മകൾ വിദേശത്തേയ്ക്ക് പോയതിന് പിന്നാലെ പുത്തൻ സന്തോഷ വാർത്ത പങ്കിട്ട് താരദമ്പതികൾ

ബിന്ദുപണിക്കരും സായ് കുമാറും മലയാള സിനിമയിലെ താരദമ്പതികളാണ്. ഇരുവരുടെയും രണ്ടാം വിവാഹമാണ്. ഏറെ വിവാദങ്ങൾക്കൊടുവിലാണ് ഇരുവരും വിവാഹിതരായത്. 2019 ഏപ്രിൽ 10 നാണു ഇരുവരും വിവാഹിതരായത്. സായികുമാറിന്റെ ആദ്യ വിവാഹം ഡിവോഴ്സിലാണ് അവസാനിച്ചത്. 2009 ൽ തുടങ്ങിയ വിവാഹമോചന കേസ് 2017 ലാണ് അവസാനിച്ചത്.

ഈയിടെയാണ് ഇരുവരുടെയും മകൾ കല്യാണി വിദേശത്തേക്ക് പഠിക്കാൻ പോയത്. സ്‌നേഹത്തോടെയും കണ്ണീരോടെയും മകളെ യാത്രയാക്കാൻ എയർപോർട്ടിൽ എത്തിയ സായി കുമാറിന്റെയും ബിന്ദു പണിക്കറിന്റെയും വീഡിയോ വൈറൽ ആയിമാറിയിരുന്നു. ഇപ്പോൾ ഇതാ മകൾ പോയതിനു പിന്നാലെ ഒരു സന്തോഷ വാർത്തയുമായി ഈ താര ദമ്പതികൾ എത്തിയിരിക്കുകയാണ്. ഇരുവരും പുതിയൊരു വീട്ടിലേക്ക് താമസം മാറിയിരിക്കുകയാണ്. കൊച്ചിയിലെ ഒരു ഫ്‌ലാറ്റ് ആണ് ഇവർ വാങ്ങിച്ചത്. ഫ്‌ലാറ്റിന്റെ പുറത്തും അകത്തുമുള്ള ചിത്രങ്ങൾ വീഡിയോയിൽ കാണിക്കുന്നുണ്ട്. ഫ്‌ലാറ്റിന്റെ ഉള്ളിൽ സായി കുമാറിന്റെ വരച്ച ചിത്രവും നടരാജ വിഗ്രഹവും എല്ലാം കാണാം. പുത്തൻ വീട്ടിലേക്ക് മാറിയത് കണ്ട് നിരവധി ആരാധകരും ആശംസകളുമായി എത്തി.

കോഴിക്കോട് സ്വദേശിനിയായ ബിന്ദു പണിക്കരുടെ ആദ്യവിവാഹം 1997 ലായിരുന്നു നടന്നത്. സംവിധായകൻ ബിജു വി നായർ ആയിരുന്നു താരത്തിന്റെ ഭർത്താവ്. ആ ബന്ധം ആറുവർഷം മാത്രം ആണ് നിലനിന്നത്. പെട്ടെന്നുണ്ടായ ഹൃദയാഘാതത്തെതുടർന്ന് ബിജു ബി നായർ മരണപ്പെടുകയായിരുന്നു. ബിന്ദു പണിക്കരുടെ മകൾ‌ അരുന്ധതിയും ഇവരോടൊപ്പമാണ് താമസിക്കുന്നത്.

1986 ൽ ആയിരുന്നു അഭിനേത്രിയും ഗായികയുമായ പ്രസന്ന കുമാരിയെ സായികുമാർ വിവാഹം കഴിച്ചത്. ഈ ദാമ്പത്യ ബന്ധത്തിലെ മകളാണ് വൈഷ്ണവി സായികുമാർ. താരം അടുത്തിടെയാണ് അച്ഛന്റെ പാത പിന്തുടർന്ന് അഭിനയ രംഗത്ത് എത്തിയത്, സീ കേരളത്തിൽ വിജകരമായി പ്രദർശനം തുടരുന്ന കൈയെത്തും ദൂരത്ത് എന്ന സീരിയലിൽ കനക ദുർഗ്ഗാ എന്ന കഥാപാത്രം അവതരിപ്പിക്കുന്നത് വൈഷ്ണവിയാണ്.