തിരുവനന്തപുരം : മകൻ അനില് ആന്റണിയുടെ ബിജെപി പ്രവേശനം നേരത്തെ അറിഞ്ഞിരുന്നതായി എ കെ ആന്റണിയുടെ ഭാര്യ എലിസബത്ത്. കോണ്ഗ്രസില് ഭാവിയില്ലെന്ന് കണ്ടാണ് ബിജെപിയിലേക്ക് പോയത്. പ്രാര്ത്ഥനകളില് മുഴുകിയതോടെ ബിജെപിയോടുള്ള വെറുപ്പും എതിര്പ്പും മാറി. മകന് വീട്ടിലേക്ക് തിരിച്ചുവന്നപ്പോള് എ. കെ ആന്റണി സൗമ്യതയോടെയാണ് പെരുമാറിയതെന്നും എലിസബത്ത് പറഞ്ഞു.
ആലപ്പുഴയിലെ കൃപാസനം പ്രാര്ത്ഥനാ കേന്ദ്രത്തില് എലിസബത്ത് ആന്റണി നടത്തിയ സാക്ഷ്യം പറയലിലാണ് സമൂഹമാധ്യമങ്ങളിലടക്കം വലിയ തോതിൽ ചർച്ചയാകുന്നത്.
39 കാരനായ അനില് ആന്റണി സജീവരാഷ്ട്രീയത്തിലേക്ക് വരാന് ഒരുപാട് ആഗ്രഹിച്ചു. പക്ഷേ മക്കള് രാഷ്ട്രീയത്തിനെതിരെ കോൺഗ്രസ് ചിന്തന് ശിബിരത്തില് പ്രമേയം വന്നതോടെ ആശങ്കയായി. ഭാവിയെക്കുറിച്ച് ഉത്കണ്ഠപ്പെട്ടിരിക്കുമ്പോഴാണ് പിഎം ഓഫീസിൽ നിന്നും ബിജെപിയിലേക്കുള്ള വിളി വന്നതെന്ന് എലിസബത്ത് പറയുന്നു.