മമ്മൂക്കയുടെ പുതിയ വീട്ടില്ലെത്തി പൃഥ്വിരാജും ഫഹദും

മലയാളത്തിന്റെ മഹാതാരം മമ്മൂട്ടിയുടെയും ദുൽഖറിന്റെയും പുതിയ വീട് സന്ദർശിക്കാൻ നടൻ പൃഥ്വിരാജും ഫഹദ് ഫാസിലുമെത്തി. ലോക് ഡൗണിന് മുൻപായാണ് മമ്മൂട്ടിയും കുടുംബവും പുതിയ വീട്ടിലേക്ക് മാറിയത്. ആ വീട്ടിലേക്ക് അതിഥികളായി പൃഥ്വിരാജും ഫഹദ് ഫാസിലും എത്തിയതും ഇവരുടെ വരവിന്റെ ചിത്രങ്ങളുമൊക്കെയാണ് ഇപ്പോൾ വൈറലായിക്കൊണ്ടിരിക്കുന്നത്. വൈറ്റില ജനതയിൽ അംബേലിപ്പാടം റോഡിലാണ് പുതിയ വീട്.

മമ്മൂട്ടിയുടെയും പൃഥ്വിരാജിന്റെയും ഫാൻ പേജുകളിലാണ് ഈ ചിത്രങ്ങൾ എത്തിയിരിക്കുന്നത്. ”മമ്മൂക്കയുടെ വീട്ടിൽ പൃഥ്വിരാജും ഫഹദും” എന്ന ക്യാപ്ഷനിലാണ് ചിത്രം പ്രചരിക്കുന്നത്. എന്നാൽ ഇരുവരും ഒന്നിച്ചാണോ എത്തിയത്, എപ്പോഴാണ് എത്തിയതെന്നും വ്യക്തമല്ല.

അധികം ആർഭാടമില്ലാതെയായിരുന്നു ഗൃഹപ്രവേശനം. നാളുകൾക്ക് ശേഷമായാണ് വീട് മാറിയതിനെക്കുറിച്ചും വീടിന്റെ ആകാശദൃശ്യവുമൊക്കെ പുറത്തുവന്നത്. ദുൽഖർ സൽമാൻരെ ഭാര്യയായ അമാൽ സൂഫിയയാണ് വീടിന് ഇന്റീരിയർ ഡിസൈനൊരുക്കിയതെന്നുമുള്ള വിവരങ്ങളും പുറത്തുവന്നിരുന്നു. സോഷ്യൽ മീഡിയയിലൂടെ ഈ വിശേഷങ്ങൾ വൈറലായി മാറിയിരുന്നു.