ചെയ്തിട്ടുണ്ട്. സിറം ഇന്സ്റ്റിട്യൂട്ടിന്റെ കോവിഷീല്ഡ്, ഭാരത് ബയോടെക്കിന്റെ കോവാക്സിന് എന്നിവയ്ക്കാണ് ഇന്ത്യയില് വിതരണാനുമതി.
രാജ്യത്ത് ജനുവരി 16നാണ് കോവിഡ് വാക്സിന്റെ ആദ്യഘട്ട വിതരണം ആരംഭിച്ചത്. പ്രധാനമന്ത്രിയും മറ്റും വാക്സിന് സ്വീകരിച്ചു ജനങ്ങളില് ആത്മവിശ്വാസം ഉയര്ത്തണമെന്ന നിര്ദേശം കേന്ദ്ര ആരോഗ്യമന്ത്രാലയം നേരത്തെ നിരാകരിച്ചിരുന്നു. പ്രതിരോധ കുത്തിവയ്പിന്റെ നല്ലവശങ്ങള് ആളുകളിലെത്തിക്കാന് വന് പ്രചാരണ പരിപാടികള് സര്ക്കാര് നടത്തും. വാക്സിന് കുത്തിവയ്പില്, ഭിന്നശേഷിക്കാരെയും മുന്ഗണനയോടെ പരിഗണിക്കണമെന്ന് ആവശ്യപ്പെട്ട് മുപ്പതോളം സംഘടനകള് പ്രധാനമന്ത്രിക്കും ആരോഗ്യമന്ത്രിക്കും തുറന്ന കത്തെഴുതി.
രാജ്യത്തു കോവിഡ് വാക്സിന് സ്വീകരിച്ചവരുടെ എണ്ണം 7.86 ലക്ഷം ആയി. 14,199 കേന്ദ്രങ്ങളിലായി കഴിഞ്ഞദിവസം നടന്ന കുത്തിവയ്പില് 1.12 ലക്ഷം പേര് കൂടി വാക്സിനെടുത്തു. കേരളത്തില് കഴിഞ്ഞദിവസം കോവിഡ് വാക്സിന് കുത്തിവയ്പ് ഉണ്ടായിരുന്നില്ല. കോവി ഷീല്ഡിന്റെ ഘടക പദാര്ഥങ്ങളോടു ഗുരുതര അലര്ജിയുള്ളവര് വാക്സിന് സ്വീകരിക്കരുതെന്ന് ഉല്പാദകരായ സീറം ഇന്സ്റ്റിറ്റ്യൂട്ട് നിര്ദേശിച്ചു. ആദ്യ ഡോസില് അലര്ജി അനുഭവപ്പെട്ടാല് രണ്ടാം ഡോസ് ഒഴിവാക്കണം. വാക്സിനെടുക്കുന്നതിനു മുന്പ്, നേരത്തേയുള്ള ആരോഗ്യപ്രശ്നങ്ങള് അറിയിക്കുകയും വേണം, പ്രത്യേകിച്ചു ഗുരുതര അലര്ജികള്.
മേയർ കെഎസ്ആർടിസി ബസ് തടഞ്ഞുനിർത്തി റോഡിൽ കാണിച്ച ഷോയെത്തുടർന്ന് ബഹിരാകാശത്ത് നില്ക്കുന്ന ആര്യാ രാജേന്ദ്രനെ താഴെയിറക്കാം അല്ലെങ്കിൽ എങ്ങനെയെങ്കിലും ഈ…
ന്യൂജേഴ്സി : ആറ് വയസുകാരന്റെ മരണത്തിൽ പിതാവ് അറസ്റ്റിലായ സംഭവത്തിൽ കൂടുതൽ വിവരങ്ങൾ പുറത്ത്. അമിത വ്യായാമം ആണ് കുഞ്ഞിന്റെ…
കണ്ണൂർ : വിമാനത്താവള പരിസരത്ത് വന്യജീവിയുടെ സാന്നിധ്യം കണ്ടെത്തി. ഇന്നലെ രാത്രിയാണ് വന്യജീവിയെ കണ്ണൂർ അന്താരാഷ്ട്ര വിമാനത്താവള പരിസരത്ത് കണ്ടത്.…
കോഴിക്കോട്: സൂര്യാതപമേറ്റ് കോഴിക്കോട് പെയിന്റിങ് തൊഴിലാളി മരിച്ചു. പന്നിയങ്കര സ്വദേശി വിജേഷ് ആണ് മരിച്ചത്. ശനിയാഴ്ച ജോലിസ്ഥലത്ത് വെയിലേറ്റതിനേത്തുടർന്ന് കുഴഞ്ഞു…
സംസ്ഥാനത്ത് തത്ക്കാലം വൈദ്യുതി നിയന്ത്രണം വേണ്ടെന്ന് സർക്കാർ തീരുമാനം. വൈദ്യുതി മന്ത്രി കെ കൃഷ്ണൻകുട്ടിയുടെ അധ്യക്ഷതയിൽ ചേർന്ന യോഗത്തിലാണ് തീരുമാനം.…
കൊയിലാണ്ടി : ടയർ മാറ്റാനായി നിർത്തിയിട്ട കാറിന് പിന്നിൽ ലോറി ഇടിച്ച് രണ്ട് വയസുകാരൻ മരിച്ചു. എട്ട് പേർക്ക് ഗുരുതരമായി…