സിനിമ നടിയായില്ലായിരുന്നെങ്കില്‍ വിവാഹം കഴിഞ്ഞ് രണ്ടു മൂന്ന് കുട്ടികളുടെ അമ്മയായി സുഖമായി കഴിഞ്ഞേനേ; കാവ്യ

ആദ്യ വിവാഹ ബന്ധം വേര്‍പെടുത്തി ദിലീപിനോപ്പം സന്തുഷ്ട ജീവിതം നയിക്കുകയാണ് കാവ്യ. സോഷ്യല്‍ മീഡിയയില്‍ കാവ്യക്ക് ആരാധകര്‍ നിരവധിയാണ്. ദിലീപിനെ വിവാഹം കഴിച്ചതിനെ അനുകൂലിച്ചും പ്രതികൂലിച്ചും നിരവധി ആളുകള്‍ ചര്‍ച്ച നടത്തുന്നുണ്ട്. സഹോദരനെപ്പോലെ കണ്ട ദിലീപിനെ എങ്ങനെയാണ് വിവാഹം കഴിച്ചത് എന്നായിരുന്നു പ്രധാന ചോദ്യം.

ലോക്ക് ഡൗൺ കാലത്ത് മടുപ്പ് മാറ്റാൻ സിനിമാ വിശേഷങ്ങളിലൂടെയാണ്‌ നല്ലൊരു വിഭാഗം ആളുകളും. ആരാധകർ തന്നെ കാവ്യയുടെ പഴയ വാക്കുകൾ ഇപ്പോൾ ഏറ്റെടുത്ത് ചർച്ചയാക്കുന്നു. സിനിമാ ലോകത്തേയ്ക്ക് എത്തിപ്പെട്ടില്ലായിരുന്നുവെങ്കില്‍ കല്ല്യാണം കഴിച്ച് രണ്ടു മൂന്ന് കുട്ടികളുടെ അമ്മയായി സുഖമായി കഴിഞ്ഞേനെ എന്നാണ് കാവ്യാ മാധവന്‍ പറഞ്ഞത്. അഞ്ചു വയസ്സുവരെ എല്ലാവരെയും പോലെ ഒരു സാധാരണ പെണ്‍കുട്ടിയായിരുന്നു താന്‍. പിന്നീട് സിനിമയുമായി ഒരു ബന്ധമില്ലാത്ത കുടുംബത്തില്‍ ജനിച്ചിട്ടും സിനിമാ ലോകത്തേയ്ക്ക് എത്തപ്പെട്ടു.തുടര്‍ന്നങ്ങോട്ട് സിനിമാ ലോകത്തേയ്ക്കുള്ള വാതിലുകള്‍ ഒരോന്നായി കാവ്യയ്ക്ക് മുന്നില്‍ തുറക്കപ്പെടുകയായിരുന്നു. എന്നാല്‍, സിനിമയ്ക്ക് മാത്രമായി ജീവിതം ഉഴിഞ്ഞു വച്ചതോടെ പഠനം ഉള്‍പ്പെടെയുള്ള വിലപ്പെട്ട പലതും കാവ്യയ്ക്ക് നഷ്ടമായി.

സിനിമയില്‍ എത്തിയില്ലായിരുന്നെങ്കില്‍ ഒരു കല്ല്യാണമൊക്കെ കഴിച്ച് രണ്ട് മൂന്ന് കുട്ടികളുടെ അമ്മയൊക്കെയായി നീലേശ്വരത്തെ ഏതെങ്കിലും പ്രാന്തപ്രദേശത്ത് നല്ലൊരു വീട്ടമ്മയായി സുഖമായി കഴിയുന്നുണ്ടാകുമായിരുന്നുവെന്ന് കാവ്യ വെളിപ്പെടുത്തിയത്. അങ്ങനെയെങ്കില്‍ തീര്‍ച്ചയായും ജോലിക്കു പോകുന്ന സ്ത്രീ ആയിരിക്കില്ല താന്‍. എന്നാല്‍, സിനിമയില്‍ എത്തപ്പെടാന്‍ കഴിഞ്ഞത് വലിയൊരു ഭാഗ്യമായി കരുതുന്നുവെന്നും കാവ്യ കൂട്ടിച്ചേര്‍ക്കുന്നു

നായികമാരുടെ കുട്ടിക്കാലം അവതരിപ്പിച്ച് വെള്ളിത്തിരയിലേക്കെത്തിയ കാവ്യയെ വളരെ പെട്ടെന്നാണ് പ്രേക്ഷകര്‍ സ്വീകരിച്ചത്. മോഹന്‍ലാല്‍, മമ്മൂട്ടി, ദിലീപ് എന്നു വേണ്ട മലയാളത്തിലെ ഒട്ടുമിക്ക താര രാജാക്കന്മാരോടൊപ്പം കാവ്യ അഭിനയിച്ചിട്ടുണ്ട്. 1991 ല്‍ ബാലതാരമായി തുടങ്ങിയ കാവ്യ 2016 വരെ സജീവമായി മലയാള സിനിമയിലുണ്ടായിരുന്നു. 2016 നവംബര്‍ 25നായിരുന്നു കാവ്യയുടെയും ദിലീപിന്റെയും വിവാഹം. മഹാലക്ഷ്മി എന്നൊരു മകളും ഉണ്ട് ഇരുവര്‍ക്കും.